ءوز حابارىمىز. جۇڭگو مەحانيكا ونەركاسىبى بىرلەستىگىنىڭ ەڭ جاڭا ساندى مالىمەتىندە كورسەتىلۋىنشە، بيىل 1-ايدان 10-ايعا دەيىن مەحانيكا ونەركاسىبىنىڭ ارتقان قۇنى ۇقساس مەزگىلدەگىدەن %5.5 ارتىپ، ورنىقتى ارتۋ جارىققا شىققان. ءوندىرۋ-ساتۋ جاعىندا، جۇڭگو مەحانيكا ونەركاسىبى بىرلەستىگى ءتۇيىندى تۇردە باقىلاعان 122 ءتۇرلى مەحانيكا ونىمدەرىنىڭ ىشىندە 72 ءتۇرلى ءونىمنىڭ ءونىم مولشەرى ارتىپ، ءونىم مولشەرىنىڭ ارتۋ جاعدايى جالپى تۇلعالىق جاقتان وتكەن جىلعى ورەدەن جاقسى بولعان. قارجى قوسۋ جاعىندا، حالىق شارۋاشىلىعىنداعى جالپىلىق جابدىقتارعا، ارناۋلى جابدىقتارعا، اۆتوموبيل كاسىبىنە ساياتىن تۇراقتى مۇلىككە قوسىلعان قارجى ۇقساس مەزگىلدەگىدەن ارتقان. سىرتقى ساۋدا ورنىقتىلىق بارىسىندا ىلگەرىلەپ، الدىڭعى جىلعى ءبىرشاما جاقسى جاعداي ۇزدىكسىز جالعاسقان.

 

سونىمەن بىرگە، بيىل جىل باسىنان بەرى مەحانيكا ونەركاسىبىندە سيفرلانۋ، زەيىندەستىرۋ، جاسىلداندىرۋعا بۇرىلىس جاساۋ اياق الىسى جەدەلدەۋدە. ءداستۇرلى كاسىپتەر مەن ورتا، شاعىن كاسىپورىندار جاعىندا، سيفرلانۋدىڭ جالپىلاسۋ مولشەرى زور دارەجەدە جوعارىلاپ، زەيىندەستىرىلگەن تەحنيكا ونىمدەردىڭ تەز قارقىنمەن جاڭالانۋى ۇزدىكسىز ىلگەرىلەپ، ءوندىرىس ونىمدىلىگى ۇزدىكسىز جوعارىلاۋدا.

 

اۋدارعان: قاناتبەك جۇماباي ۇلى