ينفورماتسيا اشكەرەلەۋ: mzjubao@cnr.cn

ماڭىزدى حابارلار

13 ـ كەزەكتى مەملەكەتتىك حالىق قۇرىلتايىنىڭ 3 ـ ءماجىلىسى دايىندىق ءماجىلىسىن وتكىزدى

来源:جۇڭگو قازاق راديو تورابى     |责编:达吾力别克 |     发布日期: 2020-05-22 11:09

ءوز حابارىمىز. 13 ـ كەزەكتى مەملەكەتتىك حالىق قۇرىلتايىنىڭ 3 ـ ءماجىلىسى 5-ايدىڭ 21-كۇنى كەشتە حالىق سارايىندا دايىندىق ءماجىلىسىن وتكىزدى، ماجىلىستە 13-كەزەكتى مەملەكەتتىك حالىق قۇرىلتايى 3-ءماجىلىسىنىڭ ءتورالقاسى مەن باس حاتشىسى سايلاندى، 13 -كەزەكتى مەملەكەتتىك حالىق قۇرىلتايىنىڭ 3-ءماجىلىسىنىڭ كەڭەس ءتارتىبى داۋىسقا سالىپ ماقۇلداندى.


مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ ءماجىلىستى باسقاردى. 13-كەزەكتى مەملەكەتتىك حالىق قۇرىلتايىنىڭ قازىرگى بار ۋاكىلى 2956 ادام. 5-ايدىڭ 20-كۇنىنە دەيىن قۇرىلتايدىڭ حاتشىلار باسقارماسىنا 2902 ۋاكىل تىزىمدەلدى. 5-ايدىڭ 21-كۇنگى دايىندىق ماجىلىسكە 2889 ادام قاتىناستى، 67 ادام قاتىناسپادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.


لي جانشۋ: 13-كەزەكتى مەملەكەتتىك حالىق قۇرىلتايى 3-ءماجىلىسىنىڭ 2020-جىلى 5-ايدىڭ 22-كۇنى اشىلاتىندىعىن، قۇرىلتايدىڭ ءتۇرلى دايىندىق قىزمەتتەرىنىڭ تولىق ورىندالىپ بولعاندىعىن جاريالادى.


لي جانشۋ مىنالاردى اتاپ كورسەتتى: 13-كەزەكتى مەملەكەتتىك حالىق قۇرىلتايى 3-ءماجىلىسىنىڭ جەتەكشى يدەياسى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايىنىڭ جانە پارتيا 19-كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتى تياناقتاندىرۋ، ” ءتورت تانىم “ دى كۇشەيتىپ، ” ءتورت سەنىم “ دى بەكەمدەپ، ” ەكىنى قورعاۋ “ دى ورىنداپ، پارتيا باسشىلىعىنىڭ، حالىقتىڭ وزىنە ـ ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتىپ، نەگىزگى زاڭ مەن زاڭداردا جۇكتەلگەن مىندەتتەردى مۇقيات اتقارىپ، قۇرىلتايدىڭ ءتۇرلى مىندەتتەرىن ءساتتى ورىنداپ، ءماجىلىستى دەموكراتيالى، ىنتىماقتى، شىندىققا جۇگىنگەن، ەكپىندەي ىلگەرىلەگەن قۇرىلتاي ەتىپ اشىپ، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسۋعا اتتانىسقا كەلتىرىپ جانە جۇدىرىقتاي جۇمىلىپ، ءورىس اشا العا ىلگەرىلەپ، قىزمەتتى تىڭعىلىقتى ىستەپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋ نىسانالىق مىندەتىن ورىنداۋعا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋعا، «قوس 100 جىلدىق » كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋ.


دايىندىق ماجىلىستە داۋىسقا سالۋ ارقىلى 13-كەزەكتى مەملەكەتتىك حالىق قۇرىلتايى 3-ءماجىلىسىنىڭ ءتورالقاسى جانە باس حاتشىسى سايلاندى. ءماجىلىس ءتورالقاسى 174 ادامنان قۇرالادى، ۋاڭ چىن ءماجىلىستىڭ باس حاتشىسى بولدى.


داۋىسقا سالىپ ماقۇلداۋ بويىنشا، 13-كەزەكتى مەملەكەتتىك حالىق قۇرىلتايىنىڭ 3 -ماجىلىسىندە ۇكىمەت قىزمەتىنەن بايانداماسى قارالادى، 2019-جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى مەن 2020-جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداماسى، 2020-جىلعى حالىق شارۋاشىلىعى مەن قوعامدىق دامۋ جوسپارىنىڭ جوباسى، ورتالىق پەن جەرگىلىكتى ورىنداردىڭ 2019-جىلعى مەجە ەسەبىنىڭ اتقارىلۋ احۋالى جانە ورتالىق پەن جەرگىلىكتى ورىنداردىڭ 2020-جىلعى مەجە ەسەبى جوباسى جونىندەگى بايانداماسى، ورتالىق پەن جەرگىلىكتى ورىنداردىڭ 2020-جىلعى مەجە ەسەبى جوباسى تەكسەرىلەدى. مەملەكەتتىك حالىق قۇرىلتايى تۇراقتى كوميتەتىنىڭ ازاماتتىق زاڭناما جوباسىن قاراۋعا ۇسىنۋ جونىندەگى كەڭەس جوباسى قارالادى. مەملەكەتتىك حالىق قۇرىلتايى تۇراقتى كوميتەتىنىڭ قاراۋعا ۇسىنىلاتىن مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭ-ءتۇزىمى مەن اتقارۋ مەحانيزمىن ورناتۋ جانە كەمەلدەندىرۋ جونىندەگى قاۋلى جوباسى جايلى كەڭەس جوباسى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى قارالادى. ەڭ جوعارى حالىق سوت مەكەمەسىنىڭ قىزمەت بايانداماسى، ەڭ جوعارى حالىق پروكۋراتۋراسىنىڭ قىزمەت بايانداماسى قارالادى.


ءماجىلىس باستالعان كەزدە لي جانشۋ بىلاي دەدى: 5 ـ ايدىڭ 20 ـ كۇنى كەشتە مەملەكەتتىك حالىق قۇرىلتايىنىڭ ۋاكىلى ۋان ۋيشيڭ اۋرۋ سەبەبىنەن ەمدەۋ ءونىم بەرمەي قايتىس بولدى. ءبىز قۇرىلتاي اتىنان ۋان ۋيشيڭ ۋاكىلدىڭ باقىتقا قارسى قايتىس بولعاندىعىنا ازا بىلدىرەمىز.


مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارىنان: ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا قاتارلىلار ماجىلىسكە قاتىناستى، باس حاتشى ياڭ جىڭۋ ماجىلىسكە قاتىناستى.


اۋدارعان: نازار ءارىپ ۇلى

中央广播电视总台 央广网 版权所有

13 ـ كەزەكتى مەملەكەتتىك حالىق قۇرىلتايىنىڭ 3 ـ ءماجىلىسى دايىندىق ءماجىلىسىن وتكىزدى

13 ـ كەزەكتى مەملەكەتتىك حالىق قۇرىلتايىنىڭ 3 ـ ءماجىلىسى 5-ايدىڭ 21-كۇنى كەشتە حالىق سارايىندا دايىندىق ءماجىلىسىن وتكىزدى، ماجىلىستە 13-كەزەكتى مەملەكەتتىك حالىق قۇرىلتايى 3-ءماجىلىسىنىڭ ءتورالقاسى مەن باس حاتشىسى سايلاندى، 13 -كەزەكتى مەملەكەتتىك حالىق قۇرىلتايىنىڭ 3-ءماجىلىسىنىڭ كەڭەس ءتارتىبى داۋىسقا سالىپ ماقۇلداندى.