«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسى جۇرىلۋدە :شاڭحاي قالاسى نازاردى ماسەلەگە شوعىرلاندىرىپ، تۇزەتۋدى تياناقتاندىرۋدى جەبەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-12 10:47:00

 

    ورتالىق تەلەۆيزياسىنىڭ حابارى: شاڭحاي قالاسى شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ٴىس جۇزىندىك ماسەلەلەردى شەشۋدىڭ ونىمدىلىگىن «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسىنىڭ ولشەمى ەتىپ، ماسەلەگە دۇرىس قاراۋ سانالىلىعى مەن ٴوزىن بورشالاۋ باتىلدىعى ارقىلى تۇزەتۋدى تياناقتاندىرۋدى ىلگەرىلەتىپ، تۇزەتۋ ناتيجەسى ارقىلى حالىقتىڭ قالاۋىنان شىعۋدى كوزدەدى.


    نەگىزگى تاقىرىپتىق تاربيە ورىستەتىلگەننەن بەرى، شاڭحاي قالالىق پارتيا كوميتەتىنىڭ باسشىلارى ج ك پ-نىڭ 1-قۇرىلتايى اشىلعان جەردى، لۇڭحۋا قۇرباندار قابىرىستانىن باستاماشىلدىقپەن كوزدەن كەشىرىپ، ارناۋلى تاقىرىپتىق تاربيەنى ورىستەتۋگە ۇيىمداستىردى. شاڭحاي قالالىق پارتكومنىڭ شۋجيى لي چياڭ بىلاي دەدى: شاڭحاي-جۇڭگو كوممۋنيستىك پارتياسىنىڭ دۇنيەگە كەلگەن جەرى ٴارى پارتيامىزدىڭ اۋەلگى ماقساتىنىڭ باستالعان جەرى. ٴبىز وسى رەتكى تاقىرىپتىق تاربيەدە ٴبىرىنشى قۇرىلتاي اشىلعان ورىندى قامتىعان شاڭحايداعى توڭكەرىستىك بايلىقتان ويداعىداي پايدالانۋعا باسا ٴمان بەرىپ، قالىڭ پارتيالى كادرلاردى تاريحتىڭ العاشقى پاراقتارىن اشىپ ەسكە تۇسىرىپ، اۋەلگى ويىمىزدى قايتا جاڭعىرتىپ، جاڭا ٴداۋىردىڭ تىڭ باستاماسىندا تۇرىپ العاشقى ويىمىزدى تەكسەرىپ، شي جينپيڭنىڭ جاڭا ٴداۋىر جۇڭگوشا سوتسياليزم يدەياسىمەن وي-سانامىزدى قارۋلاندىرىپ، امالياتقا جەتەكشىلىك ەتتىرەمىز.


    نەگىزگى تاقىرىپتىق تاربيەدە شاڭحاي قالاسى بۇقارانىڭ ەڭ كوكەي تەستى، ەڭ قامىققان، ەڭ ارمانداعان حالىق تۇرمىسىنداعى قيىن ماسەلەلەرگە مەڭزەس، الەۋمەتتىك اۋماق رايونداعى تۇرعىنداردىڭ الاڭدايتىن ىستەرىن، ۋايىمدايتىن ىستەرىن، مازالاناتىن ىستەرىن دەر كەزىندە سەزىپ، ٴبىر-بىرلەپ شەشتى. شاڭحاي قالالىق پارتكومنىڭ شۋجيى لي چياڭ كوپ رەت گرۋپپا باستاپ، كونە قالانى قايتا قۇرۋدىڭ ٴبىرىنشى شەبىنە بارىپ، بۇقارانىڭ پىكىرىن تىڭدادى.


    20 جىلعا جۋىق كونە رايونداردى وزگەرتۋ قىزمەتى ارقىلى شاڭحاي قالاسىنىڭ بەت-بەينەسىندە جەر مەن كوكتەي پارىقتى وزگەرىس بولدى، ٴبىراق 2018-جىلدىڭ سوڭىنا دەيىن ٴالى دە 2 ميلليون 630 مىڭ شارشى مەتر كولەمدەگى بۇكىل قالاداعى توزىعى جەتكەن ۇيلەر بار، بۇلاردىڭ بارلىعى كوز الداعى قيىن ماسەلەلەر بولاتىن. شاڭحاي قالاسى حۋاڭپۋ رايونى قۇرىلىس جانە باسقارۋ كوميتەتىنىڭ ورىنباسار مەڭگەرۋشىسى جۋ فۋحاي بىلاي دەدى: بۇرىن وزگەرىس ەنگىزۋدىڭ بارلىعىن شاعۋ دەپ بىلەتىنبىز،ونى ساقتاپ قالۋدى ويلامايتىنبىز .ال قازىر كونە ۇيلەردى وزگەرتۋدە ٴىس جۇزىندە كەيبىر كىلتەڭ ماسەلەلەرگە تاپ بولىپ وتىرمىز، بۇل ٴبىز سياقتى كونەنى وزگەرتۋشىلەر جونىنەن ۇلكەن سىناق سانالادى.


    شاڭحاي قالاسى قيىندىقتان تايسالماي، تاباندا تەكسەرىپ، تاباندا تۇزەتتى. بيىل شاڭحاي قالاسى جەر كولەمى 500 مىڭ شارشى مەتر كەلەتىن ەكىنشى دارەجەلى كونە ۇيلەردى وزگەرتىپ سالۋدى ورىنداپ بولدى،بۇدان 25 مىڭ تۇرعىن يگىلىكتەندى . جارىم جىل ىشىندە حۋاڭپۋ رايونى تۇتاس جىلدىق وزگەرتىپ سالۋ مىندەتىن ورىنداپ بولدى، بۇكىل قالا بويىنشا %90 ورىندالدى. شاڭحاي قالالىق پارتكومنىڭ شۋجيى لي چياڭ بىلاي دەدى: مەيلى ۇيرەنۋ-تاربيە، تەكسەرىپ-زەرتتەۋ بولسىن، الدە ماسەلەنى تەكسەرىپ-زەرتتەۋ، تۇزەتۋ-تياناقتاندىرۋ بولسىن، ٴبارى دە سىلدىر سوزدەن ساقتانۋعا، قۇر ايعايدان ساقتانۋعا ەرەكشە نازار اۋدارۋ كەرەك. ٴبىز نەگىزگى تاقىرىپتىق تاربيەنى ورىستەتۋدى باس شۋجيدىڭ شاڭحايدا قىزمەت تەكسەرگەندە سويلەگەن ماڭىزدى ٴسوزىنىڭ رۋحىن ىشكەرىلەي دايەكتى تياناقتاندىرۋمەن ۇشتاستىرۋعا تاباندى بولىپ، اۋەلگى ماقسات بورىشتى كورەگەندىكپەن العا ۇمتىلاتىن، شىنايى يگەرىپ، ناقتى ٴىس ىستەيتىن سانالى ارەكەتكە اينالدىرىپ، نەگىزگى تاقىرىپتىق تاربيەنىڭ ماسەلەنى شىنايى شەشىپ، قىزمەتتى ىلگەرىلەتىپ، دامۋدى جەبەۋىنە مۇمكىندىك جاسادىق.


    كەزەكتە شاڭحاي قالاسى ٴبىر توراپتا ٴبىر تۇتاس ٴبىتىرۋ رەفورماسىن تۇتقا ەتىپ، ەڭ جوعارى ولشەم، ەڭ جاقسى دەڭگەيدە حالىقارالىق ۇزدىك ساۋدا ورتاسىن قۇرۋدا. الايدا قىزمەت وتەۋدى باستان كەشىرۋ دارەجەسىن، قولايلىلىق دارەجەسىن، قامتۋ كولەمىن اناعۇرلىم جوعارىلاتۋ ٴۇشىن ٴتۇيىندى تۇردە نازار اۋدارۋعا تۋرا كەلەدى . شاڭحاي قالالىق ٴىرى ساندى مالىمەت ورتالىعى قولدانىلمالى كوركەيتۋٴبولىمىنىڭ باستىعى بي يۇييۇن بىلاي دەدى: ٴالى دە كەيبىر پارىقتار بار، ٴبىز ۋاقىتتى، بۋىندى، ماتەريالدى، سابىلۋدى ازايتۋعا كۇش سالىپ، كاسىپورىنداردىڭ توراپتا ٴىس بىتىرۋىنە ينتەرنەتتەن ساتىپ العانداي قولايلىلىق جاراتۋىمىز كەرەك.


    قازىرگە دەيىن شاڭحاي قالاسىنىڭ ٴارقايسى تاقىرىپتىق ۇيرەنۋ ورىندارى وڭاۋ تۇزەتۋ ماسەلەسى تىزىمدىگىنەن جيىنى 2162 ٴتۇرىن رەتتەپ جاسادى، 1306 ٴتۇرى دەرەۋ اتقارىلىپ، دەرەۋ تۇزەتىلدى، ٴارى وڭاۋ-تۇزەتۋ ۋاقىت ٴتارتىبى قاتارعا تۇرعىزىلىپ، ٴبىر-بىرلەپ تۇزەتىلدى.



اۋدارعان: كۇلان ىرىسباي قىزى