شي جينپيڭ جولداستىڭ «حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندە» اتتى ماقالالار جيناعى باسپادان شىعىپ تاراتىلدى 

ءوز حابارىمىز. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان شي جينپيڭ جولداستىڭ «حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندە» اتتى ماقالالار جيناعى تاياۋدا ورتالىق قۇجاتتار باسپاسىندا باسىلىپ شىعىپ، بۇكىل ەلگە تاراتىلدى.

وسى ارناۋلى تاقىرىپتاعى ماقالالار جيناعىنا شي جينپيڭ جولداستىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى 37 ماڭىزدى ماقالاسى ەنگىزىلگەن، مۇنىڭ ىشىندە ءبىر ءبولىم ماقالالار تۇڭعىش رەت جاريالانىپ وتىر.

حالىق قۇرىلتايى ءتۇزىمى ەلىمىزدىڭ ءتۇبىرلى ساياسي ءتۇزىمى، جۇڭگودا بارلىققا كەلگەن شىت جاڭا ساياسي ءتۇزىم، ادامزاتتىڭ ساياسي ءتۇزىمى تاريحىنداعى ۇلى جاسامپازدىق. پارتيا 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا تاريحي بەلەستى تياناق ەتىپ، پارتيانىڭ حالىق قۇرىلتايى قىزمەتىنە بولعان باسشىلىعىن جاپپاي نىعايتىپ، تۇتاس بارىستاعى حالىق دەموكراتياسىن كۇش سالا دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى بەلسەنە ىلگەرىلەتىپ، حالىقتىڭ قوجايىن بولۋ ءتۇزىم جۇيەسىن اناعۇرلىم اقاۋسىزداندىرىپ، داۋىرمەن بىرگە العا باسىپ، نەگىزگى زاڭعا وزگەرىس ەنگىزىپ، پارتيا تاريحىندا تۇڭعىش رەت ورتالىقتىڭ حالىق قۇرىلتايى قىزمەتى جونىندە ءماجىلىس اشىپ، حالىق قۇرىلتايىنىڭ ۇيىمدىق ءتۇزىمى مەن قىزمەت ءتۇزىمىن كەمەلدەندىرىپ، حالىق قۇرىلتايى قىزمەتىندە تاريحي تابىستارعا قول جەتكىزۋدى ىلگەرىلەتتى. شي جينپيڭ جولداس پارتيانىڭ باسشىلىعىنا تاباندى بولۋ جانە ونى كەمەلدەندىرۋ، جۇڭگوشا سوتسياليستىك ءتۇزىمدى بەكەمدەۋ ستراتەگيالىق تۇرعىسىن شىعار ءتۇيىن ەتىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، سوتسياليستىك دەموكراتيالىق ساياسيدىڭ دامۋ زاڭدىلىعىن تەرەڭ يگەرىپ، پارتيانىڭ سوتسياليستىك دەموكراتيالىق ساياسي قۇرىلىستى كۇشەيتۋدەگى امالياتتىق تاجىريبەلەرىن جۇيەلى قورىتىندىلاپ، حالىق قۇرىلتايى ءتۇزىمى نازارياسى مەن امالياتىندا جاڭالىق اشۋدى ۇزدىكسىز ىلگەرىلەتىپ، ءبىر قىدىرۋ جاڭا تانىمداردى، جاڭا يدەيالاردى، جاڭا تالاپتاردى العا قويىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن قالىپتاستىرىپ، جاڭا ءداۋىر، جاڭا جورىقتا حالىق قۇرىلتايى تۇزىمىنە ويداعىداي تاباندى بولۋعا، ونى ويداعىداي كەمەلدەندىرۋگە، ويداعىداي جۇرگىزۋگە ءتۇبىرلى ولشەم ازىرلەدى.