ءوز حابارىمىز. مەملەكەتتىك كەڭەستىڭ اقپارات كەڭسەسى 9-ايدىڭ 24-كۇنى «جوعارى ساپالى دامۋدى ىلگەرىلەتۋ» تاقىرىبىنداعى جەلىلەس اقپارات جاريالاۋ ءماجىلىسىن اشتى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسى بىلاي دەدى: ەلىمىز دۇنيە ءجۇزى بويىنشا كولەمى ەڭ ۇلكەن قوعامدىق قامتاماسىزداندىرۋ تورىن قۇردى، قور كىرىس-شىعىسى مەن قالدىق كولەمى ۇزدىكسىز كەڭەيىپ، كاسىپتەنۋ جاعدايى جالپى جاقتان ورنىقتى بولىپ، جوعارى ساپالى دامۋعا بەلسەندى ۇلەس قوستى.

 

ەلىمىزدىڭ قالا-قالاشىقتارىندا جىلىنا ورتا ەسەپپەن 13 ميلليون ادام تىڭنان كاسىپتەنىپ، كەدەيلىكتەن قۇتىلعان ەڭبەككۇشتەردىڭ سىرتقا شىعىپ جۇمىس ىستەۋ كولەمى 30 ميلليون ادامنان اسىپ، كاسىپتەنۋ جاعدايىنىڭ جالپى تۇلعالىق ورنىقتىلىعىن ساقتادى. ادام كۇشى بايلىعى جانە قوعامدىق قامتاماسىزداندىرۋ مينيسترىنىڭ ورىنباسارى لي جۇڭ بىلاي دەدى: جوعارى ساپالى، تولىق جۇمىستانۋدى جەبەۋدى ەكونوميكالىق، قوعامدىق دامۋدىڭ ماڭداي الدى نىساناسى ەتىپ، جۇمىستانۋ ساياساتى مەن قازىنا، اقشا سياقتى ماكرولىق ساياساتتاردىڭ سايكەستى كۇش سالۋىن بەلسەنە ىلگەرىلەتىپ، دامۋدىڭ جۇمىستانۋعا جەتەكشىلىك ەتۋ قۋاتىن جوعارىلاتۋ كەرەك.

 

لي جۇڭ بىلاي دەدى: جوعارى مەكتەپ بىتىرگەن وقۋشىلار سياقتى جاستاردىڭ كاسىپتەنۋى باستان-اياق ەڭ ماڭىزدى ورىنعا قويىلىپ، قازىنا، باجى، فينانس قاتارلى جاقتان قولداۋ ساياساتتارى كەمەلدەندىرىلىپ، جاڭا جۇمىس ورنىن اشىپ، نەگىزگى ساتىدا شىنعۋ، كەمەلدەنۋ جولى ىركىلىسسىزدەندىرىلىپ، مەكتەپ ءىشى-سىرتىنداعى قىزمەت وتەۋ ساپالاندىرىلىپ، جاستاردىڭ كاسىپتەنۋ دەڭگەيىنىڭ جالپى تۇلعالىق ورنىقتىلىعىنا كەپىلدىك ەتىلدى. ديقان جۇمىسكەرلەرىنە قاراتا، سىرتقا شىعىپ جۇمىس ىستەۋ مەن جاقىن ماڭدا جۇمىسقا ورنالاسۋعا تەڭ ءمان بەرىلىپ، ەڭبەك ماركاسى جەتىلدىرىلىپ، زورايتىلىپ، سىرتقا شىعىپ جۇمىس ىستەۋگە قىزمەت وتەۋ جۇيەسى كەمەلدەندىرىلىپ، ديقان جۇمىسكەرلەردىڭ، اسىرەسە، كەدەيلىكتەن قۇتىلعانداردىڭ جۇمىسقا ورنالاسۋ كولەمى ورنىقتىرىلدى.

 

ەلىمىز قوعامدىق قامتاماسىزداندىرۋ جۇيەسى قۇرىلىسىنىڭ جەدەل دامۋ ارناسىنا ءتۇسۋىن ىلگەرىلەتىپ، نەگىزگى زەينەتكەرلىك، جۇمىسسىزدىق، جۇمىس ۇستىندە جارالانۋ قامسىزداندىرۋىنا قاتىناسقان ادام سانى جەكە-جەكە ءبىر ميلليارد 74 ميلليون ادامعا، 245 ميلليون ادامعا، 301 ميلليون ادامعا جەتتى. لي جۇڭ بىلاي دەدى: كاسىپورىن جۇمىسشى-قىزمەتكەرلەرىنىڭ نەگىزگى زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋ ونان ارى كەمەلدەندىرىلىپ، جىلدىق قور ءتۇزىمىنىڭ قامتۋ كولەمىن كەڭەيتۋدىڭ ساياساتتىق شارالارى زەرتتەلىپ، بۇكىل ەل كولەمىندە جەكەلەردىڭ زەينەتاقى ءتۇزىمى جالپىلاستىرىلىپ، قوردى بازارلاندىرىپ قارجى قوسۋ، اينالىمعا سالۋ كولەمى كەڭەيتىلىپ، قوعامدىق قامسىزداندىرۋ قورىنىڭ قۇنىن ساقتاۋ، ارتتىرۋ جۇيەسى اقاۋسىزداندىرىلدى.

 

لي جۇڭ بىلاي دەدى: يكەمدى جۇمىستانۋشىلاردىڭ، ديقان جۇمىسكەرلەردىڭ، جاڭا جۇمىستانۋ فورماتسياسىنداعى ادامداردىڭ قوعامدىق قامسىزداندىرۋ ءتۇزىمى اقاۋسىزداندىرىلىپ، جاڭا جۇمىستانۋ فورماتسياسىنداعى جۇمىستانۋشىلاردىڭ كاسىپتىك زاقىمدالۋىن قامتاماسىزداندىرۋ سىناق ءتۇيىنى كەڭەيتىلىپ، يكەمدى جۇمىستانۋشىلاردىڭ قامسىزداندىرۋعا قاتىناسۋ نوپوس شەكتەمەسىن ەركىنە قويا بەرۋ ساياساتى تياناقتاندىرىلىپ، ءتىپتى دە كوپ ادام قامتاماسىزداندىرۋ كولەمىنە ەنگىزىلەدى. 

 

اۋدارعان: كۇلان ىرىسباي قىزى

 

 

 

 

 

 

 

 

 

 

 

​