2019-جىلعى جىبەك جولى تەلەۆيزياسى حالىقارالىق سەلبەستىك ورتاق تۇلعاسىنىڭ جوعارى دارەجەلى باسشىلار تالقىسى بەيجيڭدە وتكىزىلدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-09-11 08:58:00

 

    ٴوز حابارىمىز: ورتالىق راديو ـ تەلەۆيزيا باس ستانسياسى، جىبەك جولى تەلەۆيزياسى حالىقارالىق سەلبەستىك ورتاق تۇلعاسى ۇيىمداستىرعان 2019-جىلعى جىبەك جولى تەلەۆيزياسى حالىقارالىق سەلبەستىك ورتاق تۇلعاسىنىڭ جوعارى دارەجەلى باسشىلار تالقىسى 9-ايدىڭ 9-كۇنىنەن 11-كۇنىنە دەيىن بەيجيڭدە وتكىزىلدى. وسى كەزەكتى تالقى جالپى مەديالاردىڭ توعىسپالى جوعارى ساپالى دامۋىن نەگىزگى تاقىرىپ ەتتى.


    ورتالىق ۇگىت ٴبولىمىنىڭ ۇنەمىلىك ىستەرگە جاۋاپتى ورىنباسار باستىعى ۋاڭ شياۋحۇي، ورتالىق ۇگىت ٴبولىمىنىڭ ورىنباسار باستىعى، ورتالىق راديو ـ تەلەۆيزيا باس ستانسياسىنىڭ باستىعى شىن حايشيۇڭ وسى رەتكى قيمىلعا قاتىناستى ٴارى جۇڭگولىق ـ شەتەلدىك سيلى قوناقتارمەن كەزدەستى. ۋاڭ شياۋحۇي ارناۋ سوزىندە بىلاي دەدى: جىبەك جولى تەلەۆيزياسىنىڭ حالىقارالىق سەلبەستىك ورتاق تۇلعاسى--ٴبىر بەلدەۋ، ٴبىر جول گۋمانيتارلىق اۋىس ـ كۇيىسىن جەبەيتىن ماڭىزدى دانەكەر، جىبەك جولى ورتاق تۇلعاسىنىڭ جىبەك جولى رۋحىن ساۋلەلەندىرىپ، ٴبىر بەلدەۋ، ٴبىر جول جونىندەگى تارتىمدى حيكايالاردى ويداعىداي بايانداپ، ٴبىر بەلدەۋ، ٴبىر جولدى بىرگە قۇرۋدىڭ اۋەنىن اسقاقتاتا شىرقاپ، اقپارات قۇرالدارىنىڭ توعىسا ىشكەرىلەي دامۋىن ىلگەرىلەتۋىن ٴۇمىت ەتەمىز.


    ٴبىر بەلدەۋ، ٴبىر جولدى جوعارى ساپامەن بىرگە قۇرىپ، سەلبەستىك دەڭگەيىن جوعارىلاتۋ ٴۇشىن، وسى كەزەكتى تالقى جىبەك جولى تەلەۆيزياسى حالىقارالىق سەلبەستىك ورتاق تۇلعاسى القالار كەڭەسىن قۇرۋدى جاريالادى. القالار كەڭەسى 23 مەملەكەت پەن رايوننان كەلگەن 29 نەگىزگى اقپارات قۇرالدارى مەن باعدارلاماس جاساۋ قۇرىلىمدارىنان ۇيىمداستى، شىن حايشيۇڭ القا باستىعى بولدى.


    شىن حايشيۇڭ القالار كەڭەسىنىڭ قۇرىلۋ سالتىندا ٴسوز سويلەپ بىلاي دەدى: جىبەك جولى تەلەۆيزياسى حالىقارالىق سەلبەستىك ورتاق تۇلعاسى قۇرىلعان 3 جىلدان بەرى، باعدارلامادان بىرگە يگىلىكتەنۋ جانە بىرگە قۇرۋ، سەلبەسىپ سۋرەتكە الۋ، قىزمەتكەرلەر اۋىس-كۇيىسى، التىن لەنتا تاڭداۋلى باعدارلامالارىن باعالاۋ سياقتى كوپتەگەن سالالاردا كەڭ كولەمدى، ناقتى سەلبەستىك ورىستەتتى. ورتالىق راديو-تەلەۆيزيا باس ستانسياسى مەن جىبەك جولى تەلەۆيزياسى حالىقارالىق سەلبەستىك ورتاق تۇلعاسى ٴتىپتى دە كوپ اقپارات قۇرالدارىنداعى دوستارمەن قول ۇستاسا وتىرىپ، دۇنيە جۇزىندەگى اقپارات قۇرالدارىنىڭ جاڭالىق اشا دامۋىنىڭ جارقىن بولاشاعىن اشۋدى قالايدى.


    نەگىزگى تالقى مىنبەرىندە جىبەك جولى تەلەۆيزياسى حالىقارالىق سەلبەستىك ورتاق تۇلعاسىنىڭ تىنىق مۇحيت راديو وداعىمەن بىرلەسىپ قۇرعان 2019 ـ جىلعى التىن لەنتا اتتى كوپ ەل بىرگە تارتقان جەلىلەس باعدارلاما-- «بۇگىنگى جىبەك جولى» باعدارلاماسىن باعالاۋ ناتيجەسى جاريالاندى.


    نەگىزگى تالقى مىنبەرى الاڭىندا ٴبىر نەشە مايدان توقتامعا قول قويىپ جاريالاۋ سالتى وتكىزىلدى.


    دۇنيە جۇزىندەگى جىبەك جولىن دانەكەر ەتكەن، تۇتاس مەدياعا باعىتتالعان تۇڭعىش حالىقارالىق كينو-تەلەۆيزيا مەديالارى وداعى رەتىندە، جىبەك جولى تەلەۆيزياسى حالىقارالىق سەلبەستىك ورتاق تۇلعاسى ورتالىق راديو-تەلەۆيزيا باس ستانسياسىنا قاراستى جۇڭگو حالىقارالىق تەلەۆيزيا باس سەرىكتىگى جاعىنان قۇرىلدى. 2016-جىلى قۇرىلعاننان بەرى، جىبەك جولى تەلەۆيزياسى حالىقارالىق سەلبەستىك ورتاق تۇلعاسى ٴۇرتىس 3 كەزەك جوعارى دارەجەلى باسشىلار تالقى مىنبەرىن وتكىزىپ، كاسىپ سالاسى جوعارى دارەجەدە مويىنداعان اقپارات قۇرالدارىنىڭ جالپىلىق تالقى مىنبەرىنە اينالدى. قازىر ورتاق تۇلعانىڭ مۇشەلەرى مەن سەرىكتەرى دامىپ 58 مەملەكەت پەن رايونعا جەتىپ، ٴبىر بەلدەۋ، ٴبىر جول بويىنداعى ٴتۇيىندى ەلدەر مەن وڭىرلەردى قامتىپ، ٴبىر بەلدەۋ، ٴبىر جول قۇرىلىسىن ىلگەرىلەتۋدىڭ، كوپ نەگىزدى مادەنيەت اۋىس ـ كۇيىسىن كۇشەيتۋدىڭ جانە جۇڭگو مەن شەتەل تىلەگىنىڭ توعىسۋىن جەبەۋدىڭ پارمەندى تۇعىرىنا اينالدى.


اۋدارعان: شالقار قازەز ۇلى