ٴماجىلىس باس شۋجي شي جينپيڭنىڭ جۋىردا حالىق ساياسي كەڭەس قىزمەتى جونىندە بەرگەن ماڭىزدى نۇسقا رۋحىن جەتكىزدى جانە ۇيرەندى. ۋاڭ ياڭ بىلاي دەدى: سوتسياليستىك وسىزاماندانعان مەملەكەتتى جالپى بەتتىك قۇرۋدىڭ باستاپقى جىلىندا، باس شۋجي شي جينپيڭ ساياسي كەڭەس قىزمەتى جونىندە ٴبىر سىپىرا ماڭىزدى ٴسوز سويلەپ، حالىق ساياسي كەڭەسىنىڭ «14-بەسجىلدىق» مەزگىلدەگى جانە بۇدان كەيىنگى ٴتۇرلى قىزمەتتەردى ونان ارى جاقسى ىستەۋگە عىلمي جەتەكشىلىك ەتىپ ارەكەت باعدار كورسەتىپ بەردى، ٴبىز ونى مۇقيات ۇيرەنىپ، ىشكەرلەي يگەرىپ، شىن مانىندە ويداعىداي دايەكتى تياناقتاندىرۋىمىز كەرەك.

ماجىلىستە ساياسي كەڭەس 13-كەزەكتى مەملەكەتتىك كوميتەتىنىڭ 4-رەتكى ٴماجىلىسىنىڭ كەڭەس ٴتارتىپ جوبا نۇسقاسى مەن كۇن ٴتارتىپ جوبا نۇسقاسى، ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەت بايانداماسىنىڭ جوبا نۇسقاسى جانە ۇسىنىس جوبا قىزمەت اقۋالى جونىندەگى بايانداماسىنىڭ جوبا نۇسقاسى قاتارلى جوبا نۇسقالار قاراپ ماقۇلداندى ٴارى وسى جوبا نۇسقالاردى مەملەكەتتىك ساياسي كەڭەس 13-كەزەكتى تۇراقتى كوميتەتىنىڭ 15-رەتكى ماجىلىسىندە قاراۋعا ۇسىنۋ بەلگىلەندى.

    ۋاڭ ياڭ بىلاي دەدى: مەملەكەتتىك ساياسي كەڭەس 13-كەزەكتى 4-ماجىلىسىنە ويداعىداي دايىندالۋ جانە ويداعىداي ۇيىمداستىرۋدى كەزەكتەگى ەڭ ماڭىزدى قىزمەت مىندەتى رەتىندە قاراۋ كەرەك. باعىتتى مىقتى يگەرۋ، وڭ ەنەرگيالاردى ۇيىستىرۋ، 14-بەسجىلدىققا نازار اۋدارۋدى ٴماجىلىستىڭ نەگىزگى ارقاۋى ەتىپ، قالىڭ ساياسي كەڭەس مۇشەلەرىن 14-بەسجىلدىقتى جۇزەگە اسىرۋعا جاقسى باستاۋعا، سوتسياليستىك وسىزاماندانعان مەملەكەتتى جالپى بەتتىك قۇرۋدىڭ تىڭ جورىعىن باستاۋعا اقىل-پاراسات جانە كۇش قوسۋعا جەتەكتەۋ كەرەك. دەموكراتيانى ونان ارى ساۋلەلەندىرىپ، توراپتا جانە توراپتان تىس قىزمەتتەردى ٴوزارا ۇشتاستىرۋ ابزالدىلىعىن جاقسى ىسكە قوسىپ، ٴتىپتى دە كوپ ساياسي كەڭەس مۇشەلەرىنە پىكىر ٴبىلدىرۋ جانە اۋىس-كۇيىس جاساۋ ورايىن بەرىپ، اعىنان اقتارىلا پىكىر بىلدىرەتىن، شىندىقتى ٴىس جۇزىنەن ىزدەپ ناقتى ىستەردى تىندىراتىن ٴماجىلىس ورتاسىن قۇلشىنا جاراتۋ قاجەت. ونان ارى ىنتىماقتاسىپ، يدەيا جانە ساياسي جاقتاعى جەتەكشىلىكتى كۇشەيتىپ، ساياسي كەڭەس مۇشەلەرى اراسىندا ورتاق تانىمدى ۇيىستىرىپ، ورتاق تانىمدى تەرەڭدەتىپ، مۇشەلەر ارقىلى ٴوز سالاسىنداعى بۇقاراعا ورتاق تانىمدى جەتكىزىپ، اناعۇرلىم زور ىنتىماسقان بىرىككەن كۇش قالىپتاستىرۋ كەرەك. ۇگىتتەۋ حابارلاۋ قىزمەتىن جاقسى ىستەپ، ٴبىر جىلدان بەرگى حالىق ساياسي كەڭەسىنىڭ مەملەكەتتى باسقارۋ جۇيەسىندەگى تىڭ تابىستارىن تولىق بەينەلەپ، ساياسي كەڭەس مۇشەلەرىنىڭ مىندەتتى ەل ٴۇشىن جۇرگىزۋ، بورىشتى حالىق ٴۇشىن وتەۋ بەينەسى مەن ٴارقايسى پارتيا توپ ۇيىرمەلەردىڭ، ٴار ۇلت ٴار سالا قايراتكەرلەرىنىڭ ىنتىماقتاسا العا باسقان رۋحاني بەت-بەينەسىن ايگىلەۋ كەرەك. ٴماجىلىس ستيلىن جاقسارتىپ، ٴماجىلىستى ۇنەمشىل اشۋعا تاباندى بولىپ، ٴماجىلىس ستيلىنىڭ پاك بولۋىنا، ناقتى ىستەرگە ٴمان بەرىپ ٴونىمىن جوعارىلاتۋعا كەپىلدىك ەتۋ كەرەك.

    ماجىلىستە مەملەكەتتىك ساياسي كەڭەس پارتگرۋپپاسىنىڭ 2021-جىلعى قىزمەت تۇيىندەرى حابارلاندىرىلدى؛ مەملەكەتتىك ساياسي كەڭەس كەڭەسىنىڭ 2021-جىلعى قىزمەت دوكلاتى تىڭدالدى.

    مەملەكەتتىك ساياسي كەڭەستىڭ ورىنباسار ٴتوراعاسى جاڭ چيڭلي، لي بين قاتارلىلار قاتىستى كەڭەس تاقىرىپتار جونىندە تۇسىنىك جاسادى جانە دوكلات بەردى.

اۋدارعان: نازار ٴارىپ ۇلى