كوپ جاق زاڭسىز جينالىستىڭ شياڭگاڭ اۋەجايىنىڭ قالىپتى اينالىمىنا اۋىر ىقپال جاساعاندىعىن قاتاڭ ايىپتادى
0
2019-08-14 09:41:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

 

    ٴوز حابارىمىز: قىر كورسەتۋشىلەر بىرقانشا كۇننىڭ الدىندا شياڭگاڭ حالىقارالىق اۋەجايىندا زاڭسىز جينالىس وتكىزىپ، ەكونوميكالىق زيان تۋدىرۋمەن بىرگە، شياڭگاڭنىڭ حالىقارالىق وبرازىنا اۋىر نۇقسان كەلتىرىپ،ٴار جاقتاعىلاردىڭ ايىپتاۋىنا ۇشىرادى.


    8-ايدىڭ 12-كۇنى قىرۋار زاڭسىز قىركورسەتۋشىلەر شياڭگاڭ اۋەجايىنا باسىپ كىرىپ، اۋەجايدىڭ قالىپتى اينالىمىنا اۋىر ىقپال جاسادى . شياڭگاڭ اۋەجايىن باسقارۋ مەكەمەسى سول كۇنى تۇستەن كەيىن : سول كۇنگى ۇشۋعا بۇيىرىق قابىلداماعان بارلىق كەزەكشى ۇشاقتاردىڭ تۇگەلدەي كۇشىنەن قالدىرىلعاندىعىن، بۇنىڭ 238 كەزەكشى ۇشاققا جەتكەندىگىن جاريالادى. 13-كۇنى شياڭگاڭ حالىقارالىق اۋەجايىندا كەزەكشى ايروپلاندار قايتا ورنالاستىرىلعان بولسادا كوپتەگەن كەزەكشى ايروپلاندار كۇشىنەن قالدىرىلدى. سول كۇنى تۇستەن كەيىن، زاڭسىز قىركورسەتۋشىلەر شەكارادان شىعۋ جولىن توسقاندىقتان، اۋەجايداعى بارلىق كەزەكشى ۇشاقتاردىڭ ۇشاققا وتىرۋ راسمياتى ۋاقىتشا توقتاتىلدى.

    


    شياڭگاڭداعى كوپتەگەن كاسىپتىك قايراتكەرلەر بىلاي دەپ اتاپ كورسەتتى : شياڭگاڭ حالىقارالىق اۋەجايى دۇنيە جۇزىندەگى جولاۋشى تاسىمال مولشەرى 3 ـ ورىندا تۇراتىن حالىقارالىق اۆياتسيا دانەكەرى بولىپ، 800 مىڭنان ارتىق ادامنىڭ تۇرمىسىن كەپىلدىككە يە ەتەدى، كۇنىنە 200 مىڭعا جۋىق جولاۋشى كىرىپ ـ شىعادى،وسى رەتكى زاڭسىز جينالىس ەكونوميكالىق زيان تۋدىرىپ قالماستان، شياڭگاڭنىڭ وبرازىنا اۋىر نۇقسان جەتكىزدى.


    8-ايدىڭ 12-كۇنى شياڭگاڭ اۆياتسيا سالاسىنىڭ 7 ـ جۇمىسشىلار ۇيىمى بىرلەسپە مالىمدەمە جاريالاپ، قىركورسەتۋشىلەردەن شياڭگاڭ حالىقارالىق اۋەجايىنداعى زاڭسىز ارەكەتتى دەرەۋ توقتاتۋدى، ەرەكشە رايون ۇكىمەتىنىڭ، اۋەجاي باسقارۋ مەكەمەسىنىڭ جانە ساقشى جاقتىڭ قىزمەت ۇقىعىن جۇرگىزۋىن جانە زاڭ اتقارۋ قيمىلىن ورىستەتۋىن، اۋەجاي مەن قوعامنىڭ تىنىشتىعىن تەز ارادا قالپىنا كەلتىرۋدى تالاپ ەتتى.


    زورلىقتى كۇش لاڭكەستەرىنىڭ شياڭگاڭدا بىلىقپالىق تۋدىرعاندىعى شەتەلدەگى جۇڭگولىق مۇھاجىرلار مەن جۇڭگولىقتاردىڭ قاتاڭ ايىپتاۋىنا ۇشىرادى. ولار سويقان شىعارۋشىلاردى قاتاڭ جازالاۋدى، ” ٴبىر ەل، ەكى ٴتۇزىمدى “ قورعاۋدى ۇندەدى. شياڭگاڭنىڭ بىلىقپالىقتان تەزىرەك ارىلىپ، قالىپتى ارناعا ٴتۇسۋىن ٴۇمىت ەتتى.

اۋدارعان: گۇلميرا قوزىقان قىزى

00.jpg
00.jpg
QQ浏览器截图20190813090052.jpg
u=511660692,2814154097&fm=11&gp=0.jpg
QQ浏览器截图20190813083733.jpg