ينفورماتسيا اشكەرەلەۋ: mzjubao@cnr.cn

ادەبيەت ارناسى

ءومىردىڭ ءمانى

来源:جۇڭگو قازاق راديو تورابى     |责编:阿依娜古丽|     发布日期: 2020-04-22 09:18


    قورلان زارىلقان قىزى


    ادام ومىرگە ءبىر-اق رەت كەلەدى، بۇل بارلىق ادام بىلەتىن جاي ساۋات ءارى اشتى شىندىق. ءدال سولاي بولعاندىقتان دا ادامدار ءومىردىءماندى، قاراپايىم، كوڭىلدى وتكىزگەنى ابزال.


    ادام بەينە جاڭا جاۋعان اپپاق قارداي كىرشىكسىز بولىپ ومىرگە كەلگەننەن مىڭ بوياۋمەن ورنەكتەلىپ ومىردەن وتكەنگە دەيىن ايتىلمس «ءومىر» اتتى الىپ كەمەدە سان تولقىندى، سان تولقۋدى باستان وتكەرەدى، بىردە ارىپ، بىردە سەمىرەدى، بىردە جىعىلىپ، بىردە تۇرادى، بىردە قۋانادى، بىردە جۇبانادى، بىردە قايعىرادى، بىردە كۇلەدى… دەمەك، ءسىز قالاي ءومىر سۇرسەڭىز دە، ءومىر اتتى بۇل كەمە تال بەسىكپەن ءومىر ەسىگىن اشقان ءسىزدى ءوزىنىڭ ەڭ سوڭعى كومبەسى جەر بەسىگىنە جەتكىزۋدەي جۇرىسىنەن ماڭگى جازبايدى.


    ولاي بولادى ەكەن، ءسىز قامشىنىڭ سابىنداي عانا قىسقا عۇمىرىڭىزدى قالاي عانا كوڭىلدى وتكىزبەسكە. قىلت ەتكەن ءىستى جىپكە ءتىزىپ ەسەپتەسۋدىڭ،  وت الىپ قوپاعا ءتۇسۋدىڭ، قىزىل كەڭىردەك بولۋدىڭ، بەت جىرتىسىپ، وزگەنى قيناپ، ءوزىڭدى ارانداۋدىڭ قاجەتى قانشالىق. وزگەنىڭ كوزقاراستارى سىزگە سونشالىق ماڭىزدى ما؟ مىنانى ءبىلۋىڭىز كەرەك، ءسىز وزگەلەر ءۇشىن ەمەس، ءوزىڭىز ءۇشىن ءومىر ءسۇرۋىڭىز.


    سوندىقتان دا، ەڭ اۋەلى ادام وڭ-سولىن بايقاپ، ءوز-ءوزىن تەڭشەي ءبىلۋى كەرەك. جۇرەك جاردى قۋانىشتان كوڭىلىڭىز گۇل بولعاندا ارتىق اسىپ-تاسىماڭىز؛ ساتسىزدىككە جولىعىپ، جول تابا الماي داعدارعاندا اسپان توڭكەرىلىپ جەرگە تۇسكەندەي «اح» ۇرىپ الاساتپاڭىز. ءارقاشان سابىرلى بولىڭىز، قۋانىش پەن قايعىنىڭ قاي-قاشاندا ەگىز بولاتىنىن،قارا بۇلىتتىڭ كۇن كوزىن ماڭگى جاسىرا المايتىنىن ەسىڭىزدەن شىعارماي، بايسالدىلىقتى جانىڭىزعا جولداس تۇتىڭىز.


    كەڭ پەيىل بولىڭىز. بىرەۋدىڭ ەڭبەگىنە كوز قىزارتىپ، ءىشتارلىق كورسەتپەڭىز.وزىڭنە تىلەمەگەندى وزگەگە تىلەمەڭىز،وزگەنى دە ءوزىڭىزدەي ءتۇسىنىڭىز،باسقالاردىڭ قۋانىشى مەن قايعىسىنا ورتاق بولۋدى، قۋانىشىنا بىرگە قۋانىپ، قايعىسىن ورتاق ارقالاۋدى ءلاززات سەزىنىڭىز، جاماندىعى جوق جان پەندەسىن جاقىن تارتىڭىز، قينالعانعا قول ۇشىن بەرىڭىز.


    اقشانى بارىنەن ماڭىزدى ورىنعا قويىپ، اقشانىڭ قۇلى بولاتىن، قالتالىنى قولپاشتاپ، جارلىنى قاقپايلايتىن يدەيادان اۋلاق بولىڭىز. اقشا قولدىڭ كىرى، تۋادا الىپ كەلمەيسىز، و دۇنيەگە الىپ كەتە دە المايسىز. «ارتىق داۋلەت باس جارمايدى» دەسەك تە، ول ۇنەمشىلدىككە، ۇقىپتىلىققا قاراتىلعان بولار. قاناعاتسىزدىقپەن بارلىق قاجىر-قايرات، قان-تەرىڭىزدى، بارىنەن دە زور بايلىعىڭىز بولعان دەنساۋلىعىڭىزدى بوداۋعا تىگىپ جيناعان داۋلەتىڭىز سوڭىندا كىمگە ءناسىپ بولماق.


    قالتالى مەن ۇقىقتىلاردىڭ الدىندا قۇراق ۇشىپ، جىرتىسىن جىرتاتىن، وزگەنى زور، ءوزىڭىزدى قور سانايتىن يدەيادان اۋلاق بولىڭىز. سەبەبى ءبارى دە وزىڭىزبەن ۇقساس ادام. ماسەلە ءسىزدىڭ وزىڭىزگە جانە وزگەلەرگە قالاي قاراۋىڭىزدا. ءوزىڭىزدى وزگەلەردەن قور سانايتىن نە قاقىڭىز بار؟ وزگەلەر ءسىزدىڭ قازانىڭىزعا اس سالىپ بەرىپ وتىرعان جوق، قايتا ءومىردىڭ وزىڭىزگە سيلاعان نەسىبەسىن ىجداعاتپەن جيناپ، ۇقىپتىلىقپەن تۇتىنىپ، قاجىرلى دا قاراپايىم تۇرمىس كەشىرىپ جاتقان جوقسىزبا ؟ مىنە، بۇل كوپ ساندى ادامداردىڭ ءومىر ساپارى، مىنە، بۇل ناعىز ءومىر، ءومىردىڭ ءمانى دە وسىندا. قاراعايداي قايسار ءومىر، جاسىل ارشاداي جايساڭ ءومىر دەپ وسىنى ايت.


قۇتىبي اۋداندىق راديو-تەلەۆيزيا ستانسياسى

中央广播电视总台 央广网 版权所有

ءومىردىڭ ءمانى

ادام ومىرگە ءبىر-اق رەت كەلەدى، بۇل بارلىق ادام بىلەتىن جاي ساۋات ءارى اشتى شىندىق. ءدال سولاي بولعاندىقتان دا ادامدار ءومىردىءماندى، قاراپايىم، كوڭىلدى وتكىزگەنى ابزال.