سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ ا ق ش-تىڭ شياڭگاڭعا ساياتىن ورىنسىز سوزدەرى جونىندە تىلشىلەردىڭ سۇراۋلارىنا جاۋاپ قايتاردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-14 10:38:00

 

    ٴوز حابارىمىز: سىرتقى ىستەر مينيسترلىگىنىڭ مالىمدەمەشىسى حۋا چۇنيىڭ ا ق ش-تىڭ شياڭگاڭعا ساياتىن ورىنسىز سوزدەرى جونىندە تىلشىلەردىڭ سۇراۋلارىنا جاۋاپ قايتاردى. ول بىلاي دەدى: قاتىستى ٴسوز-پىكىرلەرى شىندىققا قايشى، اق پەن قارانى شاتاستىرىپ، سىنىقتان سىلتاۋ تاپقاندىق!


    حۋا چۇنيىڭ بىلاي دەدى: ا ق ش شياڭگاڭدا بولىپ جاتقان زورلىقتى كۇش ۋاقيعالارىنىڭ ا ق ش - پەن قاتىستى ەكەندىگىن قايتا - قايتا تەرىسكە شىعاردى، الايدا ا ق ش-تاعى ٴبىرقانشا پارلامەنت مۇشەسىنىڭ ٴسوز-پىكىرلەرى جۇرتقا جاڭا، پارمەندى دالەل - سىپات كورسەتتى. ولار شىندىقتى مىسە تۇتپاي، اق پەن قارانى شاتاستىرىپ، زورلىقتى كۇش قىلمىستارىن ادامدىق ۇقىق پەن ەركىندىككە قول جەتكىزۋ تالپىنىسى دەپ بەزەندىرىپ، شياڭگاڭ ساقشىلارىنىڭ زاڭ بويىنشا زاڭ اتقارىپ، قىلمىستىلارعا سوققى بەرىپ، قوعام ٴتارتىبىن قورعاۋىن زورلىقتى كۇشپەن جانىشتاۋ دەپ بۇرمالادى. ولار تاعى شياڭگاڭ بۇقاراسىن شياڭگاڭ ەرەكشە اكىمشىلىك رايون ۇكىمەتىمەن جانە جۇڭگو ورتالىق ۇكىمەتىمەن قارسىلاسۋعا جەلىكتىرۋدە، مۇنىسى تىنىشتىقتان گورى بىلىققاندى قالاۋ ەمەي نەمەنە!

    ا ق ش -تا، پارلامەنت مۇشەلەرى زاڭ شىعارۋشىلار دەپ تە اتالادى، ٴبىز ا ق ش-تىڭ وسى پارلامەنت مۇشەلەرىنە: سەندەر زاڭ شىعارۋشىسىڭدارما، جوق الدە زاڭدى بۇلدىرۋشىسىڭدەرمە؟-دەگەن سۇراق قويامىز. سەندەرگە ايتارىمىز، شياڭگاڭ ىستەرى جۇڭگونىڭ ىشكى ىسىنە جاتادى، شياڭگاڭ ىستەرى جايلى بەتالدى كوكيتىن ۇقىعىڭ دا تولىمدىلىعىڭ دا جوق، ٴوز ىستەرىڭدى ٴبىرجايلى ەتىپ ال، شياڭگاڭنىڭ قامىن جەمەي-اق قويىڭدار!

اۋدارعان: امانتاي مۇسايىپ ۇلى