سىرتقى ىستەر مينيسترلىگىنىڭ شياڭگاڭداعى ۇكىمەت قىزمەت مەكەمەسى ا ق ش پارلامەنت مۇشەلەرىن ۇشقارى زورلىقتى كۇش ەلەمەنتتەردەن شەكارا ايىرۋعا قۋزادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-14 10:14:00


    ءوز حابارىمىز: مەديالاردا ا ق ش كەڭەس پالاتاسى رەسپۋبليكاشىلدار پارتياسىنىڭ كوسەمى مايكونەل قاتارلىلاردىڭ تاياۋدا سويلەگەن قاتە سوزدەرى حابارلانۋىنا قاراتا، سىرتقى ىستەر مينيسترلىگىنىڭ شياڭگاڭداعى ۇكىمەت قىزمەت مەكەمەسىنىڭ مالىمدەمەشىسى بىلاي دەدى : ا ق ش پارلامەنتىنىڭ قاتىستى مۇشەلەرى شىندىقتى ەلەمەي، اق پەن قارانى شاتاستىرىپ، ورتالىق پەن ەرەكشە اكىمشىلىك رايون ۇكىمەتىن ەشقانداي نەگىزسىز قارالاپ، ۇشقارى زورلىقتى كۇش ەلەمەنتتەرگە قاتە اڭىس بەردى، جۇڭگو بۇعان كۇشتى نارازىلىق بىلدىرەدى جانە باتىل قارسى تۇرادى.


    مالىمدەمەشى بىلاي دەدى: شياڭگاڭداعى ات توبەلىندەي ەرەۋىلشىلەر ۇشقارى زورلىقتى كۇش ارەكەتتەرىن ۇزدىكسىز اسقىندىرىپ، توتەنشە حاۋىپتى جانە راقىمسىز تاسىلدەرمەن ساقشىلارعا كوپ قايتالاي شابۋىل جاساپ، شياڭگاڭدى زاڭمەن باسقارۋدى جانە قوعام ٴتارتىبىن دورەكىلىكپەن اياق استى ەتىپ، قالا تۇرعىندارىنىڭ باس اماندىعىنا اۋىر حاۋىپ ٴتوندىرىپ، شياڭگاڭنىڭ گۇلدەنۋى مەن ورنىقتىلىعىنا اۋىر سايىس جاريالاپ، «ٴبىر ەل، ەكى ٴتۇزىمنىڭ» سوڭعى شەگىنە اۋىر دارەجەدە سوقتىقتى . ا ق ش ٴوز ەلىندە تۋىلعان ساقشىلارعا شابۋىل جاساۋ ارەكەتىنە تيتتەي دە اياۋشىلىق ىستەمەيدى، قاتاڭ جازالايدى، ٴبىراق شياڭگاڭ جونىندە قاساقانا كورسەدە كورمەسكە سالىپ، شياڭگاڭ ساقشىلارىنىڭ قورلاۋعا شىداپ، مادەنيەتتى تۇردە زاڭدى اتقارۋىن ” جانىشتاۋ “ دەپ قارالادى . بۇل تەك ا ق ش-ىنداعى كەيبىر ساياسي الاياقتاردىڭ تاكاپپارلىق جانە سىڭار جاقتىلى كوزقاراستا ەكەندىگىن، جالعان بەينەدە جانە مەيرىمسىز، ءوزىمشىل جانە وزبىر ەكەنىن ٴتىپتى دە انىق كورسەتە الادى.


    مالىمدەمەشى بىلاي دەپ اشىق ايتتى : شياڭگاڭ وتان قۇشاعىنا ورالعان 22 جىلدان بەرى، «ٴبىر ەل، ەكى ٴتۇزىم»، «شياڭگاڭدى شياڭگاڭدىقتار باسقارۋ»، وسكەلەڭ اۆتونوميا شىنايى دايەكتى تياناقتاندىرىلىپ، شياڭگاڭدىق باۋىرلاستار ٴوز ـ وزىنە قوجا بولۋدى شىن مانىندە جۇزەگە اسىرىپ، بۇرىن بولىپ كورمەگەن كەڭ كولەمدى ۇقىق پەن ەركىندىكتەن زاڭ بويىنشا يگىلىكتەندى. شياڭگاڭنىڭ زاڭمەن باسقارۋ كورسەتكىشى 1996-جىلعى 60-ورىننان 2018-جىلى 16-ورىنعا كوتەرىلىپ، ا ق ش-نىڭ قازىرگى كەزدەگى جەر شارىندىق رەتتىك ورنىنان جوعارى بولدى. بولاتتاي بەرىك فاكتتى ا ق ش-نىڭ ساياسي الاياقتارى قارالاعىسى كەلگەنىمەن قارالاي المايدى. ەندەشە، ولاردىڭ اڭساعانى شياڭگاڭدى «زورلىقتى كۇش استاناسىنا» اينالدىرۋ ما؟ سوندا عانا ولار اڭساعان اۆتونوميا مەن بوستاندىق بولا ما ؟


    مالىمدەمەشى مىنالاردى باسا دارىپتەدى: شياڭگاڭ ـ جۇڭگونىڭ شياڭگاڭى، شياڭگاڭ ىستەرى بۇكىلدەي جۇڭگونىڭ ىشكى ىسىنە جاتادى، ٴارقانداي مەملەكەتتىڭ، ۇيىمنىڭ نەمەسە جەكەنىڭ ٴارقانداي تاسىلمەن كيلىگۋىنە جول بەرىلمەيدى. ٴارقانداي ادامدار ٴبىزدىڭ مەملەكەتتىڭ يەلىك ۇقىعىنىڭ حاۋىپسىزدىگىن جانە شياڭگاڭنىڭ گۇلدەنىپ-كوركەيۋى مەن ورنىقتىلىعىن قورعاۋداعى بەرىك بەكىمىمىزدى تومەن مولشەرلەمەۋى، ءبىزدى شەتەلدىڭ كيلىگۋشى كۇشتەرىنىڭ حاۋىپ-قاتەرى مەن قىسىمىنا باس يدىرەمىز دەپ دامەلەنبەۋى كەرەك. ٴبىز ا ق ش-نىڭ قاتىستى ساياسي الاياقتارىن حالىقارالىق زاڭ مەن حالىقارالىق قاتىناستىڭ نەگىزگى ولشەمدەرىنە قاتاڭ بويسۇنۋعا؛ باسىم كوپ ساندى شياڭگاڭدىق قالا تۇرعىندارىنىڭ زورلىقتى كۇشكە قارسى تۇرۋ، زاڭدى قورعاۋ، ساقشى قوسىنىن قولداۋ سىندى ادىلەتتى تالابىنا قۇرمەت ەتۋگە؛ مايداندى دۇرىس تاۋىپ، جاعدايدى جىعا تانىپ، ۇشقارى زورلىقتى كۇش ەلەمەنتتەرىنەن شەكارانى ايقىن ايىرىپ، شياڭگاڭ ىستەرى مەن جۇڭگونىڭ ىشكى ىستەرىنە كيلىگۋىن دەرەۋ توقتاتۋعا قاتاڭ قۋزايمىز.


اۋدارعان: قاناتبەك جۇماباي ۇلى