الداعى 5 جىلدا ادام كۇش بايلىعى جانە قوعامدىق قامتاماسىزداندىرۋ مينيسترلىگى شيزاڭعا 600 از ۇلت ارناۋلى كاسىپتىك دارىندىلارىن جەتىلدىرەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-09-11 08:52:00


    شينحۋا اگەنتتىگىنىڭ حابارى: 2019-جىلدان 2023-جىلعا دەيىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتارلى تاراۋلار شيزاڭعا 600 از ۇلت كاسىپتىك-تەحنيكالىق دارىندى تاربيەلەپ بەرەدى ٴارى 5 توپتاعى ماماندار قىزمەت وتەۋ ۇيىرمەسى قيمىلىن ورىستەتەدى.


    اتقارۋ جوباسىنا ساي، الداعى 5 جىلدا، ٴار جىلى شيزاڭنان 120 كاسىپتىك تەحنيكالىق دارىندىلاردى تاڭداپ الىپ، ىشكى ولكەلەردەگى جوعارى مەكتەپتەرگە، عىلمي زەرتتەۋ ورىندارىنا جانە كاسىپورىن، ٴىس ورىندارىنا بارىپ، ٴبىر جىلدىق ەرەكشە تاربيەلەۋ جانە امالياتتان وتكىزۋ تاربيەسىن جۇرگىزەدى. وقۋ-اعارتۋ، دەنساۋلىق ساقتاۋ، ەگىن، مال شارۋاشىلىعىن جالپىلاستىرۋ، عىلمي زەرتتەۋ، ينجەنەريا، مادەنيەت ـ كوركەمونەر قاتارلى نەگىزدىك سالالارداعى كاسىپتىك ـ تەحنيكالىق دارىندىلاردى ٴتۇيىندى تۇردە جەتىلدىرەدى، سونداي-اق شيزاڭنىڭ ەكونوميكالىق، قوعامدىق دامۋىنداعى ٴتۇيىندى سالالارعا شۇعىل قاجەتتى دارىندىلاردى جانە ۇزاق ۋاقىت نەگىزگى ساتىدا قىزمەت ىستەگەن كاسىپتىك-تەحنيكالىق تايانىشتاردى باعىتتامالى تۇردە جەتىلدىرەدى.

اۋدارعان: ارداق ابيدەن قىزى