ينفورماتسيا اشكەرەلەۋ: mzjubao@cnr.cn

ماڭىزدى حابارلار

ورتالىق راديو ـ تەلەۆيزيا باس ستانسياسى از ۇلت تىلىندەگى باعدارلاماسى اشىلعاندىعىنىڭ 70 جىلدىعىن قۇتتىقتاۋ اڭگىمە ءماجىلىسى وتكىزىلدى

来源:جۇڭگو قازاق راديو تورابى     |责编:达吾力别克 |     发布日期: 2020-05-23 10:49

 

ورتالىق راديو ـ تەلەۆيزيا باس ستانسياسىنىڭ از ۇلت تىلىندەگى باعدارلاماسى اشىلعاندىعىنىڭ 70 جىلدىعىن قۇتتىقتاۋ اڭگىمە ءماجىلىسى 5-ايدىڭ 22-كۇنى بەيجيڭدە وتكىزىلدى.

 

1950-جىلى 5-ايدىڭ 22-كۇنى ورتالىق حالىق راديو ستانسياسىنىڭ زاڭزۋ ءتىلى باعدارلاماسى اشىلۋىمەن جاڭا جۇڭگونىڭ از ۇلت تىلىندەگى ۇگىت ىستەرى باستالعاننان قازىرگە دەيىن داڭقتى 70 جىلدىق بارىستى باستان وتكەرىپ، قازىر موڭعۇل، زاڭزۋ، ۇيعۇر، قازاق، چاۋشيان قاتارلى كوپتەگەن از ۇلت تىلىندە، راديو، جاڭا مەديا قاتارلى كوپتەگەن تەكشەلەردە از ۇلت تىلىندە باعدارلاما تاراتۋ جۇيەسى قالىپتاستى.

 

70 جىلدان بەرى، تالاي ۇرپاق از ۇلت ءتىلى باعدارلاما قىزمەتكەرلەرى پارتيا مەن حالىققا دەگەن كوكىرەك كەرنەگەن ادالدىق سەزىممەن، از ۇلت بۇقاراسىنا دەگەن كوكىرەك تولى تەرەڭ سۇيىسپەنشىلىكپەن، از ۇلت تىلىندەگى باعدارلامالاردى دەن قويا جاساپ، پارتيانىڭ ءۇنىن وتانىمىزدىڭ بايتاق دالاسىنا، از ۇلت بۇقاراسىنا جەتكىزىپ، شەكارانىڭ ورنىقتىلىعىن، ۇلتتار ىنتىماعىن جانە ۇلتتىق رايونداردىڭ دامۋىن جەبەۋگە ماڭىزدى ۇلەس قوستى. تاياۋ جىلداردان بەرى، ورتالىق راديو ـ تەلەۆيزيا باس ستانسياسى بايلىق قاينارى شوعىرلانعان بولۋداي ابزالدىلىقتان، مەديالاردى توعىستىرا دامىتۋ ابزالدىلىعىنان تولىق پايدالانىپ، از ۇلت تىلىندەگى باعدارلامالاردىڭ شي جينپيڭنىڭ جاڭا داۋىردەگى جۇڭگوشا سوتسياليزىم يدەياسىن بار كۇشپەن ۇگىتتەۋىن، جاڭا داۋىردەگى جۇڭگو حيكاياسىن دەن قويا اسەرلى بايانداۋىن،ءار ۇلت حالقىنىڭ ىنتىماقتاسا كۇرەس جاساپ، تاماشا تۇرمىسقا تالپىنۋ حيكايالارىن ويداعىداي بايانداۋىن ىلگەرىلەتتى.

 

ورتالىق ۇگىت ءبولىمىنىڭ ورىنباسار باستىعى، ورتالىق راديو ـ تەلەۆيزيا باس ستانسياسىنىڭ باستىعى، باس رەداكتورى شىن حايشيۇڭ اڭگىمە ماجىلىسكە قاتىناستى ءارى ءسوز سويلەدى. 

 

ول بىلاي دەپ باسا دارىپتەدى: باس شۋجي شي جينپيڭنىڭ ۇلت قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، تەرەڭ ءتۇسىنىپ، باسشى جولداستىڭ تالابى بويىنشا،شي جينپيڭنىڭ جاڭا داۋىردەگى جۇڭگوشا سوتسياليزىم يدەياسىن ۇگىتتەۋ-ءتۇسىندىرۋدى ۇزدىكسىز ىشكەرىلەتۋ؛ ۇگىت ـ حابارلارىمىز ارقىلى ۇلتتاردىڭ اناردىڭ دانىندەي تىعىز ىنتىماعىن جەبەپ، ىنتىماقتاسا ورتاق كۇرەس جاساۋىن،ورتاق كوركەيىپ دامۋىن جەبەپ، كەدەيلىكتەن قۇتىلدىرۋدان قامال الۋ شەشۋشى شايقاسىنىڭ نىسانا مىندەتتەرىن ورىنداۋدىڭ، دوڭگەلەك داۋلەتتى قوعامدى جالپى بەتتىك قۇرىپ شىعۋدىڭ ارقاۋ جىرىن اسقاقتاتا شىرقاۋ؛ساياسيدا سەنىمدى، كاسىپكە ىسىلعان، ءىستىلى بەكەم، ءتارتىبى ايقىن قاتاڭ بولعان از ۇلتتار ءتىلى ۇگىت قوسىنىن قۇلشىنا جەتىلدىرۋ جانە قۇرىپ شىعۋ كەرەك.

 

اڭگىمە ماجىلىستە از ۇلت ءتىلى باعدارلاما ورتالىعى زاڭزۋ ءتىلى باعدارلاماسىنىڭ جاس ۋاكىلى، ۇيعۇر ءتىلى باعدارلاماسىنداعى ساقا قىزمەتكەرلەردىڭ ۋاكىلى ارت ارتىنان سوزگە شىقتى، ولار بىلاي دەدى: باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، از ۇلتتار ءتىلى ۇگىت قىزمەتىنىڭ ماڭىزدىلىعىن تەرەڭ تانىپ جەتىپ، از ۇلت جۇرتشىلىق پىكىرى ۇگىتىنىڭ نەگىزگى بازاسىندا بەرىك تۇرىپ،وزەكتى توڭىرەكتەپ،جالپى جاعدايعا قىزمەت ەتىپ،نەگىزگى ىرعاقتى اسقاقتاتا شىرقاپ، وڭ ەنەرگيا تاراتىپ، باس ستانسيانى قۇدىرەتتى جەتەكشىلىك قۋاتقا، تاراتىلىم قۋاتىنا، ىقپال كۇشكە يە حالىقارالىق ۇزدىك جاڭاشا ۇلگىدەگى نەگىزگى اعىم مەدياسى ەتىپ قۇرىپ شىعۋعا ۇلەس قوسامىز.

 

اڭگىمە ءماجىلىستى ورتالىق راديو ـ تەلەۆيزيا باس ستانسياسىنىڭ ورىنباسار باستىعى جياڭ شي ـ ۋي باسقاردى. باس ستانسيانىڭ رەداكسيا ىستەر ءماجىلىسىنىڭ مۇشەلەرى جانە قاتىستى ىستانسيا باسشىلارى، باس ستانسيانىڭ قاتىستى تاراۋلارىنداعى جاۋاپتى جولداستار، از ۇلت ءتىلى باعدارلاما ورتالىعىنداعى كادر-قىزمەتكەرلەر، سونداي-اق ساقا جولداستاردىڭ ۋاكىلدەرىنەن 70 ادام قاتىناستى. 

 

اۋدارعان: قاناتبەك جۇماباي ۇلى

 

 

ورتالىق راديو ـ تەلەۆيزيا باس ستانسياسى از ۇلت تىلىندەگى باعدارلاماسى اشىلعاندىعىنىڭ 70 جىلدىعىن قۇتتىقتاۋ اڭگىمە ءماجىلىسى وتكىزىلدى

中央广播电视总台 央广网 版权所有

ورتالىق راديو ـ تەلەۆيزيا باس ستانسياسى از ۇلت تىلىندەگى باعدارلاماسى اشىلعاندىعىنىڭ 70 جىلدىعىن قۇتتىقتاۋ اڭگىمە ءماجىلىسى وتكىزىلدى

ورتالىق راديو ـ تەلەۆيزيا باس ستانسياسىنىڭ از ۇلت تىلىندەگى باعدارلاماسى اشىلعاندىعىنىڭ 70 جىلدىعىن قۇتتىقتاۋ اڭگىمە ءماجىلىسى 5-ايدىڭ 22-كۇنى بەيجيڭدە وتكىزىلدى.