ءوز حابارىمىز. حالىق تۇرمىسىنا قاتىستى ءبىر توپ جاڭا بەلگىلەمە 12-ايدىڭ 1-كۇنىنەن باستاپ اتقارىلادى، بۇل قورا-جاي ساياساتى، تەلەگراف، توراپ الدامكوستىگىن جازالاۋ جانە ودان ساقتاندىرۋ سياقتى كوپتەگەن جاقتاردى قامتيدى.

 

قازىنا مينيسترلىگى، مەملەكەتتىك باجى ىستەرى باس مەكەمەسى، تۇرعىن ءۇي قالا-اۋىل قۇرىلىسى مينيسترلىگى قاتارلى تاراۋلاردىڭ تاياۋدا جاريالاعان مازمۇنداماسىنا نەگىزدەلگەندە، قورا-جاي بازارىنىڭ ورنىقتى، اقاۋسىز دامۋىن جەبەيتىن كوپتەگەن باجى ساياساتى 12-ايدىڭ 1-كۇنىنەن باستاپ اتقارىلادى. توقتام باجىسى جاعىندا، قازىر اتقارىلىپ وتىرعان %1 تىك تومەن باجى تيىمدىلىگىنەن يگىلىكتەنەتىن تۇرعىن ءۇي كولەمى 90 شارشى مەتردەن 140 شارشى مەترگە جوعارىلاتىلادى. تەڭشەلگەننەن كەيىن، بۇكىل ەل بويىنشا جەكەلەر ساتىپ العان بىردەن-ءبىر تۇرعىن ءۇي مەن ەكىنشى تۇرعىن ءۇيدىڭ كولەمى 140 شارشى مەتردەن اسپاسا بولعانى، ءبىر تۇتاس %1 تىك باجى مولشەرى بويىنشا توقتام باجىسى الىنادى. بەيجيڭ مەملەكەتتىك بۇعالتىرلىق شۋەيۋانىنىڭ ورىنباسار باستىعى لي شۇيحۇڭ بىلاي دەدى: بۇل ساۋدا بۋىنىنداعى باجى وزىندىك قۇنىن تومەندەتىپ، قورا-جاي بازارى ساۋداسى ارقىلى جالپىلىق تۇتىنۋدى جەبەۋگە ءتيىمدى. قورا-جاي كاسىپورىندارىنىڭ قارجى قىسىمىن جەڭىلدەتۋ ارقىلى قورا-جاي كاسىبىنىڭ دامۋىن قولدايدى جانە ىلگەرىلەتەدى.

 

   12-ايدىڭ 1-كۇنىنەن باستاپ، «تەلەگراف، توراپ الدامكوستىگى جانە وعان قاتىستى زاڭعا قايشى قىلمىستاردى بىرلەسىپ جازالاۋ جانە ودان ساقتاندىرۋ ءادىسى» رەسمي اتقارىلىپ، جازالاۋ جانە ساقتاندىرۋ وبيەكتىسى ايقىندالدى، بۇل مىنالاردى قامتيدى: تەلەگراف، توراپ الدامكوستىگى جانە وعان قاتىستى قىلمىستاردى وتكىزگەندىگى سەبەپتى قىلمىستىق ىستەر جاۋاپكەرشىلىگى قۋزاستىرىلعاندار؛ تەلەفون كارتوچكاسى، زات تورابى كارتوچكاسى، تۇراقتى تەلەفون، بانكە ەسەپ ءنومىرى، تولەۋ ەسەبى، سيفرلى حالىق اقشاسى اقشا قاپشىعى سياقتىلاردى زاڭسىز ساۋدالاعان، مايعا بەرگەن، قارىزعا بەرگەن ورىن، جەكە نەمەسە قاتىستى ۇيىمداستىرۋشى دەپ تۇراقتاندىرىلعاندار.

 

بۇدان سىرت، 12-ايدىڭ 1-كۇنىنەن باستاپ، بۇكىل ەل بويىنشا سيفرلى ەلەكتروندى تالون رەسمي جالپىلاستىرىلادى. تالون بەرۋشى جاقتىڭ ەلەكتروندى جولداما، ەكى ولشەمدى سيفر، باسىپ شىعارۋ سياقتى تاسىلدەر ارقىلى سيفرلى ەلەكتروندى تالون اشۋىنا بولادى. «قالا الەۋمەتتىك قاتىناس ەرەجەسىنە» ساي، 12-ايدىڭ 1-كۇنىنەن باستاپ، قالا جالپىلىق قاتىناس جۇيەسى جوباسىندا الەۋمەتتىك قاتىناستى الدىمەن دامىتۋ پرينسيبىن ايقىنداپ، ءىرى قۇرىلىس نىساندارىندا الەۋمەتتىك قاتىناستاعى ءجۇرىس-تۇرىس قاجەتىن ءبىر تۇتاس ويلاستىرۋ تالاپ ەتىلدى.

 

اۋدارعان: گۇلنۇر قابىلقاق قىزى