ينفورماتسيا اشكەرەلەۋ: mzjubao@cnr.cn

سۋرەتتەر سويلەيدى

56 ۇلت ساپارىنداعى مارافون جەلىلەس جارىسى (قازاق ۇلتى) اقسايدا وتكىزىلدى

来源:جۇڭگو قازاق راديو تورابى     |责编:达吾力别克 |     发布日期: 2020-09-25 17:14

تورابىمىزدىڭ ۇسىنىس ەتىلگەن ءتىلشىسى مارالبەك ابدىكارىم ۇلى اقسايدان حابارلايدى.


2020-جىلى 9-ايدىڭ 20-كۇنى تاڭەرتەڭگى ساعات توعىز. التىنتاۋى مەن شۇلەن تاۋىنىڭ قويناۋىنداعى گانسۋ ولكەسىنىڭ اقساي قازاق اۆتونوميالى اۋدانىندا ەلىمىزدەگى 56 ۇلتتىڭ انار دانىندەي ۇيىسقان تىعىز ىنتىماعىن ارقاۋ ەتكەن، ۇلتتاردىڭ ۇلتتىق ەرەكشەلىگىن، سالت-ساناسىن، مادەنيەت-كوركەمونەرىن، جەرگىلىكتىڭ ساياحات بايلىقتارىن، ونىمدەرىن ايگىلەپ، ۇگىتتەۋدى ماقسات ەتكەن 56 ۇلت ساپارىنداعى مارافون جەلىلەس جارىسى (قازاق ۇلتى. اقساي بەكەتىندەگى جارىسى) ءدۇبىرلى وتكىزىلىپ، جۇلدەلى بولعان ساڭلاقتارعا اق شىلاۋىشتى اجەلەرىمىز اق شاشۋىن شاشىپ، اق باتاسىن بەرىپ جاتسا، اقسايداعى ءار ۇلت حالقى ىنتىماقتىڭ ۇلى تويىنا كۇش قوسىپ، جارىسقا تۇسكەن ءاربىر ساڭلاققا مەدەت بەرىپ، الاقايلاپ ايعايلاپ جاتتى. سونىمەن ىنتىماقتىڭ ۇلى كۇشىن ايگىلەگەن جارىس مارە-سارە وتكىزىلىپ تە كەتتى.

2020-جىلعى 56 ۇلت ساپارىنداعى مارافون جەلىلەس جارىسى (قازاق ۇلتى. گانسۋ ولكەسىنىڭ اقساي بەكەتى) اقسايدىڭ قۇلشىنىسپەن قولعا كەلتىرگەن ۇلتتىق ەرەكشەلىكتەگى جارىسى رەتىندە اقساي اۋدانىنىڭ ۇلتتىق ەرەكشەلىكتەگى مارافون جارىسىن وتكىزۋىندەگى باستاما بولدى. ۇلتتار مارافون جارىسى كۇللى حالىق قاتىناساتىن، ورتاق ءلاززاتتاناتىن جاڭاشا سالاماتتىق دەنە-تاربيە. ال وسى جولعى اقساي بەكەتىندەگى جارىس قازاق ۇلتىنىڭ سالت-ساناسىن، ۇلتتىق ەرەكشەلىگىن، مادەنيەتىن ايگىلەيتىن جارىس بولىپ، ۇلتتاردىڭ جاراسىمدى ۇلى ىنتىماعىن، اقساي قازاق اۆتونوميالى اۋدانىنىڭ جاڭا داۋىرگە ارشىنداي قادام باسقان شىت-جاڭا بەينەسىن ايگىلەپ بەردى.


بۇل رەتكى جارىستى گانسۋ ولكەسى اقساي قازاق اۆتونوميالى اۋداندىق حالىق ۇكىمەتى جۇرگىزىپ، اقساي قازاق اۆتونوميالى اۋداندىق مادەنيەت، دەنە-تاربيە، راديو-تەلەۆيزيا جانە ساياحات مەكەمەسى ۇستىنە الىپ وتكىزسە، گۋاڭجوۋ ۇلتتار ساپارىنداعى دەنە-تاربيەنى دامىتۋ شەكتى سەرىكتەستىگى اينالىمعا ءتۇسىرىپ وتكىزگەن بولاتىن. جارىستا ەر-ايەلدەر 21.0975شاقىرىمدىق الىس ارالىقتى مارافون جارىسى جانە 5.6 شاقىرىمدىق ۇلتتار ىنتىماعى جارىسى ءساتتى وتكىزىلدى. الاقايلاعان قۋانشقا تولى ءاربىر ساتتەردەن ءوتىپ، القىنىپ اتويلاپ العا شاپقان ساڭلاقتار كۇش ۇستىنە كۇش قوسىپ، ۇلتتاردىڭ جاراسىمدى ىنتىماعىن مارافوندا ايگىلەدى، سونىمەن كۇش ۇستىنە كۇش قوسىلعان باسەكەلەر ارقىلى بۇل رەتكى الىس شاقىرىمدىق جارىستاعى ەرلەر گرۋپپاسىنىڭ باس جۇلدەسىن چيڭحاي ولكەسىنىڭ شينيڭ قالاسىنان كەلگەن ساڭلاق ياڭ چىڭشياڭ (حۇيزۋ) قانجىعاسىنا بايلانسا(1 ساعات 9 مينۋت 50 سەكۋندتتىق جىلدامدىقپەن)، ما حاۋبو ەكىنشى دارەجەسىن (1 ساعات 12 مينۋتتىق جىلدامدىقپەن)، جاڭ شياۋدۇڭ ءۇشىنشى دارەجەسىن (1 ساعات 14 مينۋتتىق جىلدامدىقپەن) يەلەدى. ال ايەلدەر گرۋپپاسىنىڭ باس جۇلدەسىن ساۋ فىڭيىڭ(1 ساعات 24 مينۋت 40سەكۋندتتىق جىلدامدىقپەن) قانجىعاسىنا بايلانسا، لي بايحۇي ەكىنشى دارەجەسىن (1 ساعات 31 مينۋتتىق جىلدامدىقپەن)، جاڭ يۇيپيڭ ءۇشىنشى دارەجەسىن (1 ساعات 38 مينۋتتىق جىلدامدىقپەن) يەلەدى. وسى رەتكى مارافون جارىسىنا كوپتەگەن ادامداردىڭ قاتىناسۋىنا شابىت بەرۋ ءۇشىن، الىس ارالىقتى ەر-ايەلدەر جارىس گرۋپپاسى ايىرىم-ايىرىم الدىڭعى 56 ساڭلاقتى سيلاۋمەن قاتار تاعى ازۇلتتار سيلىعى تۇرىن ورنالاستىرىپ، ايىرىم-ايىرىم الدىڭعى 10 ساڭلاقتى جۇلدەگەر رەتىندە سيلادى.

«اق شاشۋى شاشىلعاندا حالقىمنىڭ، باتاسى بار اقساقالدى قارتىمنىڭ»،-دەگەندەي وسى رەتكى مارە-سارە قۋانىشتى مەرەكەدە اق سامايلى اجەلەرىمىزدىڭ اق شاشۋى ءاربىر جۇلدەلى ساڭلاقتاردىڭ قۋانىشىنا شاشىلىپ، اقسايدىڭ اق ءدامىن ەلىمىزدىڭ ءار جەرىنەن كەلگەن جارىسقا قاتىناسۋشىلار تاتىپ، بەرەكەنىڭ، جاراسىمدىلىقتىڭ ۇيتقىسىن توڭىرەكتىڭ ءتورت بۇرىشىنا ايگىلەسە، ات جالىندا وسكەن قوناعۋار حالقىمىزدىڭ ناقتىلى ونەرىن، سالت-ساناسىن ايگىلەيتىن قىزقۋاز، كوكپار ويىندارى بارشا جۇرتقا كورسەتىلىپ، كوشپەندى حالىقتىڭ مادەنيەتى ءبىر قىرىنان ءتامام جۇرتتىڭ قىزىقتاۋىنا بەرىلدى، اقساي اۋداندىق ويىن-ساۋىق ۇيىرمەسىندەگى انشىلەردىڭ اسقاقتاتا سالعان ءانى مەن مىڭ بۇرالعان بيلەرى قازاق ۇلتىنىڭ مادەنيەت-كوركەمونەرىن جانە ءبىر قىرىنان تانىتقانداي بولدى.

قۋانىشقا تولى جارىستىڭ ءاربىر ءساتى قىزىقتى بولدى. 56 ۇلت ساپارى ساياحات توراپ بەكەتىنىڭ ىرگە تاسىن قالاۋشىسى، باس جوراسى ۋاڭ شۋەجۇڭ جانە اقساي قازاق اۆتونوميالى اۋداندىق پارتكومنىڭ ورىنباسار شۋجيى، اۋدان اكىمى قاليبەك سولتان ۇلى ءدۇبىرلى جارىستىڭ باستالۋ سالتىنداعى ارناۋ سوزدەرىندە ايىرىم-ايىرىم جۇرەك جاردى لەبىزدەرىن بارشا جۇرتقا ءبىلدىردى. مەملەكەتتىك ساياسي كەڭەستىڭ بۇرىنعى تۇراقتى مۇشەسى، شينجياڭ ۇيعۇر اۆتونوميالى رايوندىق ورتانى قورعاۋ مەكەمەسى پارتگرۋپپاسىنىڭ بۇرىنعى شۋجيى ءانۋار نۇرعازى ۇلى، جيۋچۋان قالالىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى قوشىم قوپاق ۇلى، اقساي اۋداندىق پارتكومنىڭ شۋجيى جاڭ جينرۇڭ، گۋاڭجوۋ ۇلتتار ساپارىنداعى دەنە-تاربيەنى دامىتۋ شەكتى سەرىكتەستىگىنىڭ باس ديرەكتورى شيە جۇن قاتارلى جولداستار وسى رەتكى جارىستىڭ باستالۋ سالتىنا قاتىناستى.

ۇعىسۋعا قاراعاندا، 56 ۇلت ساپارىنداعى مارافون جەلىلەس جارىسى ەلىمىزدىڭ تۇڭعىش رەتكى ۇلتتار ىنتىماعى مەن دامۋىن ارقاۋ ەتكەن مارافون جەلىلەس جارىسى بولىپ، بۇل مارافون جەلىلەس جارىسىن 56 ۇلت ساپارىنداعى ساياحات توراپ بەكەتى ورتاعا قويعان، كۇللى حالىقتىڭ عىلىمي اقاۋسىزدىعىن ىلگەرلەتىپ، ءارقايسى ۇلتتاردىڭ مادەنيەتىنىڭ توعىسۋىن، ۇلتتىق ونىمدەر مەن كاسىپكە ارقالانىپ، قالا مەن اۋىل-قىستاقتىڭ جاپپاي دامۋىن جانە قۇلشىنۋىن ىلگەرلەتۋ ءۇشىن الىپ بارىلعان جارىس ەكەن. بۇل رەتكى جارىس اقساي قازاق اۆتونوميالى اۋدانى قۇرىلعاننان بەرى وتكىزىلگەن تۇڭعىش رەتكى مارافون جارىسى بولىپ، وسى رەتكى جارىسقا جوعارى ورەلى سپورتشىلار، مارافون اۋەسكەرلەرى، بارلىق قالا حالقى جانە وقۋشىلار بەلسەندىلىكپەن قاتىناسقان. مىنە وسى جارىس ارقىلى بۇكىل ەلىمىزدەگى حالىق ساحارا مەرۋەرتى اقسايدىڭ دارا ەرەكشەلىكتەگى ۇلتتىق مادەنيەتىنە نازار سالىپ ۇعىنعان. ال وسى رەتكى مارافون جەلىلەس جارىسىنداعى اقساي اۋدانىندا وتكىزىلگەن ۇلتتاردى ەتەنە ەتكەن، ۇلتتار ىنتىماعى جارىسى 2020-جىلعى تۇڭعىش رەتكى جارىس بەكەتى بولىپ، «جالىنداعان اقساي، مەيماندوس قازاق» باس تاقىرىبىن ۇستانىپ، دەنە-تاربيە مەن سالاماتتىقتىڭ، ساياحات پەن ەكولوگيانىڭ ءوزارا توعىسۋىن ىسكە اسىرىپ، كۇللى حالىقتىڭ عىلىمي سالاماتتىعىن ءۇرتىس ىلگەرلەتىپ، «ىندەتتى» جەڭۋدەي دۇرىس ەنەرگيانى جالعادى.
مارافون جارىسىنا قاتىستى سۋرەتتەر (سۋرەتتەر ۇلتتار ساپارى دەنە-تاربيە تەكشەسىنەن الىندى) :

اق شىلاۋىشتى اجەلەر اق شاشۋىن دايىنداۋدا

بۇرالا بيگە باسقان اقساي ونەرپازدارى

جارىسقا قاتىناسقان ساڭلاقتار




ساڭلاقتاردىڭ جۇزدەرىنەن كۇلكى ەستى

قىزقۋار

كوكپار تارتۋدا

中央广播电视总台 央广网 版权所有

56 ۇلت ساپارىنداعى مارافون جەلىلەس جارىسى (قازاق ۇلتى) اقسايدا وتكىزىلدى

2020-جىلى 9-ايدىڭ 20-كۇنى تاڭەرتەڭگى ساعات توعىز. التىنتاۋى مەن شۇلەن تاۋىنىڭ قويناۋىنداعى گانسۋ ولكەسىنىڭ اقساي قازاق اۆتونوميالى اۋدانىندا ەلىمىزدەگى 56 ۇلتتىڭ انار دانىندەي ۇيىسقان تىعىز ىنتىماعىن ارقاۋ ەتكەن، ۇلتتاردىڭ ۇلتتىق ەرەكشەلىگىن، سالت-ساناسىن، مادەنيەت-كوركەمونەرىن، جەرگىلىكتىڭ ساياحات بايلىقتارىن، ونىمدەرىن ايگىلەپ،