«ۇلتتىق ماداق جىرى»-جوعارى قارقىندى تەمىر جول-جۇڭگونىڭ جاڭا تانىسقىسى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-09-11 08:40:00

 

    شينجياڭ مەن گانسۋدىڭ شەكارالاسقان جەرىندەگى حۇڭليۋ ۇلكەن كوپىرى لانجوۋ-شينجياڭ تەمىر جول جەلىسىنىڭ شينجياڭعا كىرەتىن تۇڭعىش جوعارى قارقىندى تەمىر جول كوپىرى. 7-ايدىڭ 28-كۇنى C R 200 J جۇردەك پويىزى وسى كوپىردە قاتىناي باستادى. شينجياڭنىڭ ادەتتەگى قارقىندى تەمىر جولىندا وسىدان باستاپ «فۋشيىڭ» تۇرپاتتى جۇردەك پويەز قاتىنادى.


    1978-جىلى جۇڭگونىڭ باسىم ساندى تەمىر جول اينالىمى كومىر جاعاتىن بۋ پاراوۆزىنا سۇيەنەتىن.


    سول جىلى دىڭ شياۋپيڭ جاپونيادا ساپاردا بولعاندا، توكيودان كانساي رايونىنا باراتىن ساعاتتىق جىلدامدىعى 200 كيلومەترلىك « گۋاڭ » تۇرپاتتى جاڭا لەنيالى پويەزعا وتىرعان بولاتىن. بۇل دۇنيە جۇزىندەگى تۇڭعىش جوعارى قارقىندى تەمىر جول ەدى.


    جاڭا جۇڭگونىڭ تەمىر جول تاريحىنا كوز جىبەرسەك، بۇل اتتاپ وتپەيتىن اڭىز، سونداي-اق جۇڭگو تەمىر جولشىلارىنىڭ ٴوز- ٴوزىنە شابىت بەرەتىن تاماشا اڭگىمە.


    1990-جىلدىڭ سوڭىندا «بەيجيڭ-شاڭحاي جوعارى قارقىندى تەمىر جول لەنيالارىنىڭ جوباسى جونىندەگى بايانداما» رەسمي جاريالاندى؛ 1999-جىلى جۇڭگونىڭ ىشكى ولكەدەگى تۇڭعىش ولشەمدى جوعارى قارقىندى تەمىر جولى-چينحۋاڭداۋ-شىنياڭ جولاۋشى تاسىمال ارناۋلى لەنياسى باستالدى؛ 2004-جىلى بۇرىنعى تەمىر جول مينيسترلىگى كانادا، گەرمانيا قاتارلى ەلدەردىڭ كاسىپورىندارىمەن تەحنيكا وتكەرمەلەۋ كەلىسىمىنە قول قويىپ، ەلىمىز كاسىپورىندارىنىڭ دەربەس جاڭالىق جاراتۋىمەن ۇشتاستىردى، وسى بىرلەسپە جوبالاۋ ٴوندىرىسى ارقىلى ەلىمىزدىڭ دەربەس ٴبىلىم مەنشىك ۇقىعىنا يە جۇردەك پويىز بارلىققا كەلىپ، «حىشيە» تۇرپاتتى جۇردەك پويەز دەپ اتالدى.

 
    شەتەلدىڭ «تەكشەسى» مەن «ولشەمىن» قولدانعاندا، جۇڭگونىڭ جوعارى قارقىندى تەمىر جولىنىڭ دامۋى باستان-اياق شەكتەمەگە ۇشىرايدى. 2015-جىلى 6-ايدا ساعاتتىق جىلدامدىعى 350 كيلومەترلىك ولشەمدەگى پويەز ىستەن قالىپ، 254 ٴتۇرلى ماڭىزدى ولشەمنىڭ ىشىندە جۇڭگو ولشەمى %84 تى ۇستادى. 2017 ـ جىلى 6 ـ ايدا جۇڭگو ولشەمدى جۇردەك پويىز گرۋپپاسى «فۋشيىڭ» ٴ تۇرپاتتى جۇردەك پويىز دەپ اتالدى.


    جۇڭگو مەملەكەتتىك تەمىر جول توبى شەكتى سەرىكتەستىگى دامۋ ـ رەفورما ٴبولىمى ستراتەگيالىق جوبا باسقارماسىنىڭ باستىعى جاۋ چاڭجياڭ بىلاي دەدى: 2019 ـ جىلدىڭ العاشقى جارتىسىنا دەيىن، جۇڭگو «فۋشيىڭ» تۇرپاتتى 493 جۇردەك پويىزدى جابدىقتاپ، ولكە ورتالىعىنان جوعارى 23 قالا مەن شياڭگاڭ ەرەكشە اكىمشىلىك رايونىنا جالپىلاستىردى.


    2018-جىلى 6 ـ ايدىڭ 8 ـ كۇنى ٴتوراعا شي جينپيڭ رەسەيدىڭ پريزدەنتى پۋتينمەن بىرگە جوعارى قارقىندى پويەزبەن تيانجينگە بارىپ، جۇڭگو مەن رەسەيدىڭ دوستىق اۋىس ـ كۇيىس قيمىلىنا قاتىناستى.


    ديپلوماتيالىق نەگىزگى مايداندا عانا ەمەس، پارتيانىڭ 18 ـ قۇرىلتايىنان بەرى، ٴتوراعا شي جينپيڭ شەتەلگە ساپارلاي بارعاندا دۇنيە جۇزىنە جوعارى قارقىندى تەمىر جول سىندى جۇڭگونىڭ جاڭا تانىسقىسىن كوپ رەت ايگىلەدى.


    شي جينپيڭ بىلاي دەدى: جوعارى قارقىندى تەمىر جول، جۇڭگو وندىرگەن پويىز -جۇڭگونىڭ تاماشا تانىسقىسى، ول ٴبىر جاعىنان، جۇڭگونىڭ جابدىق جاساۋ كاسىبىنىڭ دەڭگەيىن ايگىلەسە، ەندى ٴبىر جاعىنان بەلگى سيپاتتى ٴونىم جانە كاسىپ ەسەپتەلەدى. بۇدان سىرت، جوعارى قارقىندى تەمىر جول ٴبىر بەلدەۋ، ٴبىر جول قۇرىلىسىىندا دا ورنى بولەك سالا بولىپ تابىلادى.


اۋدارعان: گۇلجان زارقىنبەك قىزى