شياڭگاڭ حالقى «جالپى حالىق بولىپ ساقشىلاردى قولداۋ كۇنى» قيمىلىنا قاتىناستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-12 09:57:00


    ٴوز حابارىمىز: شياڭگاڭ تۇرعىندارى 8-ايدىڭ 10-كۇنى «جالپى حالىق بولىپ ساقشىنى قولداۋ كۇنى» قيمىلىن وتكىزدى، كوپتەگەن قالا تۇرعىندارى ساقشى مەكەمەلەرىنە بارىپ، ساقشىلاردان حال سۇرادى جانە ولاردى قولدادى.


    8-ايدىڭ 10 - كۇنى تۇستەن بۇرىن، شياڭگاڭ حالىقتىق ۇيىمى « شياڭگاڭ ۇلى وداعىن قورعاۋ » ۇيىمى شياڭگاڭنىڭ ورتا رايوندىق ساقشى مەكەمەسىنە باردى، قالا تۇرعىندارى ساقشى كيىمىنىڭ رەڭىنە جۋىق كوك ٴتۇستى كيىم كيىپ، ساقشىلارعا العىس ايتۋ جانە تىلەك ٴبىلدىرۋ حاتىن جازىپ، شياڭگاڭ ساقشىلارىن ماداقتادى. وداقتىڭ ۇيىمداستىرۋشىسى حۋاڭ يىڭحاۋ بىلاي دەدى: ەكى ايدان بەرى، ۇشقارى ەلەمەنتتەردىڭ زورلىقتى كۇش ارەكەتىنە قاراتا شياڭگاڭ ساقشىلارى توتەنشە ۇستامدى بولدى جانە كاسىپتىك قاسيەت كورسەتتى، ساقشىلار كوپ جاپا شەكتى.


    شياڭگاڭ ساقشى باس شتابىندا شياڭگاڭ جاستار بىرلەستىگىنىڭ ورىنباسار ٴتوراعاسى جان شىڭ ساقشىعا ارناپ ولەڭ جازىپ ولاردى شابىتتاندىردى. ول بىلاي دەدى : وتكەن ەكى اي ىشىندە كەيبىر ۇشقارى ەلەمەنتتەر ەرەۋىل جاساپ، قىر كورسەتۋدى زورلىقتى كۇشپەن سوققىلاۋعا اينالدىرىپ، الەۋمەتتىك قۇرىلعىلاردى ٴبۇلدىرىپ قانا قويماي، ولاردىڭ وسپادار قىلىعىنا توقتاۋ ايتقان قالا تۇرعىندارىن دا ۇرىپ-سوققاندىعىن بارلىق ادام ٴوز كوزدەرىمەن كوردى، مۇنداي زورلىق-زومبىلىق ادامدى تىكسىندىرەدى. ٴبىراق شياڭگاڭ ساقشىلارى ەشتەڭەدەن تايىنباي، زاڭمەن باسقارۋدىڭٴبىرىنشى شەبىندە اتويلاپ العا شىعۋى بارلىق قالا تۇرعىندارىن اسەرلەندىردى.


    ۋاڭ بەيجياۋ ساقشى مەكەمەسىنە بارعان قالا تۇرعىنى لو مىرزا مەن قىزمەتتەستەرى «زورلىقتى كۇشكە تويتارىس جاساپ، ساقشىلاردىڭ جىگەرىن جانىپ، اتا مەكەنىمىزدى قورعايىق» دەگەن كەرمە تۋ كوتەردى. ول بىلاي دەدى: ساقشى اترەتى قورلىققا شىداپ، قىرۋار قىزمەتتەر ىستەدى، ٴبىزدىڭ حاۋىپسىزدىگىمىزدى قورعادى. سوندىقتان ٴبىز سودىر -سوتاناقتاردىڭ ارەكەتىنە قارسى تۇرىپ كوشەگە شىقتىق،ٴبىز ٴىس جۇزىندىك ارەكەتىمىز ارقىلى دۇرىس سالتتى ساۋلەلەندىرىپ، اتا مەكەنىمىزدى قورعاۋدى ٴۇمىت ەتەمىز.


    ىقىلاستى حال سۇراۋ، جارقىن كۇلكى مەيرىمدى جۇز، تولاسىز ماداق قالىڭ شياڭگاڭ ساقشىلارىن ايرىقشا قۋانتتى. شياڭگاڭ ساقشى اترەتىندەگى شۇي حانىم بىلاي دەدى: الدىڭعى شەپتەگى قىزمەتتەستەر زورلىقتى كۇش سوققىسنا توتەپ بەرۋدەي وتە جاپالى مىندەت اتقارۋدا،ايتسەدە ولار ٴسوز جوق، قىزمەت ورىندارىنان تاپجىلماي، شياڭگاڭدى كۇش سالا قورعايدى.

اۋدارعان: كۇلان ىرىسباي قىزى