شۋەدۇن مەرەكەسى: دۇنيەنىڭ جوتاسىنداعى سالتاناتتى جاز جىرى
0
2019-09-05 15:21:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :



    تۇرمىسپەن بىتە قايناسقان ادەبيەت-كوركەمونەر، كوركەمونەرمەن بەينەلەنگەن تۇرمىس- سالت


    لحاسا ادامدى باۋرايتىن قالا، وسى قالانىڭ توپىراعىنا تابانىڭىز تيگەننەن الەمەنەن بولەك جان تەبىرەنتەرىلىك تاڭعاجايىپ كورىنىستەرمەن كومكەرىلگەن ورتاسىن، كوشە-كوشەسىن ءبارى–ءبارىنىڭ جىپ-جىلى مەيىرگە تولى ەكەنىن بايقايسىز. جازدىڭ سوڭعى ايلارىنداعى لحاسا قالاسى ءبىر ۇلكەن مەرەكەگە داستارقان جايدى.


    جىلىندا ءبىر وتكىزىلەتىن لحاساداعى ءبىر اپتالىق شۋەدۇن مەرەكەسى 8-ايدىڭ 30-كۇنى مەرەكە شىمىلدىعىن اشتى. «شۋەدۇننىڭ» زاڭزۋ تىلىندەگى ماعىناسىن بىلەسىز بە؟ زاڭزۋ تىلىندە «شۋە» دەگەن ءسوز ايراندى، «دۇن» دەگەن ءسوز ءىشىپ-جەۋ، قوناعاسى بەرۋ دەگەن ماعىنانى بىلدىرەدى. بۇرىن بۇل مەرەكە كىلەڭ ءدنني قيمىل بولاتىن. ءبىراق قازىر بىرتىندەپ ساكياموني سۋرەتى، تيبەت تەاترى، ويىن-ساۋىق، مادەني قيمىلدار ءوزارا ۇشتاسقان ۇلتتىق سالت-سانا مەرەكەسىنە اينالدى.


    شۋەدۇن مەرەكەسىندە قانداي تارتىمدى مازمۇندار بار؟


    3،2،1،....


    قانە، بىزبەن بىرگە وسى قارلى ۇسترتتىڭ ەڭ كوركەم مەزگىلىندەگى كوڭىلدى مەرەكەنى بىرگە تاماشالاڭىز.


    جەربون عيباداتحاناسىنداعى ساكياموني جايما سۋرەتى


    جەربون عيباداتحاناسىنىڭ جالپى كورىنىسى


    جەربون عيباداتحاناسى لحاسا قالاسىنىڭ باتىس ىرگەسىندەگى 10 كيلومەتر جەردەگى گەمپيۋ تاۋىنا ورنالاسقان. تەڭىز دەڭگەيىنەن بيىكتىگى 3800 مەتر كەلەدى. جاڭا ەرانىڭ 1416-جىلى سالىنعان. جەربون عيباداتحاناسى شۋەدۇن مەرەكەسىنىڭ العاشقى كۇنگى سالتى وتكىزىلەتىن ورىن. سول كۇنى لحاسانىڭ 90 پايىز حالىقى مەن ەل ءىشى–سىرتىنان كەلگەن نەشە ون مىڭداعان ساياحاتشىلار وسى اراعا كەلىپ، ساكيامونيدىڭ جايما سۋرەتىن تاماشالادى.


    سۋرەت: تاڭ سارىدە، ساكياموني سۋرەتىن تاماشالاۋ ءۇشىن تاۋعا شىعىپ بارا جاتقان ادامدار لەگى


    تاڭمەن تالاسا سەبەزگىلەگەن جاڭبىر تولاستايىن دەمەيدى، جازدىڭ سوڭعى ايىندا مىنا قارلى ۇستىرتتە جاۋعان جاڭبىر سۇيەكتى سىزداتىپ بارا جاتسادا حالىقتىڭ اياعىنا تۇساۋ بولا المادى. تاۋعا بەتتەگەن توپتىڭ الدى ءتىپتى نەشە كيلومەتر ۇزاققا سوزىلدى. ونىڭ ۇستىنە كوپتەگەن ادامدار جايلى ورىن الىپ، ساكياموني سۋرەتىن تولىق كورۋ ءۇشىن، تاڭعى 4-3 تە جەربون عيباداتحاناسىنا كەلىپ بولعان ەدى.


    ساعات 9 دا، جاڭبىر سايابىرلاپ، كورمە راسىمي باستالدى، لامالار سىرناي سارتىپ، تۇتىن تۇتاتىپ، وراۋلى تاڭكانى (كەزدەمەگە سىزىلعان ساكياموني سۋرەتىن) باستارىنا كوتەرگەن 150 نەشە لاما تاۋعا قاراي بەتتەدى.


    بۇل ۇلكەن تاڭكانىڭ بيىكتىگى 37 مەتر، كەڭدىگى 40 مەتر، سالماعى 3000 كيلوگرام كەلەدى. تاڭكانى بيىك بەتكەيگە قويىپ جوعارىدان تومەنگە قاراي اقىرىن جايعانداعى ايبىندى سۋرەتتى كورسەڭىز ەتتى.


    ساكياموني سۋرەتىن سۋرەتكە الۋشى گلەي


    لوبيلينكا تەاتر ويىنى


    شيزاڭنىڭ لحاسا قالاسىنىڭ باتس ىرگەسىندەگى لوپلينكا 18-عاسىردىڭ 40-جىلدارىندا سالىنعان، تاريحتاعى دالاي لامانىڭ شيانى جويىپ بيلەگەن جەرى، تيبەت ۇلگىسىندەگى باۋ–باقشا.


    ساكياموني سۋرەت كورمەسىن اشۋ سالتى اياقتاعاننان كەيىن، جاڭبىر باسىلىپ، كۇن شايداي اشىلىپ، شۋەدۇن مەرەكەسىندەگى نەگىزگى قيمىل الاڭى لوپلينكاعا كوشىرىلدى، الداعى ءبىر اپتاعا جالعاساتىن شۋەدۇن مەرەكەسى كەزىندە لوپلينكادا ءار كۇنى تيبەت تياترىن قويادى.


    تيبەت تەاترىنداعى ۇلكەن ءبىر ەرەكشەلىك ارتيستەردىڭ بەت قالقاسى، ءىس جۇزىندە بۇل بەت قالقا بەيجيڭ تەاترىندەگى بەت بوياۋىمەن ۇقساپ كەتەدى. ايتسە دە، ۇقساماعان رەڭدەردىڭ ۋاكىلدىك ءمانى ۇقسامايدى. تيبەت تەاترىن زەرتتەۋشىسى ساڭدۇڭنىڭ تانىسترۋىنشا، زاڭزۋ تەاترىندا جاۋىز ادامنىڭ بەت قالقاسى قارا ءتۇستى بولىپ، ول زۇلىمدىققا، قاتىگەزدىككە ۋاكىلدىك ەتەدى؛ ىزگى ادامنىڭ بەت قالقاسى اق ءتۇستى بولادى، ول پاكتىكتىڭ ىزگىلىككە ۋاكىلدىك ەتەدى؛ پاتشانىڭ بەت قالقاسى قىزىل ءتۇستى بولىپ، ول ايبارعا ۋاكىلدىك ەتەدى؛ حانشايىمنىڭ بەت قالقاسى جاشىل ءتۇستى بولىپ، ول سۇلۋلىققا ۋاكىلدىك ەتەدى؛ ال كەگەننىڭ بەت قالقاسى سارى ءتۇستى بولىپ، جاقسىلىققا ۋاكىلدىك ەتەدى...


    تيبەت تەاترىن العاش ەستىگەن كورگەن ىشكى ولكەلىكتەر اڭتارىلىپ قالىستى. ءتىلىن تۇسىنبەيدى، ىرعاعىنا قانىق تا ەمەس، بىردەن ۇيىپ تىڭداي قويۋلارى دا قيىن ەدى. الايدا، زاڭزۋ تەاترىنداعى ۋاقيعا جەلىسىن تۇسىندىرۋ بەينە Rap ۇلگىسىنەن اۋمايتىن، «جۋامۋلۇڭ» اعىمىنداعى جاس تيبەت تەاتر ارتيىسى دان زىڭيشيگەنىڭ تەاتر سوزدەرى تىڭدارمانىن لوپينكا تەاتر ساحناسىنا ەرىكسىز جەتەلەپ اكەلە قويادى.


    تيبەت تەاترىن زەرتتەۋشى وقىمىستى، «ساڭدۇڭعا قوناققا كەلىڭىز» دىڭ نەگىزىن سالۋشى ساڭدۇڭ (سولدا) جانە زاڭزۋ تەارترىنىڭ جاس ارتيسى دان زىڭيشي (وڭدا)


    قالا ماڭى تاماعى: دالادا تاماقتانۋ


    «لين كا» زاڭزۋ تىلىندە«باۋ-باقشا» دەگەن ماعىنادا، مۇندا قالا ماڭىنداعى ورماندا تاماقتانۋ دەگەن ماعىنادا.


    مەرەكەگە كەلگەن لحاسالىقتار ۇيلەرىنەن شىعىپ، ادەمى مەرەكەلىك ءداستورلى كيىمدەرىن كيىپ، تۋىس-تۋعان، دوس-جاراندارىمەن بىرلىكتە 5-3 ادامنان توپتاسىپ، كوگالدا، اعاش ساياسىندا داستارقان جايىپ، ۇيلەرىنەن دايارلاپ كەلگەن بوس اراق، سارى مايلى شاي، تيبەت ۇلگىسىندەگى بال كۇلشە سياقتى ءدامدى قۇزىرلارىن داستارقانعا سالىپ، ازداپ اراق ءىشىپ ەمىن-ەركىن اڭگىمەلەسىپ، قارتا ويناپ، ءبي بيلەپ، ءان سالادى.


    سەنىم، مادەنيەت جانە كوڭىلدەر توعىساتىن وسى مەرەكەدە، ءوزىن جايلى، ۋايىمسىز، تابيعات زاڭدىلىعىمەن جانى دا ءتانى دە ۇندەسىپ، ومىردەن ويداعىداي ءلاززات الا بىلەتىن لحاسالىقتار جازدىڭ شولەن شۇعىلاسىندا ءومىردىڭ ءلاززاتىن مىنە وسىلاي كورۋدە.

 

00.jpg
未标题-1.jpg
未标题-1.jpg
3001.jpg
3000.jpg