ينفورماتسيا اشكەرەلەۋ: mzjubao@cnr.cn

ماڭىزدى حابارلار

جەر-جەر ءتۇرلى شارانى قاتار قولدانىپ، جۇمىستى، ءوندىرىستى قالپىنا كەلتىرۋدى تەزدەتتى

来源:جۇڭگو قازاق راديو تورابى     |责编:古丽美热|     发布日期: 2020-03-25 16:54

 

ورتالىق تەلەۆيزياسىنىڭ حابارى. بىرنەشە كۇننەن بەرى جەر-جەرلەر ءتۇرلى شارانى قاتار قولدانىپ، ساياساتتىق توعىسپالى شارالار شىعارىپ، كاسىپورىنداردىڭ جۇمىسىن، ءوندىرىسىن قالپىنا كەلتىرۋىن جەدەل ىلگەرىلەتتى.

ەكى كۇننەن بەرى، انحۇيدىڭ حىفەي قالاسىندا جيىنى 20 ميليارد 30 ميلليون يۋان قارجى قوسىلعان 30 نىسانعا شوعىرلى توقتام جاسالىپ، جۇمىس باستادى. ٴىرى ساندى مالىمەت، جاساندى زەيىن، ونەركاسىپ ينتەرنەتى، زات توراپ تەحنيكاسى قاتارلى كوپتەگەن سالالاردا جۇمىس باستالدى. شاڭحاي مەملەكەت دارەجەلى ەرەكشە ماشينا ادام عىلىم-تەحنيكادا جاڭالىق اشۋ ورتالىعى قاتارلى ٴبىر توپ نىساندارعا دا وسى 2 كۇندە شوعىرلى توقتام جاسالدى، جالپى سوماسى 30 ميلليارد يۋاننان استى.

فۋجيان ولكەسىنىڭ فۋچيڭ قالاسى كاسىپ تىزبەگىنە قاتىستى كاسىپورىنداردىڭ تىزىمدىگىن رەتتەپ، كاسىپ تىزبەگىندەگى كاسىپورىنداردىڭ جۇمىستى، ٴوندىرىستى قالپىنا كەلتىرۋىن الدىمەن ورنالاستىرىپ، كاسىپ تىزبەگىندەگى كوشباسى كاسىپورىنداردىڭ جەتەكشىلىك رولىن ساۋلەلەندىرۋىنە دەم بەرىپ، جوعارى، تومەنگى جەلىدەگى كاسىپورىندارمەن بىرگە قيىنشىلىقتارعا توتەپ بەردى.

گۋاڭدۇڭ ولكەسىنىڭ دۇڭگۋان قالاسى ونەركاسىپ ينتەرنەت تەكشەسىنەن بەلسەنە پايدالانىپ، كاسىپورىنداردىڭ ٴوندىرىستى قالپىنا كەلتىرۋىنە، ونىمدىلىگىن جوعارىلاتۋىنا دەم بەرىپ، كاسىپورىنداردىڭ بۇلتتىق ەسەپتەۋ، ٴىرى ساندى مالىمەت قاتارلى جاڭا بۋىن ينفورماتسيا تەحنيكاسىنان پايدالانىپ قىزمەت ورىستەتۋىن قولدادى.

شاندۇڭ ولكەسىنىڭ جينان قالاسى اكىمشىلىك تەكسەرىپ بەكىتۋ تاراۋلارى كاسىپورىنداردىڭ سەنىمدىلىگىن «كەم-كەتىگىن قابىلداۋ» نەگىزىندە تەكسەرىپ، شارتقا ۇيلەسەتىندەرىن ءبىر جاعىنان ماتەريال تولىقتاپ، ءبىر جاعىنان ءبىتىرۋ ۋاقىتىن بارىنشا ۇنەمدەپ، كاسىپورىنداردىڭ ءىس ءبىتىرۋ ونىمدىلىگىن بارىنشا جوعارىلاتتى.

جەر-جەردىڭ اس-سۋ كاسىبى دە ۇزدىكسىز جاقساردى. جۇقپالى اۋرۋدان ساقتانۋ جانە تىزگىندەۋ قىزمەتىن ويداعىداي ىستەۋ العى شارتىندا، حىبەي، سانشي، حاينان قاتارلى جەرلەر اس-سۋ كاسىپورىندارىنىڭ تيجاراتىن قالپىنا كەلتىرۋدى جانە اسحانالاردى اشۋدى تارتىپپەن ىلگەرىلەتتى.


اۋدارعان: كۇلان ىرىسباي قىزى 

中央广播电视总台 央广网 版权所有

جەر-جەر ءتۇرلى شارانى قاتار قولدانىپ، جۇمىستى، ءوندىرىستى قالپىنا كەلتىرۋدى تەزدەتتى

جەر-جەردىڭ اس-سۋ كاسىبى دە ۇزدىكسىز جاقساردى