سىرتقى ىستەر مينيسترلىگىنىڭ مالىمدەمەشىسى انگليانىڭ شياڭگاڭ ىسىنە كيلىككەندىگى جايلى تىلشىلەردىڭ سۇراۋلارىنا جاۋاپ قايتاردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-12 09:32:00


    شينحۋا اگەنتتىگىنىڭ حابارى: سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ 8-ايدىڭ 10-كۇنى مىنانى باسا دارىپتەدى: شياڭگاڭ ىستەرىنە شەتەلدىڭ كيلىگۋىنە جول بەرىلمەيدى، جۇڭگو انگليادان شياڭگاڭ ىستەرىنە، سونداي-اق جۇڭگونىڭ ىشكى ىستەرىنە كيلىگەتىن ارەكەتتەرىن دەرەۋ توقتاتۋدى قاتاڭ تالاپ ەتەدى.


    سول كۇنگى داعدىلى تىلشىلەر جينالىسىندا ٴبىر ٴتىلشى بىلاي دەپ سۇراۋ قويدى: حابارعا قاراعاندا، انگليا سىرتقى ىستەر مينيسترلىگىنىڭ مالىمدەمەشىسى، انگليانىڭ سىرتقى ىستەر ٴۋازىرى رابۋدىڭ 8-ايدىڭ 9 ـ كۇنى شياڭگاڭ جاعدايى جونىندە شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە ـ ىمەن تەلەفوندا سويلەسكەندىگىن ايتقان، جۇڭگو جاق بۇعان قالاي باعا بەرەدى؟


    حۋا چۇنيىڭ بىلاي دەدى : بۇگىنگى شياڭگاڭ الدەقاشان انگليانىڭ وتارى ەمەس، جۇڭحۋا حالىق رەسپۋبليكاسىنىڭ ەرەكشە اكىمشىلىك رايونى. انگليانىڭ شياڭگاڭعا بىرىنشىدەن، يەلىك ۇقىعى، ەكىنشىدەن، باسقارۋ ۇقىعى،

    ۇشىنشىدەن، باقىلاۋ ۇقىعى جوق. شياڭگاڭ ىستەرىنە شەتەلدىڭ كيلىگۋىنە جول بەرىلمەيدى. ٴتۇبىرلى زاڭداعى بەلگىلەمەلەر بويىنشا، شياڭگاڭ ەرەكشە اكىمشىلىك رايونىنىڭ ديپلوماتيالىق ىستەرىن ورتالىق ۇكىمەت باسقارۋعا ٴتيىس. انگليا ۇكىمەتىنىڭ شياڭگاڭ ەرەكشە اكىمشىلىك رايون اكىمىنە تىكەلەي تەلەفون بەرىپ قىسىم ٴتۇسىرۋى قاتە. جۇڭگو انگليادان شياڭگاڭ ىستەرىنە، سونداي-اق جۇڭگونىڭ ىشكى ىستەرىنە كيلىگەتىن ارەكەتتەرىن دەرەۋ توقتاتۋدى، شياڭگاڭعا بۇيرىق ٴتۇسىرۋىن، جەل بەرىپ جەلىكتىرۋىن ەندىگارى كورسەتپەۋدى قاتاڭ تالاپ ەتەدى.

 

اۋدارعان: امانتاي مۇسايىپ ۇلى