شياڭگاڭ ەرەكشە اكىمشىلىك رايون ۇكىمەتى اكىمشىلىك كەڭەس وتكىزۋدى قالپىنا كەلتىردى، لينجىڭ يۋە-ى شياڭگاڭ قوعامىنىڭ ٴار سالاسىنداعىلاردى زورلىقتى كۇشكە قارسى تۇرۋعا، زاڭمەن باسقارۋدى قورعاۋعا ۇندەدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-14 10:09:00


    ءوز حابارىمىز: شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە-ى 8-ايدىڭ 13-كۇنى اكىمشىلىك كەڭەسكە قاتىناسۋدان بۇرىن مەديالارمەن كەزدەسىپ، وتكەن ٴبىر اپتادا تۋىلعان جاعداي شياڭگاڭنىڭ حاۋىپسىزدىگى مەن قوعامىن حاۋىپتى كۇيگە ٴتۇسىردى، بارلىق ىستە تىنىشتىق قالپىنا كەلگەننەن كەيىن، شىن نيەتپەن سۇحپاتتاسۋ جانە قوعام تىنىشتىعىن قالپىنا كەلتىرۋ كەرەك، دەپ اشىق ايتتى.


    شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە ـ ى بىلاي دەدى : وتكەن ٴبىر اپتاداعى شياڭگاڭنىڭ قاتەرلى جاعدايى مەنى قاتتى الاڭداتتى، كەيبىرەۋلەر ەركىندىك، ادىلەت دەگەن اتپەن زاڭعا قايشىلىق جاساپ، زاڭ ـ ٴتارتىپتى كوزگە ىلمەدى، تاعى كەيبىرەۋلەر زاڭمەن باسقارۋدى بۇزۋ ماقساتىنا جەتۋ ٴۇشىن، زاڭمەن باسقارۋ ورگاندارىنا كەڭ كولەمدە شابۋىل جاسادى. لينجىڭ يۋە -ى زورلىقتى ارەكەتتى ٴسوزسىز توقتاتۋ كەرەك،دەپ باسا دارىپتەدى.


    لينجىڭ يۋە-ى بىلاي دەدى: قازىر شياڭگاڭ قوعامى قاتتى بىلىققان كۇيگە ءتۇستى، كوپتەگەن قالا تۇرعىندارى قالىپتى جۇمىسقا شىعۋعا، وقۋعا بارۋعا بولاتىن ـ بولمايتىندىعىنان الاڭداسا، تاعى دا كوپتەگەن ادامدار اپتا سوڭىندا سىرت جەرلەرگە شىعىپ سەيىلدەۋ تۇتىنۋ نەمەسە دوس جاراندارىمەن كەزدەسۋ جوسپارلارىن توقتاتتى . بۇدان باسقا ەندى ءبىر ءتۇرلى جاعدايدى ايتار بولساق: زاڭعا قايشى قىرۋار ارەكەتتەر بولدى، اۋەلى، زاڭ- ٴتارتىپتى كوزگە ىلمەي، كورنەۋدە ەركىندىك نەمەسە ادىلەت دەگەن جەلەۋ جانە ۇران كوتەرىپ، ٴىس جۇزىندە، ۇزدىكسىز ٴبۇلدىرۋ ارەكەتتەرىمەن شۇعىلدانىپ، شياڭگاڭنىڭ زاڭمەن باسقارىلۋىنا زيان جەتكىزدى.


    لينجىڭ يۋە-ى بىلاي دەدى: ٴار سالاداعىلاردان شياڭگاڭدى شىڭىراۋعا يتەرۋگە ءتوزىپ تۇرا بەرۋىمىز كەرەكپە دەگەندى ويلاسۋدى ٴۇمىت ەتەمىن . مەن كوپشىلىكتى الاۋىزدىقتى قويا تۇرىپ، سابىرلىلىققا كوشىپ ءبىر ءسات ۋاقىت شىعارىپ وسى ماسەلەنى ويلاسۋعا تاعى دا ۇسىنىس ەتەمىن. وزدەرىڭىز مىناۋ قالاعا كوز سالىڭىزدارشى، ءوزىمىزدىڭ مەكەنىمىز بولعان وسىناۋ قالانى باسقالاردىڭ شىڭىراۋعا يتەرىپ بىت-شىت قىلۋىنا ەندىگارى توزە بەرەمىزبە؟ قازىر ىستەۋگە ءتيىستى بىردەن ءبىر جۇمىس-زورلىق ـ زومبىلىققا قارسى تۇرىپ، زاڭمەن باسقارۋدى قورعاپ، قوعام ٴتارتىبىن قالپىنا كەلتىرۋ بولىپ وتىر . بارلىق جاعداي تىنىشتالعاننان كەيىن، شىن نيەتپەن سۇحپاتتاسىپ، بۇلدىرىلگەن جاعدايدى قايتادان قالپىنا كەلتىرىپ، قوعام جاراسىمدىلىعىن قايتا قۇرۋ باستالادى.


اۋدارعان: قاناتبەك جۇماباي ۇلى