ءوز حابارىمىز. ولكە-مينيستر دارەجەلى نەگىزگى باسشى كادرلاردىڭ پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ-دايەكتەندىرۋ ارناۋلى تاقىرىپتىق زەرتتەۋ-تالقى كۋرسى 10-ايدىڭ 29-كۇنى تۇستەن بۇرىن ورتالىق پارتيا مەكتەبى-مەملەكەتتىك اكىمشىلىك شۋەيۋانىندا باستالدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەپ بىلاي دەپ باسا دارىپتەدى: پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ-دايەكتەندىرۋدى ۇزدىكسىز تەرەڭدەتىپ، بۇكىل پارتيانى، بۇكىل ەل حالقىن رەفورما سەنىمىن بەكەمدەۋگە جەتەكتەۋ؛ زەيىن-زەردە، كۇش-قۋاتتى اناعۇرلىم شوعىرلاندىرا رەفورمانىڭ ورنىقتى، باياندى دامۋىن ىلگەرىلەتۋ كەرەك.

 

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى لي چياڭ كۋرس باستاۋ سالتىن باسقاردى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، مەملەكەت ءتوراعاسىنىڭ ورىنباسارى حان جىڭ كۋرس باستاۋ سالتىنا قاتىناستى. 

 

شي جينپيڭ مىنالاردى انىق ايتتى: پارتيا 18-كەزەكتى ورتالىق كوميتەتىنىڭ ءۇشىنشى جالپى ءماجىلىسى جاڭا داۋىردە رەفورمانى جالپى بەتتىك تەرەڭدەتۋ، رەفورمانى جۇيەلى، جالپى تۇلعالىق جوبالاپ ىلگەرىلەتۋ جاڭا ساپارىن باستاپ، ەلىمىزدىڭ رەفورما جاساۋ-ەسىك اشۋىندا شىت جاڭا جاعداي جاراتىلدى، بۇل ءداۋىر بولگىش مانگە يە. جاڭا داۋىردە رەفورمانى جالپى بەتتىك تەرەڭدەتۋدە كەلەلى امالياتتىق جەتىستىككە، تۇزىمدىك جەتىستىككە، نازاريالىق جەتىستىككە قول جەتتى، بۇل ەلىمىزدىڭ رەفورما جاساۋ-ەسىك اشۋ تاريحي ۇردىسىندەگى ەڭ ايبىندى داستانداردىڭ ءبىرى، ول جالپى بەتتىك دوڭگەلەك داۋلەتتى قوعام قۇرۋعا، «ەكى ۇلى كەرەمەتتى» جالعاستى جازۋعا قۇدىرەتتى قوزعاۋشى كۇش جانە تۇزىمدىك كەپىل ازىرلەدى. جاڭا جورىقتا رەفورمانى ونان ارى جالپى بەتتىك تەرەڭدەتۋگە بەرىك نەگىز جانە قۇندى تاجىريبەلەر ازىرلەدى.

 

شي جينپيڭ بىلاي دەپ باسا دارىپتەدى: تۋراشىلدىقتا تاباندى بولىپ جاڭالىق جاراتۋ-رەفورمانى ونان ارى جالپى بەتتىك تەرەڭدەتۋدە ءسوز جوق مىقتى يگەرەتىن، باستان-اياق تاباندى بولاتىن ماڭىزدى پرينسيپ. ءبىزدىڭ رەفورمامىزدا بەتالىس بار، پرينسيپ بار. پارتيانىڭ جالپى بەتتىك باسشىلىعىنا، ماركسيزمگە، جۇڭگوشا سوتسياليزمگە، حالىق دەموكراتياسى ديكتاتۋراسىنا تاباندى بولىپ، قوعامدىق تەڭدىك پەن ادىلدىكتى جەبەۋدى، حالىقتىڭ ىرىسىن ارتتىرۋدى شىعار ءتۇيىن جانە تياناق ەتۋ كەرەك، بۇلاردىڭ بارلىعى نەگىزدى، بەتالىستى، ۇزاق بولاشاقتى بەلگىلەيدى، پارتيانىڭ سيپاتى مەن ماقساتىن ايگىلەيدى، ەلىمىزدىڭ جاعدايىنا، حالىقتىڭ ءتۇبىرلى مۇددەسىنە ۇيلەسەدى، ءارقانداي ۋاقىتتا، ءارقانداي جاعدايدا استە اۋىتقۋعا بولمايدى. جۇڭگوشا سوتسياليستىك ءتۇزىمدى ۇزدىكسىز كەمەلدەندىرۋ جانە دامىتۋعا تاباندى بولىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ سىندى رەفورما باس نىساناسىنا تاباندى بولىپ، باستان-اياق باس نىسانا نۇسقاعان بەتالىسقا قاراي العا باسۋ، وزگەرتۋگە تيىستىلەرىن باتىل وزگەرتۋ، وزگەرتپەۋگە تيىستىلەرىن وزگەرتپەۋ كەرەك. عاسىر دامۋىنىڭ جاڭا اۋقىمىنا، اماليات دامۋىنىڭ جاڭا تالابىنا، حالىق بۇقاراسىنىڭ جاڭا ۇمىتىنە سايكەسىپ، ەكونوميكالىق قۇرىلىم رەفورماسى ماڭىزدى ءتۇيىنىن تۇلعالاندىرىپ، ءارقايسى جاقتارداعى رەفورمانى جالپى بەتتىك سايكەستىرە جۇرگىزۋ؛ نازاريا، اماليات، ءتۇزىم، مادەنيەت جانە باسقا جاقتاردا جاڭالىق جاراتۋدى بارىنشا جالعاستى ىلگەرىلەتۋ، جۇڭگو ۇلگىسىندەگى وسىزامانداندىرۋدى قۇدىرەتتى قوزعاۋشى كۇشپەن جانە تۇزىمدىك كەپىلمەن قامداۋ كەرەك.

 

شي جينپيڭ بىلاي دەپ انىق ايتتى: رەفورما—جۇيەلى ينجەنەريا، ول عىلمي ءادىستى دارىپتەپ، ءار جاقتىڭ قاتىناسىن ويداعىداي ءبىر جاقتى ەتۋدى قاجەت ەتەدى. رەفورما جانە زاڭمەن باسقارۋدىڭ بىرلىگىنە تاباندى بولىپ، رەفورما كۇشى ارقىلى زاڭمەن باسقارۋدى كەمەلدەندىرۋ؛ زاڭمەن باسقارۋ سالاسىنداعى رەفورمانى ونان ارى تەرەڭدەتۋ؛ جۇڭگوشا سوتسياليستىك زاڭمەن باسقارۋ جۇيەسىن ۇزدىكسىز كەمەلدەندىرۋ؛ زاڭمەن باسقارۋدىڭ رەفورما كەدەرگىلەرىن الاستاپ، رەفورما جەتىستىكتەرىن بەكەمدەۋدەگى بەلسەندى رولىن اناعۇرلىم ويداعىداي ساۋلەلەندىرۋ؛ رەفورمانى زاڭمەن باسقارۋ وي جەلىسى جانە زاڭمەن باسقارۋ ءتاسىلى ارقىلى ىلگەرىلەتۋگە شەبەر بولۋ؛ كەلەلى رەفورمالاردىڭ زاڭدىق نەگىزى بولۋىن جۇزەگە اسىرىپ، جالپى ازاماتتار مەن زاڭدىق تۇلعالاردىڭ زاڭدى ۇقىق-مۇددەسىن تەڭ تۇرعىدا قورعاۋ كەرەك. قيراتۋ مەن ورناتۋدىڭ ديالەكتيكالىق بىرلىگىنە تاباندى بولىپ، قيراتۋ مەن ورناتۋدى قاتار جۇرگىزۋ، الدىمەن ورناتىپ ونان سوڭ قيراتۋ؛ ورناتۋعا تيىستىلەرىن بەلسەندى، ىرىقتى تۇردە ورناتۋ؛ قيراتۋعا تيىستىلەرىن ورناتۋ نەگىزىندە دەر كەزىندە قيراتۋ؛ ورناتۋ مەن قيراتۋدى بىرلىككە كەلتىرۋ بارىسىندا رەفورما اياق الىسىنىڭ تەز، ورنىقتى بولۋىن جۇزەگە اسىرۋ كەرەك. رەفورما مەن ەسىك اشۋدىڭ بىرلىگىنە تاباندى بولىپ، تۇزىمدىك ەسىك اشۋدى ورنىقتى كەڭەيتۋ؛ حالىقارالىق جوعارى ولشەمدى ەكونوميكا-ساۋدا ەرەجەسىمەن ىرىقتىلىقپەن ۇشتاستىرۋ؛ سىرتقى ساۋدا، شەتەل ساۋداگەرلەرى قارجى قوسۋ جانە سىرتقا قارجى قوسۋدى باسقارۋ ءتۇزىلىسى رەفورماسىن تەرەڭدەتىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق-ساۋدا ورتاسىن قالىپتاستىرۋ كەرەك. ورنالاستىرۋ مەن تياناقتاندىرۋدىڭ قاتىناسىن ويداعىداي ءبىر جاقتى ەتۋ كەرەك، رەفورما جوباسىن جوبالاۋدا ءسوز جوق وبيەكتيۆ زاڭدىلىقتى يگەرىپ، ءتۇرلى رەفورما شارالارىن سايكەستىرۋگە باسا ءمان بەرۋ؛ رەفورما بەتالىسىنىڭ بىردەيلىگىن كۇشەيتىپ، جاۋاپكەرشىلىگى ايقىن، جەلىسى كەمەلدى، بۋىن-بۋىندارى قابىسقان قىزمەت مەحانيزمىن ورناتىپ جانە كەمەلدەندىرىپ، سوڭىنا دەيىن ىزىنە ءتۇسىپ ونىمدىلىگىن قۋزاستىرۋدى كۇشەيتۋ كەرەك. رەفورما شارالارىنىڭ ناقتى، ەگجەي-تەگجەيلى، تىڭعىلىقتى تياناقتانۋىن ىلگەرىلەتۋ كەرەك.

 

شي جينپيڭ بىلاي دەپ باسا دارىپتەدى: باسشى كادرلار، اسىرەسە، جوعارى دارەجەلى كادرلار رەفورمانى ىلگەرىلەتۋ ماڭىزدى مىندەتىن ارقالاپ وتىر. ساياسي جاۋاپكەرشىلىكتى، تاريحي بورىشتىلىقتى كۇشەيتىپ، قيىندىقتاردان قامال الاتىن، قيىندىقتان تايسالماي العا ۇمتىلاتىن ساياسي باتىلدىقپەن، قايشىلىقتار مەن ماسەلەلەردەن تايساقتاماي، ەسكىلىكتى دەرتتى الاستاۋ؛ حاۋىپ-قاتەر مەن سىن-سايىستارعا توتەپ بەرۋدەن تايسالماي، رەفورمانىڭ، دامۋدىڭ جاڭا ءورىسىن قۇلشىنا اشۋ كەرەك. عىلمي ءادىس ارقىلى رەفورمانى ىلگەرىلەتۋگە، جۇيەلى ورنالاستىرۋعا، جوبا-جوسپار جاساۋعا شەبەر بولۋ كەرەك.

 

شي جينپيڭ مىنالاردى انىق ايتتى: كەڭ كولەمدە ورتاق تانىم ۇيىستىرىپ، بارلىق بەلسەندى فاكتورلاردى تولىق جۇمىلدىرۋ—رەفورمانى ءساتتى ىلگەرىلەتۋدە توتەنشە ماڭىزدى. رەفورما جونىندەگى قوعامدىق پىكىرگە جەتەكشىلىك ەتۋ قىزمەتىن شىنايى جاقسى ىستەۋ؛ ۇنامدى ۇگىتتى كۇشەيتىپ، نەگىزگى اۋەندى اسقاقتاتىپ، وڭ ەنەرگيا جەتكىزۋ كەرەك. جالپى ءماجىلىستىڭ «قاۋلىسىندا» العا قويىلعان كەيبىر كەلەلى نازاريالىق كوزقاراستاردى زەرتتەۋدى جانە ءتۇسىندىرۋدى كۇشەيتۋ، اسىرەسە، نەگىزگى ساتىعا جانە بۇقاراعا باعىتتالعان ۇگىتتى، ءتۇسىندىرۋدى كۇشەيتىپ، كۇدىك-كۇماننان دەر كەزىندە ارىلتۋ؛ قوعام نازار اۋدارىپ وتىرعان ماسەلەلەرگە جاۋاپ قايتارىپ، ورتاق تانىمدى كەڭ ۇيىستىرىپ، بۇكىل پارتيانىڭ، بۇكىل قوعامنىڭ رەفورمانى ورتاق كۇش سالا يگەرۋ يدەيالىق نەگىزىن، بۇقارالىق نەگىزىن بەكەمدەۋ كەرەك. كادرلار مەن بۇقارانى جالپى جاعداي تانىمىن كۇشەيتۋگە، رەفورما بارىسىنداعى مۇددە قاتىناسىن تەڭشەۋگە جانە جەكە باسىنىڭ پايدا-زيانىنا دۇرىس مامىلە جاساۋعا جەتەكتەۋ كەرەك.

 

شي جينپيڭ سوڭىندا بىلاي دەپ باسا دارىپتەدى: جەر-جەر، تاراۋلار ورتالىق كوميتەت ساياسي بيۋروسىنىڭ ماجىلىسىندە تۇراقتانعان ءبىر قىدىرۋ كەلەلى شارالاردى مۇقيات دايەكتەندىرىپ، بۇرىننان اتقارىلىپ كەلە جاتقان ساياساتتار مەن جاڭادان قوسىلعان ساياساتتاردى تىڭعىلىقتى تياناقتاندىرىپ، كەشەندى شارالاردى ويداعىداي اتقارىپ، سوڭعى 2 ايداعى قىزمەتتەردى شىن مانىندە ويداعىداي يگەرىپ، تۇتاس جىلداعى ەكونوميكالىق، قوعامدىق دامۋدىڭ نىسانا مىندەتتەرىن قۇلشىنا جۇزەگە اسىرۋ كەرەك.

 

لي چياڭ كۋرس باستاۋ سالتىن باسقارعاندا مىنالاردى ايتتى: باس شۋجي شي جينپيڭنىڭ ماڭىزدى ءسوزىنىڭ ويى اسقاق، يدەياسى تەرەڭ، بايىمداۋى ەگجەي-تەگجەيلى، مازمۇنى باي، كۇشتى ساياسي، نازاريالىق، باعىتتامالىلىق، جەتەكشىلىك سيپاتقا يە بولدى، ول بۇكىل پارتيانىڭ، اسىرەسە، جوعارى دارەجەلى كادرلاردىڭ پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جالپى بەتتىك دۇرىس ءتۇسىنىپ، رەفورمانى ونان ارى جالپى بەتتىك تەرەڭدەتۋدىڭ جەتەكشى يدەياسىن، جالپى تۇلعالىق نىساناسىن، كەلەلى پرينسيبىن، عىلمي ءادىسىن تەرەڭ يگەرۋى، رەفورما سەنىمىن بەكەمدەپ، رەفورما بەتالىسىن ءدال يگەرىپ، رەفورما جاۋاپكەرشىلىگىن كۇشەيتىپ، رەفورمانىڭ بىرىككەن كۇشىن ۇيىستىرىپ، ءتۇرلى رەفورما شارالارىنىڭ دالمە-ءدال تياناقتانىپ، ناتيجە بەرۋىن ىلگەرىلەتۋى جونىنەن توتەنشە ماڭىزدى مانگە يە. مىندەتتى تۇردە ۇيرەنىپ، جاۋاپكەرشىلىكپەن ۇيرەنىپ، ماسەلە تۇرعىسىنان ۇيرەنىپ، باس شۋجيدىڭ ماڭىزدى ءسوزىنىڭ باي مازمۇنىن، ءنارى مەن ءمانىن جانە امالياتتىق تالابىن تەرەڭ ءتۇسىنىپ، يگەرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ەكىنى قورعاۋدى» باتىل ورىنداۋ، يدەيا مەن ارەكەتتى باس شۋجيدىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، رەفورما مىندەتتەرىن تياناقتاندىرۋدى جاسامپازدىقپەن ويداعىداي يگەرۋ كەرەك.

 

ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ پارتيالى ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، مەملەكەتتىك ساياسي كەڭەستىڭ پارتيالى ورىنباسار ءتوراعالارى، سونداي-اق ورتالىق اسكەري ىستەر كوميتەتىنىڭ مۇشەلەرى كۋرستىڭ باستالۋ سالتىنا قاتىناستى.

 

ءار قايسى ولكەلەردىڭ، اۆتونوميالى رايونداردىڭ، قالالاردىڭ جانە شينجياڭ ءوندىرىس-قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن فينانس قۇرىلىمدارداعى، كاسىپورىندارداعى، جوعارى مەكتەپتەردەگى، ازاتتىق ارميانىڭ مەكەمە-ورىندارىنداعى جانە قارۋلى ساقشى بولىمدەرىندەگى نەگىزگى جاۋاپتى جولداستار زەرتتەۋ-تالقى كۋرسىنىڭ باستالۋ سالتىنا قاتىناستى. ءار قايسى دەموكراتيالىق پارتيا-توپتار ورتالىق كوميتەتتەرىندەگى، مەملەكەتتىك ونەركاسىپ-ساۋدا بىرلەستىگىندەگى جانە قاتىستى جاقتارداعى جاۋاپتى جولداستار كۋرستىڭ باستالۋ سالتىنا سىرتتاي قاتىناستى.