ينفورماتسيا اشكەرەلەۋ: mzjubao@cnr.cn

سۋرەتتەر سويلەيدى

سوگىلدى اق كورپەسى قىراتتاردىڭ

来源:جۇڭگو قازاق راديو تورابى     |责编:阿依娜古丽|     发布日期: 2020-02-20 09:12

 

(لەزدىك فوتو شالقىما)


    باقىتبەك ءجۇمادىل ۇلى 


    «قىس كەلسە كوكتەمنىڭ اۋىلى الىس ەمەس ەكەنىن بىلدىرەدى» دەگەندەي، بيىلعى قىسپەن بىرگە «تىشقان جىلى» دا كىرىپ، «كوشەدەن قاشقان تىشقاندى، بارلىق ادام ۇر- ۇر-لاعانداي»، «ىندەت لاڭىن» سۇيرەي كەلىپ جىلتىڭ ەتكەن سۇر تىشقاندى قۋالاي، كوكتەم مەرەكەسىن دە وتكىزىپ ۇلگىردىك. ايال بەرمەس ۋاقىت زۋلاپ، 4-اقپاندا جيىرما ءتورت امالداعى «كوكتەم باسى» دا جەتىپ كەلدى.


    جىلدار جىلجىپ، ايلار اۋناپ ايالسىز وتە بەرەتىنى جاراتىلىس دۇنيەسىنىڭ زاڭدىلىعى. الايدا وسى كوكتەمدەگى بارشانىڭ ەسىنە «ۇمتىلماس ءبىر كەشىرمەسى» رەتىندە بەرىك ورناپ قالاتىن ءبىر ۋاقيعا، جۇڭگو كوممۋنيستىك پارتياسىنىڭ پارمەندى باسشىلىعىندا بۇكىل ەل حالقى ءبىر نيەت-ءبىر تىلەككە كەلىپ، «جاڭا ٴتيپتى ايدارشا ۆيرۋسپەن جۇعىمدالۋدان بولاتىن وكپە قابىنۋ اۋرۋى» نىڭ جالماڭداي ءورشىپ، كوپكە قاتەر توندىرۋىنە قارسى كۇرەسكە اتتانعانى بولدى. جۇرتتىڭ جۇدىرىقتاي جۇمىلۋىنان ۆيرۋستىڭ تارالۋى تىزگىندەلىپ، كوپ ۇزاماي الاپات ىندەت الاستالىپ «بۇل دا ءبىر بىتكەن ءىس» بولاتىنى مەن مۇندالاپ تۇرعانىنا سەنىمىمىز كامىل!
بايقاساق، ۋاقىتقا ىلەسە تاۋ دالانى اق قار قىمتاعان قىستىڭ دا اۋەلگى ءتۇسى وزگەرىپ؛


سوگىلىپ اق كورپەسى قىراتتاردىڭ،
ەڭىسكە اقتى سۋى جىلاپ قاردىڭ.
كۇنگەيدە جىلۋ جۇتىپ نۇرعا بوكتى
قالقيتىپ جاۋقازىندار قۇلاقتارىن>> دەگەن، بالا جاسىمىزدا جاتتاپ العان، قازىر اتى ەستە جوق ءبىر اقىن اعامىزدىڭ العاشقى كوكتەم جونىندەگى ليريكاسى، كوكەيىمىزدە گۇل كوكتەمگە دەگەن ۇمىتتىڭ وركەنىن جايعىزا باستاعانى ايقىندالا تۇسكەندەي.


    اقباس شڭدارى جىل بويى مۇز قۇرسانىپ، ەتەگىن قار قىمتاپ جاتاتىن ءتاڭىر تاۋىنىڭ باۋرايىندا كوكتەمنىڭ گۇل جايناعان مەزگىلى ىشكى ولكەلەردەن الدە قايدا كەشىگىپ كەلەتىنى بارشاعا ايان، ءبىراق ءار جىلى كوكتەم مەرەكەسى ءوتىپ كوپ ۇزاماي، وسى ولكەنىڭ اسپانى قىستاعىداي سۋىق شىرايلانا سۇرعىلت تارتىپ، كۇرەڭىتپەاي، كوگىلدىرلەنە تۇسەدى. ەتەكتەگى قالىڭ قاردىڭ جۇيكەسى جۇمسارىپ الدىمەن ەرىپ، تاۋ باسىن كۇن ساۋلەسى شالادى. الدا-جالدا بۇرقاقتاعان تورعاي باس قار جاۋىپ كەتسە دە «قارا اعاشتىڭ باسىنا قار تۇرماي» جىلت ەتىپ كۇن شىعا اعاشتارداعى اق قار جەرگە مونشاق شاشقانداي ساۋدىراي ءتۇسىپ، بۇتاقتار بورتىپ تەرلەپ تۇرعانداي كورنەدى. كۇندىز كۇنگەي بەتتەر قوڭىرسىپ، سوقتالانا ەرىگەن قاردىڭ سۋىنان ساي-سالادا سارقىراعان سورپا بۇلاقتار ەڭىسكە شاقپىلاي اعادى. وسى مەزگىلدەردە ءتۇن پەردەسى جابىلعاندا «كوكتەمگى شىڭىلتىر» دەيتىن سۋىق سۋماڭداي قالادى دا كۇندىزگى جىلى اۋامەن توعىسىپ، توڭىرەكتىڭ تاڭعى كورنىسى قىراۋمەن كومكەرلەدى. وزەن بويلارىنداعى قاسات قاردان ارشىلا شىققان سارى ولەڭ شوپتەر مەن اعاش بۇتاقتارى وسى اق ۇلپا قىراۋمەن عاجايىپ اسەمدەنىپ، بەينە «ەرتەكتەگى دۇنيە» ىسپەتتەنەدى. تاڭەرتەڭگى شاقتاردا قوڭىرقاي «سۋىق تورعايلار» توپتاسىپ، قىراۋلى بۇتاقتارعا قونىپ الىپ اپتاپقا باعادى. وزەن سۋىنان كوتەرىلگەن بولماشى بۋ ايمالاپ تۇرعان وسى بۇيرالانعان اق بورتە قىراۋ كۇن كوزىنەن ۇيالعانداي تاڭەرتەڭ اپساتتە ەرىپ كەتەدى. مىنە وسىلاي بىراز كۇن جالعاساتىن ريتىمدى قۇبىلىستاردان كۇلىمدەگەن كوكتەمنىڭ الىس ەمەس ەكەنىن ايقىن اڭعارامىز!


    «كوكتەم باسى» جەتىپ كەلگەن وسى ساتتەردە بارىمىز الاۋلاعان ءتاتتى ۇمىتپەن اتار تاڭدى قارسى الىپ، سانامىزعا گۇل كوكتەمنىڭ دەرەگى ساۋلە شاشقاندا، ىندەتتەن ساقتانۋ-تىزگىندەۋ، اۋرۋلاردى ەمدەۋ «جالپى تۇلعالىق شايقاسىنىڭ» الدىنعى شەبىندە، قاۋىپ-قاتەرگە باسىن ءباي تىگىپ كۇندى تۇنگە جالعاپ ىستەپ جاتقان «اق حالاتتى جاۋىنگەرلەرىمىز» تاعى ءبىر كۇندىك سوڭعى شايقاسقا بەل بۋىپ اتتانىپ جاتىر.


ء    ىلايىم سول «كوگارشىندارعا» ىندەتتى الاستاۋ ناۋقانىنىڭ «جەڭىس كوكتەمى» كۇن بۇرىن شۇعىلالى نۇرىن ءشاشىپ، ەرتەڭ-اق وتاننىڭ كوگىلدىر كوگىندە ەركىن سامعاپ، جان ۇيالارىنا امان-ەسەن قايتۋىنا تىلەكتەستىك بىلدىرە وتىرىپ، قاس وزەنىنىڭ باس-اياعىنداعى كوكتەم باسىنىڭ الۋان ءتۇرلى كوركەم كارتينالارىن كوز ايىم بولۋلارىڭىزعا ۇسىندىم.


سۋرەتتەردى تۇسىرگەن: باقىتبەك ءجۇمادىل ۇلى
ىلە وبلىستىق مادەنيەت-ساياحات مەكەمەسى

 

中央广播电视总台 央广网 版权所有

سوگىلدى اق كورپەسى قىراتتاردىڭ

جىلدار جىلجىپ، ايلار اۋناپ ايالسىز وتە بەرەتىنى جاراتىلىس دۇنيەسىنىڭ زاڭدىلىعى.