حيلۇڭجياڭ، سانشي، بەيجيڭ، لياۋنيڭ جەرلەرى ىندەتتەن ساقتانۋ-تىزگىندەۋ احۋالىن حابارلادى
ٴوز حابارىمىز. حيلۇڭجياڭ ولكەسىنىڭ سۋي حۋا قالاسى وسى ايدىڭ 11-كۇنى كەشتە مىنانى حابارلادى: وسى ايدىڭ 11-كۇنى ساعات 20 عا دەيىن سۋيحۋا قالاسىندا اۋرۋ بەلگىسى جوق جۇعىمدالۋشىلاردان 26 ادام جاڭادان بايقالدى، وسى ادامدار تەگىس ۋاڭ كۋي اۋدانى حۋيچي قالاشىعى حۋيچي قىستاعىنىڭ تۇرعىندارى. وسى جەردە قازىر اۋرۋ بەلگىسى جوق جۇعىمدالۋشىلاردان 45 ادام، دياگنوزى تۇراقتاندىرىلعان 1 ادام بار. ۋاڭ كۋي اۋدانى قازىر تۇيىقتالىپ، بارلىق شاعىن رايون، قىستاق، مالىلەرى جابىق باسقارىلۋدا.
سانشي ولكەسىنىڭ جين جۇڭ قالاسى وسى ايدىڭ 11-كۇنى كەشتە مىنانى جاريالادى: جين جۇڭ قالاسىنىڭ يۇي سى رايونىندا وسى كۇنى حىبەيدەن بارعان 2 ادامنىڭ نۋكلەين قىشقىلى تەكسەرىلىپ، ناتيجەلەرى بولىمدى بولىپ شىققان. جەرلىكتەگىلەر وسى 2 ادام مايعا العان تۇرعىن ٴۇي مەن تۇرعىن ٴۇي قاراستى گاۋ سۇن قىستاعى سياقتى ٴتۇيىندى رايوندى جابىق باسقاردى ٴارى بارلىق ادامنىڭ نۋكلەين قىشقىلىن تەكسەرە باستادى.
بەيجيڭ قالاسى وسى ايدىڭ 11-كۇنى مىنانى حابارلادى: وسى ايدىڭ 9-، 10-كۇندەرى بەيجيڭ قالاسىندا دياگنوزى تۇراقتاندىرىلعان 2 ناۋقاس پەن اۋرۋ بەلگىسى جوق 5 جۇعىمدالۋشى مالىمدەلدى، وسى ادامدار ٴبىر ٴۇيلى جاندار. باستاپقى تۇجىرىمعا قاراعاندا، بۇل ادامداردىڭ جۇعىمدالۋى بەيجيڭنىڭ شۋن ي رايونىنداعى ٴىشىنارا جەرلەردە شوعىرلى جۇعىمدالۋ جايىتىمەن قاتىستى، جۇعىمدالۋ قاينارى ٴبىر بولۋ مۇمكىندىگى زور.
لياۋنيڭ ولكەسىنىڭ شىنياڭ قالاسى وسى ايدىڭ 11-كۇنى مىنانى حابارلادى: 1-ايدىڭ 10-كۇنى ساعات 12 دەن 1-ايدىڭ 11-كۇنى ساعات 12 گە دەيىن، شىنياڭ قالاسىندا جاڭادان 2 ادامنىڭ دياگنوزى تۇراقتاندىرىلدى.
اۋدارعان: امانتاي مۇسايىپ ۇلى
