ينفورماتسيا اشكەرەلەۋ: mzjubao@cnr.cn

ماڭىزدى حابارلار

ورتالىقتىڭ ۇگىت-لەكسيا ۇيىرمەسى جەر-جەردە پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇگىتتەدى

来源:جۇڭگو قازاق راديو تورابى     |责编:达吾力别克 |     发布日期: 2020-11-21 18:02

ءوز حابارىمىز. بىرنەشە كۇننەن بەرى، ورتالىقتىڭ ۇگىت-لەكسيا ۇيىرمەسىنىڭ مۇشەلەرى حۋنان، شاندۇڭ، گۋاڭشي قاتارلى جەرلەرگە بارىپ، پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ءتۇسىندىرىپ، ۇگىت-لەكسيا جاسادى. ءارى نەگىزگى ساتىداعى كادر، بۇقارامەن اۋىس-كۇيىس ورىستەتتى.


ورتالىق ۇگىت-لەكسيا ۇيىرمەسىنىڭ مۇشەسى، قازىنا مينيسترى ليۋ كۇن جاقىندا حۋنان ولكەسىنىڭ چاڭشا قالاسىندا ۇگىت-لەكسيا بايانداماسىن جاسادى. ول ەلىمىزدىڭ جاڭا دامۋ كەزەڭىنە ءوتۋىنىڭ كەلەلى ءمانىن، ءتيىمدى شارت-جاعدايىن جانە ماڭىزدى ەرەكشەلىگىن تەرەڭ تانۋ جونىندە توقتالىپ، جالپى ءماجىلىستىڭ رۋحىن ءتۇسىندىردى. ءارى جوعارى مەكتەپتەرگە، مادەنيەت جاسامپازدىعى كاسىپ باقشاسىنا بارىپ، كادر بۇقارامەن اڭگىمەلەستى.


شاندۇڭدا ورتالىق ۇگىت-لەكسيا ۇيىرمەسىنىڭ مۇشەسى، جاراتىلىستىق بايلىق مينيسترلىگىنىڭ مينيسترى لۋ حاۋ جالپى ءماجىلىستىڭ ءمانىن، 2035-جىلعا دەيىنگى بولاشاقتىق نىسانانى جانە » 14-بەسجىلدىق « كەزىندەگى باستى نىسانا-مىندەتتەردى ارقاۋ ەتە وتىرىپ، جالپى ءماجىلىستىڭ رۋحىن ءتۇسىندىردى. شاندۇڭنىڭ جەر-جەرىنەن 30 مىڭنان استام ادام نەگىزگى ءماجىلىس الاڭىندا جانە بولىمشە ءماجىلىس الاڭىندا ۇگىت-لەكسيا بايانداماسىن تىڭدادى. ۇگىت-لەكسيا كەزىندە لۋ حاۋ دىجوۋ قالاسىنىڭ اۋىل-قىستاقتارىنا، الەۋمەتتىك اۋماقتارىنا بارىپ، ەگىستىك جەردى قورعاۋ، قىستاق جوباسى، اۋىل-قىستاق قۇرىلىسىنا جەر پايدالانۋ سياقتى ماسەلەلەر جونىندە نەگىزگى ساتىداعى كادر بۇقارامەن پىكىر اۋىستىردى.


ورتالىق ۇگىت-لەكسيا ۇيىرمەسىنىڭ مۇشەسى، ەكولوگيالىق ورتا مينيسترلىگى پارتگرۋپپاسىنىڭ شۋجيى سۇن جينلۇڭ تاياۋدا گۋاڭشيدىڭ ناننيڭ قالاسىندا ۇگىت-لەكسيا بايانداماسىن جاسادى. ماجىلىستەن كەيىن، ول گۋاڭشيدىڭ بەي بۋ ۋان حالىقارالىق پورت ىستەرى توبىنا بارىپ، جالپى ءماجىلىستىڭ رۋحىن ۇيرەنۋ، دايەكتىلەندىرۋ جونىندە كوپشىلىكپەن پىكىر اۋىستىردى.


اۋدارعان: شالقار قازەز ۇلى

中央广播电视总台 央广网 版权所有

ورتالىقتىڭ ۇگىت-لەكسيا ۇيىرمەسى جەر-جەردە پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇگىتتەدى

بىرنەشە كۇننەن بەرى، ورتالىقتىڭ ۇگىت-لەكسيا ۇيىرمەسىنىڭ مۇشەلەرى حۋنان، شاندۇڭ، گۋاڭشي قاتارلى جەرلەرگە بارىپ، پارتيا 19-كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ءتۇسىندىرىپ، ۇگىت-لەكسيا جاسادى. ءارى نەگىزگى ساتىداعى كادر، بۇقارامەن اۋىس-كۇيىس ورىستەتتى.