ۋاڭ ي فرانسيا پرەزيدەنتىنىڭ سىرتقى ىستەر اقىلشىسى بونامەن تەلەفوندا سويلەستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-12 09:29:00

 

    شينحۋا اگەنتتىگىنىڭ حابارى: مەملەكەتتىك كەڭەستىڭ مۇشەسى، سىرتقى ىستەر مينيسترى ۋاڭ ي 8-ايدىڭ 9-كۇنى ۇسىنىس بويىنشا فرانسيا پرەزيدەنتىنىڭ سىرتقى ىستەر اقىلشىسى بونامەن تەلەفوندا سويلەستى. بونا يراننىڭ يادرو ماسەلەسى جايلى ەڭ جاڭا جاعدايدى حابارلاندىرىپ، جۇڭگومەن سايكەسۋدى-سەلبەسۋدى كۇشەيتىپ، تىلدەسۋگە شارت-جاعداي جاراتىپ، كەزەكتەگى شۇعىل جاعدايدى باسەڭدەتۋدى قالايتىندىعىن ايتتى.


    ۋاڭ ي بىلاي دەدى: يراننىڭ كەزەكتەگى يادرو ماسەلەسىن توقىراۋ كۇيدەن ارىلتۋ ٴۇشىن فرانسيانىڭ جۇرگىزگەن جاراستىرۋىن جۇڭگو قولدايدى، يران يادرو ماسەلەسىنىڭ جالپى بەتتىك كەلىسىمىن جونگە سالۋ جولىندا جۇڭگو دا وراسان زور قۇلشىنىستار جاسادى. جالپى بەتتىك كەلىسىمگە تاباندى بولۋ دەگەنىمىز كوپ جاقتىلىقتى، ادىلدىكتى، ٴوڭىردىڭ حاۋىپسىزدىگى مەن ورنىقتىلىعىن قورعاۋ دەگەندىك. ب م ۇ حاۋىپسىزدىك القالار كەڭەسىنىڭ تۇراقتى القا ەلى بولعان جۇڭگو فرانسيامەن بىرلىكتە قۇلشىنىپ، حالىقارالىق كەلىسىمنىڭ بەدەلى مەن ونىمدىلىگىنە تاباندى بولىپ، ٴار جاقتىڭ يكەمدىلىگىن جەبەۋدى، اسىرەسە جاعدايدىڭ ونان ارى ۋشىعۋىنان ساقتانۋدى قالايدى.

اۋدارعان: امانتاي مۇسايىپ ۇلى