ينفورماتسيا اشكەرەلەۋ: mzjubao@cnr.cn

سۋرەتتەر سويلەيدى

اقساي اۋدانى جارالانعان قوڭىر ايۋدى ءساتتى قۇتقاردى

来源:جۇڭگو قازاق راديو تورابى     |责编:达吾力别克 |     发布日期: 2020-06-10 17:06

اقساي قازاق اۆتونوميالى اۋداندىق توعىسپالى مەديا ورتالىعىنان بەرعالي جاپار ۇلى، مۇراتبەك زاكىش ۇلى، ەرىكتى ءتىلشى ەسەنتاي بەكتۇر ۇلى حابارلايدى. جاقىنعى كۇندەرى، اقساي قازاق اۆتونوميالى اۋدانى تۇڭعىش رەت جارالانعان ءبىر ەرەسەك قوڭىر ايۋدى قۇتقارىپ الدى. بۇل رەتكى قۇتقارعان قوڭىر ايۋ 3 جاس مولشەرىندە بولىپ، جارالانىپ قالعاندىقتان ازىق تاۋىپ جەي الماي، اشىعىپ دەنە – قۋاتى السىرەپ قالعان، ونىڭ تابانىندا ازىراق جاراقاتى بار بولعانمەن باسقا دەنەسى  امان ەكەن.


قوڭىر ايۋ مەملەكەتتىك ەكىنشى دارەجەلى قورعالاتىن حايۋانات. ول چيڭحاي – شيزاڭ ۇستىرتىنىڭ تاۋلى رايوندارىندا، شۇلەن تاۋدىڭ ورتا – شىعىس بولەگىندەگى تاۋلى ورماندارىندا تىرشىلىك ەتىن ەت قورەكتى حايۋانات سونداي –اق قوڭىر ايۋ ءشوپتىڭ تامىرى، جابايى جەمىس – جيدەك سياقتىلارمەن دە قورەكتەنەدى، ءتىپتى قۇرت – قۇمىرسقا، بال اراسى، تىشقان سياقتى كىشكەنتاي جاندىكتەردى دە ۇستاپ جەپ قورەك ەتەدى. ءۇش ماۋسىم بويى تۇزدە جۇرىپ، ازىق ىزدەپ، بويىنا قورەكتىك جيادى دا، قىس ماۋسىمى كەلىسىمەن قىسقى ۇيقىعا كەتەدى.


ۇعىسۋعا قاراعاندا، بۇل جارالانعان قوڭىر ايۋدى اقساي اۋدانىنداعى التىن اۋىلى نۇقتىل قىستاعىنىڭ مالشىسى بايقاپ قالىپ، اۋداندىق ورمان شارۋاشىلىعى قوعام حاۋىپسىزدىگى مەكەمەسىنە دەر كەزىندە مالىمدەيدى، ورمان شارۋاشىلىعى قوعام حاۋىپسىزدىگى مەكەمەسى اقساي اۋداندىق ورمان ەكولوگيالىق قىزمەت پونكىتىمەن دەرەۋ بايلانىس جاساپ، قاتىستى قىزمەتكەرلەردى جارالانعان قوڭىر ايۋدى قۇتقارۋعا جىبەرەدى. ەكى كۇندىك جوعارعى ۇستىرتتە قاۋىرت قۇتقارۋ ارقىلى، جارالانعان قوڭىر ايۋ اقساي اۋداندىق جابايى حايۋاناتتاردى قۇتقارۋ پونكىتىنە جەتكىزىلەدى.


قازىر، اۋداندىق جابايى حايۋاناتتاردى قۇتقارۋ پونكىتى بۇل جارالانعان قوڭىر ايۋدى وڭاشالاپ، جاراقاتىن ەمدەپ، ازىقتاندىرىپ، ساۋىقتىرۋ قاتارلى قىزمەتتەرىن جۇرگىزىپ وتىر. كەيىن جاراقاتى ساۋىعىپ دەنساۋلىعى قالپىنا كەلگەننەن كەيىن ءوز تابيعاتىنا قايتادان اپارىپ قويا بەرىلەدى ەكەن.

中央广播电视总台 央广网 版权所有

اقساي اۋدانى جارالانعان قوڭىر ايۋدى ءساتتى قۇتقاردى

جاقىنعى كۇندەرى، اقساي قازاق اۆتونوميالى اۋدانى تۇڭعىش رەت جارالانعان ءبىر ەرەسەك قوڭىر ايۋدى قۇتقارىپ الدى. بۇل رەتكى قۇتقارعان قوڭىر ايۋ 3 جاس مولشەرىندە بولىپ، جارالانىپ قالعاندىقتان ازىق تاۋىپ جەي الماي، اشىعىپ دەنە – قۋاتى السىرەپ قالعان، ونىڭ تابانىندا ازىراق جاراقاتى بار بولعانمەن باسقا دەنەسى امان ەكەن.