تاپسىرمانى ەستە بەرىك ساقتاپ، ارمان جولىندا ارىنداي العا تارتۋ ـ باس شۋجيدىڭ جاۋاپ حاتىن تاپسىرىپ العاننان كەيىن: شيزاڭنىڭ لۇڭزى اۋدانى يۇيماي اۋىلى شەكاراداعى اق قارلى القاپتا گىساڭ گۇلىندەي قۇلپىرا ءتۇستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-12 09:45:00

 

    حالىق گازەتىنىڭ حابارى: وتانىمىزدىڭ باتىس وڭتۇستىك شەكاراسىنداعى شيزاڭداعى يۇيماي اۋىلى ٴبىر مەزگىل ٴۇش تۇرعىنى عانا بار « ٴۇش كىسىلىك اۋىل» اتالعان ەدى، قازىر دە ەلىمىزدەگى جان سانى ەڭ از، جان باسىنا تۋرا كەلەتىن جەر كولەمى ەڭ كەڭ اۋىل ەسەپتەلەدى.

    باس شۋجي شي جينپيڭ جوگا مەن ياڭزۇڭ اپەكە ـ سىڭلىلەرگە جاۋاپ حات جازىپ ولاردى «مەكەنىمىز-يۇيماي، مەملەكەتىمىز جۇڭگو، مال باعىپ، شەكارانى قورعاۋ ـ مىندەتىمىز دەگەن سوزدەردى وتە جاقسى ايتتىڭىزدار» دەپ ماداقتادى، اپەكەلى-سىڭلىلەردىڭ وسىناۋ قاراپايىم ٴسوزدەرى گيمالاي تاۋىنىڭ وڭتۇستىك ەتەگىنەن بۇكىل ەلگە تەز تارالدى.


    جاڭادان سالىنعان ۇيلەر مەن سالىنىپ جاتقان قۇرىلىس ورىندارىنا كوز سالىپ تۇرىپ ەندى عانا مال باعىپ كەلگەن جوگا، ياڭزۇڭ اپەكەلى-سىڭلىلەر اسا قۋانىشتى بەينەدە بىلاي دەدى: «وسى ٴبىر جىلدان بەرى، يۇيماي اۋىلىمىزدا اسا زور وزگەرىستەر تۋىلدى. ٴبىز، ٴسوز جوق، باس شۋجي شي جينپيڭنىڭ تاپسىرماسى مەن قامقورلىعىن ەستە بەرىك ساقتاپ، وتان توپىراعىنىڭ ءار ءبىر تال ٴشوبى مەن ءار ءبىر تال اعاشىن كوز قاراشىعىمىزداي قورعاپ، يۇيمايدى باقىتتى، دوڭگەلەك داۋلەتتى اۋىل ەتىپ قۇرىپ شىعاتىن بولامىز ! باس شۋجي شي جينپيڭنىڭ 2017 ـ جىلى 10-ايدىڭ 28-كۇنى جازعان جاۋاپ حاتىن ەسكە العاندا، 58 جاستاعى جوگا مەن 56 جاستاعى ياڭزۇڭنىڭ جۇزدەرىندە سەنىم جانە ماقتانىش نۇرى ويناقتادى.


    يۇيماي اۋىلىنىڭ جەر اۋدانى 3000 شارشى كيلومەتردەن، تەڭىز دەڭگەيىنەن ورتاشا بيىكتىگى 3600 مەتردەن اسادى. بۇرىن جول قاتىناسى توماعا تۇيىق، شارت-جاعدايى جاپالى، قوعامنان وقشاۋ بولعاندىقتان، كوپتەگەن تۇرعىندار ارت-ارتىنان كوشىپ كەتتى، جان سانى ەڭ از بولعاندا، كونە اۋىل باستىعى سانجەچۋربا،ونىڭ قىزى جوگا مەن ياڭزۇڭ اپەكەلى-سىڭلىلەر ۇشەۋى عانا قالدى، ولار وسى ارانى قورعاپ تۇرا بەردى.


    1996-جىلى ەكى وتباسى قايتا كوشىپ، يۇيمايدىڭ اۋىل بەينەسىنە ازداپ تىڭ كۇش قوسىلدى. 2016-جىلعا كەلگەندە اۋىلدا 9 وتباسى، 32 ادام بولدى. پارتيا 19 ـ قۇرىلتايى اشىلۋ قارساڭىندا، جوگا مەن ياڭزۇڭ اپەكەلى ـ سىڭلىلەر باس شۋجي شي جينپيڭگە حات جازىپ، وتان ٴۇشىن شەكارانى قورعاۋ بەكىمىن ٴبىلدىرىپ، اتا مەكەنىنىڭ دامۋ وزگەرىسىن مالىمدەدى .


    باس شۋجي شي جينپيڭنىڭ جاۋاپ حاتى جوگا، ياڭزۇڭ قاتارلى بارلىق يۇيمايلىقتاردىڭ شەكارانى كۇزەتۋ، شەكارانى بەكەمدەۋ سەنىمى مەن قوزعاۋشى كۇشىن ارتتىردى.


    شىت جاڭا ۇيلەر زاڭزۋ كالەندارى بويىنشا جاڭا جىلدىڭ الدىندا سالىنىپ بولدى . كونە تۇرعىنداردىڭ ٴبارى، جاڭا تۇرعىنداردىڭ كوبى جاڭا ۇيگە كوشىپ كەلدى. جاڭا تۇرعىنداردىڭ دەنى جاقىن ماڭداعى اۋىل - قالاشىقتاردان كوشىپ كەلگەندەر ەدى.


    يۇيمايلىقتاردىڭ تۇرمىسى بارعان سايىن جاقساردى. 2018-جىلى ادام باسىنا ورتا ەسەپپەن تۋرا كەلەتىن جىلدىق كىرىسى 60 مىڭ يۋاننان اسىپ، ۇقساس مەزگىلدەگىدەن %11.1 ارتتى. تۇرعىندار كوبەيىپ، ماگازين، اسحانا، وتباسىلىق قوناقجاي، ٴتاتتى شايحانالار دا بارعان سايىن كوبەيىپ، بامبۇك بۇيىمدار، قىزىل شىرماۋىق، بىلەزىك قاتارلى قولونەر بۇيىمدار ساۋداسى كۇسەتتەندى.


    جاڭا ٴداۋىر، جاڭا بەينە، جاقسى ساياسات، جاڭا دامۋلار ارت-ارتىنان جارىققا شىعۋدا. وسى ەكى جىلدا يۇيمايلىقتاردىڭ تۇرمىسى بۇكىلدەي وزگەردى. سەمەنت جولدا كولىك قاتنادى، مەملەكەت قارجى شىعارىپ قاتىناستى جاقسارتتى. قىستاق تۇرعىندارى 8 اۆتوموبيل ساتىپ الدى، شاننانعا، لاساعا بارۋ ٴتىپتى قولايلى بولدى . ەلەكتر تورابى ىسكە قوسىلدى، 2018 ـ جىلى 2 ـ ايدا ەلەكتر جەتكىزىلىپ، مەملەكەتتىك ەلەكتر تورابىنا رەسمي كىرگىزىلدى، جۇرتشىلىق ەلەكتر كەرنەۋى ورنىقسىزدىعى سەبەبىنەن سەميا ەلەكتر جابدىقتارىنىڭ بۇلدىرىلۋىنەن الاڭدامايتىن بولدى، بۇرىن كەم بولسا بولمايتىن ماي شام «مادەني مۇراعا» اينالدى. 4 G سيگنالى جالعانىپ، يىنتەرنەت تۇگەل قامتىلىپ، اۋىلدا جىلجىمالى حابارلاسۋ تورابى ارقىلى اقشا تولەۋگە بولاتىن بولدى . يۇيماي اۋىلىنىڭ جول تورابى، ەلەكتر تورابى، ينتەرنەت تورابى قاتارلى نەگىزدىك قۇرىلعى قۇرىلىسى ۇزدىكسىز جاقسارىپ، الەۋمەتتىك قىزمەت وتەۋ قۋاتى مەن دەڭگەيى تىڭ ساتىعا كوتەرىلدى.


    مەملەكەتتىك حالىق قۇرىلتايىنىڭ ۋاكىلى رەتىندە جوگا بيىلعى مەملەكەتتىك ەكى ماجىلىسكە قاتىناسقان كەزدە، پارتيا ورتالىق كوميتەتىنىڭ يۇيمايعا كوڭىل ٴبولۋىن، يۇيماي بۇقاراسىنىڭ پارتيا مەن وتانعا دەگەن حيكاياسىن كوپتەگەن ادامدارعا جەتكىزدى. ول بىلاي دەدى: باس شۋجيدىڭ قامقورلىعى، پارتيا مەن ۇكىمەتتىڭ كومەگى، قولداۋى بولماسا، يۇيمايدىڭ بۇگىنگى جاڭا بەت ـ بەينەسى دە بولماس ەدى.


    بەس جۇلدىزدى قىزىل تۋدى مەملەكەت تەرريتورياسىنىڭ بارلىق جەرىندە جەلبىرەتۋ كەرەك. 2018-جىلى «ٴداۋىر ۇلگىسى» داڭقتى اتاعىنا يە بولعاننان كەيىن، جوگا مەن ياڭزۇڭ اپەكەلى-سىڭلىلەر وسى داڭقتى اناعۇرلىم زور قوزعاۋشى كۇشكە اينالدىرىپ، ٴتىپتى دە كوپ كادرلار مەن بۇقارانى شەكارانى كۇزەتۋ قاتارىنان ورىن الۋعا جەتەكتەدى . مال باعىپ شەكارانى قورعاۋ تۇرمىس ٴارى قىزمەت، ٴارى مىندەت. وتاندى ٴسۇيىپ، شەكارانى قورعاۋ يۇيمايلىقتاردىڭ بۇلتارماس بورىشىنا اينالدى.


اۋدارعان: قاناتبەك جۇماباي ۇلى