ينفورماتسيا اشكەرەلەۋ: mzjubao@cnr.cn

ماڭىزدى حابارلار

جەر-جەر دالمە-ٴدال شارا قولدانىپ، جۇمىستى، ٴوندىرىستى قالپىنا كەلتىرۋ مولشەرىن جوعارىلاتتى

来源:جۇڭگو قازاق راديو تورابى     |责编:古丽美热|     发布日期: 2020-03-26 10:33

 

ءوز حابارىمىز. بىرنەشە كۇننەن بەرى، جەر-جەر دالمە-ٴدال شارا قولدانىپ، «بوگەلۋ ٴتۇيىنىن» اشىپ، «ٴۇزىلىستى» تولىقتاپ، كاسىپورىندار مەن ٴىسورىنداردىڭ جۇمىسىن، ٴوندىرىسىن قالپىنا كەلتىرۋدى جەدەل ىلگەرىلەتتى.

حۋبەيدىڭ تەمىر جول قۇرىلىسى ٴتارتىپتى تۇردە قايتا سالىنىپ، ٴوندىرىس قالپىنا كەلتىرىلدى. جۇڭتيە 4-شيپاحاناسىنىڭ العاشقى توپتاعى 600 دەن استام قىزمەتكەرى قىزمەت ورنىنا قايتىپ قىزمەتكە شىقتى.

قازىر حۋبەي ولكەسىندە سالىنىپ جاتقان جىڭۋان جوعارى قارقىندى تەمىر جولى، حى-ان-جيۋ جوعارى قارقىندى تەمىر جولى قۇرىلىسى قالپىنا كەلدى، چاڭجياڭ جاعالاۋىنداعى جوعارى قارقىندى تەمىر جول نىسانى دا جەلى بويىنداعى قالا جەلىسى جوباسىن كەمەلدەندىرىپ، تەز ارادا قۇرىلىس باستايدى.

انحۇي ولكەسى قاتىستى ساياساتتاردى شىعارىپ، جۇمىسقا ورنالاستىرۋ ارقىلى كەدەيلەردى سۇيەمەلدەۋ سەحىنىڭ جۇمىسىن، ٴوندىرىسىن قالپىنا كەلتىرۋدى الدىمەن ىلگەرىلەتتى. ولكەلىك ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىستانۋدى جەبەۋ جانە جۇمىسسىزداردى قامسىزداندىرۋ باسقارماسىنىڭ باستىعى لۇي چۋان بىلاي دەپ تانىستىردى: 3-ايدىڭ سوڭىنا دەيىن وندىرىسكە قايتادان ورالعاندارعا 300 يۋاندىق ولشەم بويىنشا سيلىق اقشا بەرىلەدى، جاڭادان كاسىپتەنگەندەردىڭ ارحيۆ تۇرعىزىلىپ، كارتچكا بەرىلگەن كەدەي وتباسىلارىن قابىلداۋ ولشەمى ٴاربىر ادامعا 2000 يۋانعا جوعارىلاتىلىپ، كەدەيلەردى سۇيەمەلدەۋ سەحىنىڭ ەرتەرەك قالپىنا كەلۋىنە قولداۋ كورسەتىلەدى.

حايكوۋداعى بينليان كەشكى بازارى قىزا ءتۇستى. قالا تۇرعىندارى دەنە تەمپەراتۋراسىن تەكسەرتكەننەن كەيىن ەمىن ەركىن قىرادى. بازار باسقارۋشىلار كەشكى بازاردى ەكى رەت جاپپاي دەزينفەكسيالايدى. قىزمەتكەر ليۋ يۇيميڭ بىلاي دەدى: كەشكى بازاردىڭ قالپىنا كەلۋ مولشەرى قازىر % 70- 60 كە جەتتى، ٴبىز ساۋداگەرلەردىڭ ماي اقىسى مەن تازالىق اقىسىن ٴبىر اي كەشىرىم ەتەمىز.

قازىر حايكوۋدا 7 كەشكى بازار، 15 مىڭ اسحانا قالپىنا كەلدى، حاۋىپ ـ قاتەرى تومەن رايوندارداعى اس ـ سۋ كاسىبىنىڭ قالپىنا كەلۋ مولشەرى 90% كە جەتتى.


اۋدارعان: شالقار قازەز ۇلى

中央广播电视总台 央广网 版权所有

جەر-جەر دالمە-ٴدال شارا قولدانىپ، جۇمىستى، ٴوندىرىستى قالپىنا كەلتىرۋ مولشەرىن جوعارىلاتتى

قازىر حايكوۋدا 7 كەشكى بازار، 15 مىڭ اسحانا قالپىنا كەلدى، حاۋىپ ـ قاتەرى تومەن رايوندارداعى اس ـ سۋ كاسىبىنىڭ قالپىنا كەلۋ مولشەرى 90% كە جەتتى