مەملەكەتتىك كەڭەس كەڭسەسى «تەكشە ەكونوميكاسىنىڭ جۇيەلى، اقاۋسىز دامۋىن جەبەۋ جونىندەگى جەتەكشى پىكىردى» باسىپ تاراتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-12 10:09:00

 

    ٴوز حابارىمىز: تاياۋدا مەملەكەتتىك كەڭەس كەڭسەسى «تەكشە ەكونوميكاسىنىڭ جۇيەلى، اقاۋسىز دامۋىن جەبەۋ جونىندەگى جەتەكشى پىكىردى» باسىپ تاراتىپ، توراپتا ساتىپ الۋ، توراپتا كولىك مايلاۋعا ۋادەلەسۋ، ساياحاتتىق تۇرعىن ٴۇي، جەلىدە اۋرۋ كورسەتۋ،كەڭەس سۇراۋ قاتارلىلاردى قامتىعان ينتەرنەت تەكشەسىن ارناعا ٴتۇسىرۋ جايلى ناقتى شارالاردى ورتاعا قويدى.


    «پىكىردەگى» تالاپقا ساي، دۇرىس مەجەلەنگەن، ٴبىرشاما جاقسى دامۋ اۋقىمى قالىپتاسقاندارىن تۇرگە ايىرىپ، لايىقتى باقىلاۋ - باسقارۋ ۇلگىسىن جاساپ، كونە ٴادىس ارقىلى جاڭا كاسىپ كۇيىن باسقارۋدان ساقتانۋ؛ ٴبىر مەزەت ناقتى مەجەلەي الماعاندارىنا بەلگىلى «بايقاۋ مەرزىمىن» بەلگىلەپ، جارىققا شىعا سالىسىمەن ٴولى تۇردە باسقارۋدىڭ تار شەڭبەرىندە قالدىرماۋ؛ كومەسكى حاۋىپ-قاتەرى زور، اۋىر زارداپ تۋدىرۋى مۇمكىن بولعاندارىن، قاتاڭ باقىلاۋ- باسقارۋ؛ زاڭسىز تيجاراتپەن شۇعىلدانعانداردى زاڭ بويىنشا باتىل كۇشىنەن قالدىرۋ كەرەك. مەملەكەتتىك دامۋ جانە رەفورما كوميتەتى جاڭالىق جاراتۋ جانە جوعارى تەحنيكانى دامىتۋ مەڭگەرمەسىنىڭ ورىنباسار باستىعى سۇن ۋي مىنانى باسا دارىپتەدى: بازار تارتىبىنە، ٴادىل باسەكەگە قايشى ارەكەتتەردى زاڭ بويىنشا تەكسەرىپ ٴبىر جاقتى ەتۋ كەرەك.


    «پىكىردە» بازار تۇلعالارىنىڭ نەگىزگى ينفورماتسيالارى مەن كاسىپورىندارعا ساياتىن ٴتۇرلى رۇقسات ينفورماتسيالارىن اناعۇرلىم جيناقتاپ، 2019-جىلى بۇكىل ەل بويىنشا ٴبىر تۇلعالانعان، جەلىدەگى اكىمشىلىك قىزمەت وتەۋ تەكشەسىندەگى ەلەكتروندىق كۋالىكتەن ورتاق يگىلىكتەنۋ قىزمەت وتەۋ جۇيەسىن ىسكە قوسۋعا كۇش سالۋ ورتاعا قويىلدى . تەكشەدەگى ساندى مالىمەتتەردەن پايدالانىپ، قازىرگى سەنىمدىلىك جۇيەسىنىڭ ينفورماتسياسى تولىقتانىپ كەمەلدەندىرىلەدى.

اۋدارعان: كۇلان ىرىسباي قىزى