ءوز  حابارىمىز. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ-تەكسەرۋ كوميتەتى تاياۋدا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن 8 تيپتىك ماسەلەنى اشىق حابارلاندىردى.

 

شيزاڭ اۆتونوميالى رايوندىق ۇكىمەت پارتيا باسشىلىق گرۋپپاسىنىڭ بۇرىنعى مۇشەسى، ورىنباسار ءتوراعاسى ۋاڭ يۇڭ، مەملەكەتتىك فينانس باقىلاۋ-باسقارۋ باس مەكەمەسى تەكسەرۋ مەكەمەسىنىڭ 1-دارەجەلى شارلاۋشىسى جيا پەي-ۋىن، شاڭحاي قالالىق ساياسي كەڭەس پارتيا باسشىلىق گرۋپپاسىنىڭ بۇرىنعى مۇشەسى، باس حاتشىسى حۋاڭ گوپيڭ، جۇڭگو رۇيدا قارجى قوسۋ-دامىتۋ توبى شەكتى سەرىكتىگى پارتكومىنىڭ بۇرىنعى ورىنباسار شۋجيى، باس ديرەكتورى جاڭ جى يۇڭ، گۋاڭدۇڭ ولكەسى جۇڭشان قالالىق تۇرعىن ءۇي جانە قالا-اۋىل قۇرىلىسى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى حۋاڭ مينچياڭ، نيڭشيا حۇيزۋ اۆتونوميالى رايونى گۋيۋان قالالىق دەنساۋلىق ساقتاۋ-سالاماتتىق كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى ياڭ يانپيڭ، حىنان ولكەسى شاڭچيۋ قالاسى لياڭيۋان رايونى ورتا تازالىعى ىستەرى ورتالىعىنىڭ ورىنباسار مەڭگەرۋشىسى لۇي حۇڭبيڭ، شينجياڭ ۇيعۇر اۆتونوميالى رايونى قورعاس قالاسى يشياگاشان سىبە اۋىلدىق شيپاحاناسىنىڭ باستىعى يۇي بين قاتارلىلار بەلگىلەمەگە قايشىلىق جاساپ تارتۋ-تارالعى قابىلداۋ، ۇكىمەت اقشاسىمەن ءىشىپ-جەۋ، ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسىلارعا بارۋ، فورماشىلدىققا-تورەشىلدىككە سالىنۋ، نەگىزگى ساتىنىڭ اۋىرتپالىعىن اۋىرلاتۋ سياقتى ارەكەتتەرى بار بولعاندىقتان قاتاڭ ءبىر جاقتى ەتىلدى. 

 

ورتالىق ءتارتىپ تەكسەرۋ كوميتەتى، مەملەكەتتىك باقىلاۋ-تەكسەرۋ كوميتەتى مىنالاردى باسا دارىپتەدى: ءار دارەجەلى پارتيا ۇيىمدارى ستيل قۇرىلىسىنىڭ تۇلعالىق جاۋاپكەرشىلىگىن مىقتاپ ارقالاپ، باسشى كادرلار، جاڭادان وسىرىلگەن كادرلار، جاس كادرلار قاتارلى ماڭىزدى توپتاعىلاردى قاداعالاي باقىلاپ، نازاردى شەشىم جاساۋ، ساياسات بەلگىلەۋ، تەكسەرىپ بەكىتۋدى باقىلاۋ-باسقارۋ سياقتى شەشۋشى بۋىندارعا شوعىرلاندىرىپ، «ءتورت بۇرىس ستيلدى» تاباندىلىقپەن تۇزەتىپ، جاڭا ستيل ورناتۋى كەرەك. ءار دارەجەلى ءتارتىپ تەكسەرۋ، باقىلاۋ-تەكسەرۋ ورگاندارى راقاتقۇمارلىق، ءسان-سالتاناتقا بەرىلۋ سياقتى بۇرىس ستيلدى تەمىردەي تارتىپپەن قاتاڭ تيىپ، بەلگىلەمەگە قايشى ءىشىپ-جەۋ، بەلگىلەمەگە قايشى تارتۋ-تارالعى، اقشا قابىلداۋ، ۇسىنۋ سياقتى ەسكىلىكتى دەرت-دەربەزدەردى تامىرىمەن قوپارۋعا كۇش سالىپ، قاتاڭ سوققى بەرىپ، بۇرىس ستيل مەن شىرىكتەسۋ ماسەلەلەرىن ءبىر تۇتاس تەكسەرۋدى، قاتار وڭاۋدى جەبەۋى كەرەك. فورماشىلدىق پەن تورەشىلدىكتى رەفورما رۋحىمەن، قاتاڭ تالاپپەن تۇزەتىپ، «فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋ جونىندەگى ءبىر قانشا بەلگىلەمەنىڭ» اتقارىلۋ احۋالىن باقىلاۋ-تەكسەرۋدى كۇشەيتىپ، ءتۇرلى بەلگىلەمەلەردىڭ تياناقتانىپ، ونىمدىلىك كورسەتۋىنە شىنايى كەپىلدىك ەتۋى كەرەك. جۇڭچيۋ مەرەكەسى مەن مەملەكەت مەرەكەسى كەزىندە باقىلاۋ-تەكسەرۋدەن كوز جازباي، ءونىمدى تاجىريبە، ادىستەردەن پايدالانۋعا تاباندى بولىپ جانە ونى ىشكەرىلەي قولدانىپ، مەرەكە كەزىندە «ءتورت بۇرىس ستيل» وڭاي، كوپ تۋىلاتىن ماسەلەلەردى باتىل تەجەپ، سالتتىڭ ۇزدىكسىز جاقسارۋىن ىلگەرىلەتىپ، ورتالىقتىڭ 8 ءتۇرلى بەلگىلەمەسىنىڭ رۋحىن ۇزدىكسىز بەكەمدەۋى كەرەك. 

 

اۋدارعان: امانتاي مۇسايىپ ۇلى