شياڭگاڭ ٴار سالاسىنداعى ايەلدەر بىرلەسپە سەلبەستىك قوعامىنىڭ ٴتوراعاسى حى چاۋچيۇڭ، اقىلشىسى ۋ شۋچيڭ قاتارلىلار: دۇنيە ٴجۇزىنىڭ شياڭگاڭنىڭ قازىرگى جاعدايىن ٴبىلۋىن ٴۇمىت ەتەمىز-دەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-09-11 08:59:00


    ٴوز حابارىمىز: جەنەۆادا ب م ۇ كىسىلىك ۇقىق القالار كەڭەسىنىڭ 42-رەتكى ماجىلىسىنە قاتىناسىپ جاتقان شياڭگاڭ ٴار سالاسىنداعى ايەلدەر بىرلەسپە سەلبەستىك قوعامىنىڭ ٴتوراعاسى حى چاۋچيۇڭ مەن اتالعان قوعامنىڭ اقىلشىسى ۋ شۋچيڭ 9-ايدىڭ 9-كۇنى جۇڭگو مەديالارىنىڭ بىرلەسكەن سۇحباتىن قابىلداعاندا بىلاي دەدى: دۇنيە ٴجۇزىنىڭ شياڭگاڭنىڭ قازىرگى جاعدايىن ٴتۇسىنۋىن ٴۇمىت ەتەمىز، زورلىقتى كۇش ارەكەتى شياڭگاڭدى اۋىر زيانعا ۇشىراتتى.


    حى چاۋچيۇڭ بىلاي دەدى: ساياحات كاسىبى، اس-سۋ كاسىبى عانا ەمەس، تۇتاس شياڭگاڭنىڭ ەكونوميكاسى قازىر تۇرلىشە دارەجەدە سوققىعا ۇشىراپ وتىر. ەڭ ناشار حالدە قالعاندار شياڭگاڭداعى كەيبىر ۇساق ساۋداگەرلەر، ولار شارۋاشىلىق جۇرگىزۋگە شاراسىز قالدى. ونىڭ ۇستىنە، قازىرگە دەيىن، بۇلدىرىلگەن بارلىق الەۋمەتتىك قۇرىلعىلاردى ٴبىر-بىرلەپ قالپىنا كەلتىرۋ ورايى جوق، مۇمكىن دە ەمەس. قاتىناس-تاسىمالدىڭ قولايلىلىعى دا قالمادى. سىرتقا شىعۋعا، قىزمەتكە بارۋىنا مۇمكىندىك جوق. ٴبىزدىڭ تۇتىنۋىمىز شامامەن % 70 ازايدى.


    ۋ شۋچيڭ بىلاي دەدى: زورلىقتى كۇش لاڭكەستەرى اۋەجايدى قورشاپ الدى، كوپتەگەن الەۋمەتتىك قۇرىلعىلاردى بۇلدىردى، ونىڭ ۇستىنە شياڭگاڭنىڭ ۇزاق ۋاقىتتىق حاۋىپسىزدىگىنە ىقپال جاساپ وتىر. بۇل شياڭگاڭنىڭ بۇكىل جەر شارىندىق وبرازىنا ىقپال ەتەدى، وتە حاۋىپتى.

    شياڭگاڭداعى ٴار سالا قايراتكەرلەرى حى چاۋچيۇڭنىڭ جانە ۋ شۋچيڭنىڭ مايدانىن قولدايتىندىقتارىن ٴبىلدىردى.


    شياڭگاڭ زاڭ شىعارۋ كەڭەسىنىڭ مۇشەسى، شياڭگاڭٴار سالاسىنداعى ايەلدەر بىرلەسپە سەلبەستىك قوعامىنىڭ قۇرمەتتى باستىعى جياڭ لييۇن بىلاي دەدى: ٴاربىر ادام ٴىستىڭ شىن سىرىن بىلگىسى كەلەدى، ٴبىز تەك شياڭگاڭنىڭ شىندىعىن ايتىپ وتىرمىز.


    شياڭگاڭ زاڭ شىعارۋ كەڭەسىنىڭ مۇشەسى لياڭ ميفىن بىلاي دەدى: ٴبىز حالىقارالىق قوعامنىڭ شياڭگاڭنىڭ ناقتى جاعدايىن، شياڭگاڭنىڭ باسىم كوپ ساندى ادامدارىنىڭ ويىن شىنايى، دۇرىس ٴبىلۋىن ەرەكشە قاجەت ەتەمىز.

اۋدارعان: شالقار قازەز ۇلى