ينفورماتسيا اشكەرەلەۋ: mzjubao@cnr.cn

ماڭىزدى حابارلار

ەلىمىزدىڭ لاستانۋدان ساقتانۋ جانە ونى تىزگىندەۋدەن قامال الۋ شايقاسى شەشۋشى ىلگەرىلەۋشىلىككە قول جەتكىزدى

来源:جۇڭگو قازاق راديو تورابى     |责编:古丽美热|     发布日期: 2020-01-14 09:50

 

ٴوز حابارىمىز. 1-ايدىڭ 12-،13-كۇندەرى اشىلعان 2020-جىلعى ەكولوگيالىق ورتانى قورعاۋ قىزمەتى جونىندەگى مەملەكەتتىك ماجىلىستە ەكولوگيالىق ورتا مينيسترلىگىنىڭ قاتىستى جاۋاپتىسى بىلاي دەدى : وتكەن جىلى لاستانۋدان ساقتانۋ جانە ونى تىزگىندەۋدەن قامال الۋ شايقاسىندا شەشۋشى ىلگەرىلەۋشىلىككە قول جەتكىزدىك. ەلىمىزدىڭ ورتا ساپاسى جالپى تۇلعالىق جاقتان جاقساردى، ولشەمگە جەتپەگەن قالالارداعى زالالدى ۇساق تۇيىرشەكتەردىڭ P M 2.5 قويۋلىعى ۇزدىكسىز تومەندەدى.


ەكولوگيالىق ورتا مينيسترلىگىنىڭ ساناعىنا قاراعاندا، وتكەن جىلى بەيجيڭ قالاسىنىڭ اسپانى اشىق سۋى تۇنىق بولىپ P m 2.5 نىڭ جىلدىق ورتاشا قويۋلىعىنىڭ ٴار تەكشە مەتىرى 42 ميكروگرامعا جەتىپ باقىلاپ – تەكسەرۋ ەستەلىگى الىنعاننان بەرگى ەڭ تومەن ورەگە تۇسكەن. قالاداعى لاس سۋلاردى ٴبىر جايلى ەتۋ شارالارى كورنەكتى بولدى. ەكولوگيالىق ورتا مينيسترى لي گانجيە بىلاي دەدى : بۇكىل ەلدەگى ايماق دارەجەلىدەن جوعارى قالالارداعى 2899 لاس سۋ تۇيىنىنىڭ 2513ى تازارتىلدى، چاڭجياڭ وزەنى الابىنا، بوحاي تەڭىزىنە قۇيار اۋزعا جالپى بەتتىك تەكسەرۋ جۇرگىزىلدى. مەملەكەت بويىنشا جاراقسىز قاتتى زاتتاردىڭ ناقتى يمپورت مولشەرى وتكەن جىلدىڭ ۇقساس مەزگىلىندەگىدەن % 40.4 ازايدى.


لي گانجيە بىلاي دەدى : بيىل ەكولوگيالىق ورتا مينيسترلىگى حۋاڭحى وزەنىنىڭ تەڭىزگە قۇيار اۋزىنداعى لاس زاتتاردى ىعىستىرۋ اۋىزىن ٴبىر ـ بىرلەپ تەكسەرىپ رەتكە سالادى، سونىمەن بىرگە بوحاي تەڭىز قاينارىنىڭ لاستانۋىن ىشكەرلەي تازالايدى. لاستانۋدى دالمە ـ ٴدال وڭاۋ، عىلمي جولمەن باسقارۋ، زاڭ بويىنشا باسقارۋدى ەرەكشە كورنەكتىلەندىرەدى. 2020-جىلعى ەكولوگيالىق ورتانى قورعاۋ قىزمەتىنىڭ باستى نىساناسى-لاستانۋدان ساقتانۋ جانە تىزگىندەۋدەن قامال الۋ شايقاسىنىڭ كەزەڭدىك نىساناسىن جۇزەگە اسىرۋعا شىنايى كەپىلدىك ەتۋ، نەگىزگى لاس زاتتاردىڭ شىعارىلۋ جالپى مولشەرىن ۇزدىكسىز ازايتىپ، ورتا حاۋىپ-قاتەرىن ٴونىمدى تىزگىندەپ باسقارۋ، سونداي ـ اق ورتا ساپاسىن ۇزدىكسىز جاقسارتىپ ناشارلاۋىنا جول بەرمەۋ بولىپ تابىلادى.

 



اۋدارعان: كۇلان ىرىسباي قىزى

中央广播电视总台 央广网 版权所有

ەلىمىزدىڭ لاستانۋدان ساقتانۋ جانە ونى تىزگىندەۋدەن قامال الۋ شايقاسى شەشۋشى ىلگەرىلەۋشىلىككە قول جەتكىزدى

مەملەكەت بويىنشا جاراقسىز قاتتى زاتتاردىڭ ناقتى يمپورت مولشەرى وتكەن جىلدىڭ ۇقساس مەزگىلىندەگىدەن % 40.4 ازايدى.