الىس-جاقىنعا اتى ايگىلى اقشوقى جايلاۋى
باقىتبەك شايحى ۇلى، چىڭ شۋاڭشي، نۇرگۇل سەيىلعازى قىزى حابارلايدى. شاعانتوعاي اۋدانىنداعى اقشوقى جايلاۋلىعىندا 1977-جىلى تارباعاتاي ايماعىنىڭ 2-رەتكى جانە 1996-جىلى تارباعاتاي ايماعىنىڭ 11-رەتكى اقىندار ايتىسى ٴوتىپ، جينالىسقا اۆتونوميالى رايوننان، ىلە قازاق اۆتونوميالى وبلىسىنان جانە تارباعاتاي ايماعىنىڭ ٴار قايسى اۋدان، قالالارى مەن بيڭتۋان 9- ديۆەزياسىنان ۋاكىلدەر كەلىپ قاتىناستى. سونىمەن بىرگە، شاعانتوعاي اۋدانىنىڭ باسقادا كولەمدى مادەني قيمىلدارى وزدىرىلعان تارباعاتاي ايماعى كولەمىندەگى اتى ايگىلى جەرلەردىڭ ٴبىرى.
ۇزاق جىلداردان بەرى بۇل جايلاۋلىق جەردىڭ كۇنگەي بەتىن شاعانتوعاي اۋدانى قارابۋرا اۋىلىنىڭ مالشىلارى، تەرىسكەي بەتىن جيەك قالاشىعىنىڭ مالشىلارى جايلاۋلىق رەتىندە پايدالانىپ كەلەدى.
تومەندە شۇرايلى جەر اقشوقى جايلاۋلىعىنىڭ ۇستەگى جىلعى مامىر ايىنىڭ باسىنداعى كوركەم كورىنىسىن تاماشالاڭىزدار.
شاعانتوعاي اۋداندىق توعىسپالى اقپارات ورتالىعى