ينفورماتسيا اشكەرەلەۋ: mzjubao@cnr.cn

ماڭىزدى حابارلار

لي جانشۋ ۆەنگريا پارلامەنتىنىڭ توراعاسىمەن كەڭەس وتكىزدى

来源:جۇڭگو قازاق راديو تورابى     |责编:古丽美热|     发布日期: 2021-02-20 09:50

 

ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 2-ايدىڭ 19-كۇنى حالىق سارايىندا بەينە ەكران فورماسىندا ۆەنگريا پارلامەنتىنىڭ ٴتوراعاسى كۆەرمەن كەڭەس وتكىزدى. 

    لي جانشۋ بىلاي دەدى: جۇڭگو مەن ۆەنگريا جالپى بەتتىك ستراتەگيالىق سەرىكتەستىك قاتىناس ورناتقاننان بەرى ەكى ەل قاتىناسى تاريحتاعى ەڭ جاقسى مەزگىلگە قادام تاستادى. ىندەتتىڭ اۋىر سوققىسىنا توتەپ بەرۋ بارىسىندا، ەكى ەل ٴتوراعا شي جينپيڭ مەن وربان زۇڭليدىڭ ستراتەگيالىق جەتەكشىلىگىندە، تار جول، تايعاق كەشۋدەن بىرگە ٴوتىپ، ٴبىر-بىرىنە قارايلاسىپ، ٴبىر-ٴبىرىنىڭ ىندەتكە قارسى تۇرۋىن جانە جۇمىستى قالپىنا كەلتىرۋىن بەلسەنە قولداپ، ەكونوميكا-ساۋدا سەلبەستىگىن نىعايتىپ، كەلەلى سەلبەستىك نىساندارى ىركەس-تىركەس تياناقتانىپ، ۆاكسينا سەلبەستىگى بەلسەندى ىلگەرىلەۋشىلىككە قول جەتكىزدى، جۇڭگو ـ ۆەنگريا قاتىناسى سەرپىمدىلىك پەن ىشكى قوزعاۋشى كۇشتى ايگىلەپ، تار جول، تايعاق كەشۋلەردى بىرگە وتكەرۋدىڭ جانە دوستىق سەلبەستىكتىڭ تىڭ داستانىن بىرگە جازدى. 

    لي جانشۋ مىنالاردى اتاپ كورسەتتى: تاياۋدا اشىلعان جۇڭگو−ورتا، شىعىس ەۆروپا ەلدەرى باسشىلارىنىڭ باس قوسۋى تابىستى بولدى. ٴتوراعا شي جينپيڭ باسشىلار باس قوسۋىندا ارقاۋ ٴسوز سويلەپ، وربان زۇڭليدى قامتىعان ورتا، شىعىس ەۆروپا ەلدەرىنىڭ باسشىلارىمەن سەلبەسىپ دامۋ ۇلى جوسپارىن اقىلداستى، بۇل بولاشاقتاعى سەلبەسىپ دامۋدى جوسپارلاپ، ىندەتتەن كەيىنگى ەكونوميكانىڭ قالپىنا كەلىپ دامۋىن جۇزەگە اسىرۋدا ماڭىزدى مانگە يە. جۇڭگو ەكى ەل قاتىناسىنا ستراتەگيالىق جانە ۇزاق بولاشاقتىق تۇرعىدان مامىلە جاسايدى جانە دامىتادى، ەكى ەل باسشىلارىنىڭ ماڭىزدى ورتاق تانىمىن ىشكەرىلەي تياناقتاندىرىپ، ٴار سالاداعى اۋىس ـ كۇيىستى، سەلبەستىكتى تەرەڭدەتىپ، ەكى ەل مەن ەكى ەل حالقىنا باقىت جاراتۋدى قالايدى. 

    لي جانشۋ مىنالاردى باسا دارىپتەدى : زاڭ شىعارۋ قۇرىلىمدارىنىڭ بارىس-كەلىسى−جۇڭگو-ۆەنگريا قاتىناسىنىڭ ماڭىزدى قۇرامداس بولىگى. ەكى جاق جوعارى جىكتەگىلەردىڭ ٴجيى بارىس-كەلىسىن ساقتاپ، ەكى جاقتى قاتىناستىڭ دامۋىنا ٴتيىمدى زاڭدىق قۇجاتتاردى دەر كەزىندە بەكىتىپ، وعان وزگەرىس ەنگىزىپ نەمەسە جاساپ، تاجىريبە اۋىسۋدى كۇشەيتىپ، ورتاق دامۋدى جەبەۋ كەرەك. 

    كەۆەر بىلاي دەدى: ۆەنگريا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسى ەكى ەل قاتىناسىنىڭ جوعارى دەڭگەيىنىڭ سيمۆولى بولىپ، جاڭا سەلبەستىكتى ورىستەتۋگە بولاشاق اشتى. جۇڭگونىڭ زاتتىق جانە ۆاكسينا سياقتى جاقتارداعى كومەگىنە العىس ايتامىن. ۆەنگريا ٴبىر بەلدەۋ، ٴبىر جول قۇرىلىسىن جانە ورتا، شىعىس ەۆروپا ەلدەرى مەن جۇڭگو سەلبەستىگىن باتىل قولداپ، وعان بەلسەنە قاتىناسادى، اناعۇرلىم كوپ نىسان سەلبەستىگىن ىلگەرىلەتۋدى ٴۇمىت ەتەدى. زاڭ شىعارۋ قۇرىلىمدارىنىڭ بەلسەندى رولىن ساۋلەلەندىرىپ، ەكى ەل دوستىعىنىڭ قوعامدىق جانە حالىق رايى نەگىزىن كۇشەيتۋگە ۇلەس قوسۋدى قالايدى.


اۋدارعان: شالقار قازەز ۇلى

中央广播电视总台 央广网 版权所有

لي جانشۋ ۆەنگريا پارلامەنتىنىڭ توراعاسىمەن كەڭەس وتكىزدى

ەكى ەل دوستىعىنىڭ قوعامدىق جانە حالىق رايى نەگىزىن كۇشەيتۋگە ۇلەس قوسۋدى قالايدى