ينفورماتسيا اشكەرەلەۋ: mzjubao@cnr.cn

ماڭىزدى حابارلار

« ج ك پ ورتالىق كوميتەتىنىڭ، مەملەكەتتىك كەڭەستىڭ اۋىل – قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل-قىستاقتى وسىزامانداندىرۋدى جەدەلدەتۋ جونىندەگى پىكىرى» جاريالاندى

来源:جۇڭگو قازاق راديو تورابى     |责编:古丽美热|     发布日期: 2021-02-22 17:50

 

ٴوز حابارىمىز. بىرنەشە كۇننىڭ الدىندا « ج ك پ ورتالىق كوميتەتى مەن مەملەكەتتىك كەڭەستىڭ اۋىل-قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل-قىستاقتى وسىزامانداندىرۋدى جەدەلدەتۋ جونىندەگى پىكىرى » رەسمي جاريالاندى.

«پىكىردە» مىنالار اتاپ كورسەتىلدى: پارتيا 19-كەزەكتى ورتالىق كوميتەتىنىڭ بەسىنشى جالپى ماجىلىسىندە قاراپ ماقۇلدانعان «ج ك پ ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 – بەس جىلدىق جوباسى مەن 2035 – جىلعا دەيىنگى بولاشاقتىق نىساناسىن بەلگىلەۋ جونىندەگى ۇسىنىسىندا» جاڭا دامۋ ساتىسىندا اۋىل شارۋاشىلىعىن، اۋىل-قىستاقتى الدىمەن دامىتۋ، اۋىل-قىستاقتى گۇلدەندىرۋدى جاپپاي ىلگەرىلەتۋ جونىنەن جالپىلىق ورنالاستىرۋ جاسالىپ، كەزەكتەگى جانە بۇدان بىلايعى ءبىر مەزگىلدەگى اۋىل شارۋاشىلىعى، اۋىل-قىستاق، شارۋالار قىزمەتىن ويداعىداي ىستەۋگە ايقىن باعدار كورسەتىلدى.

«پىكىردە» مىنالار تالاپ ەتىلدى : شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ تانىمىن بۇلجىماي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن، پارتيانىڭ اۋىل شارۋاشىلىعى، اۋىل ـ قىستاق، شارۋالار قىزمەتىنە جاپپاي باسشىلىعىن كۇشەيتۋدەن جازباي، اۋىل شارۋاشىلىعىن، اۋىل ـ قىستاقتى الدىمەن دامىتۋعا، اۋىل شارۋاشىلىعىن وسىزامانداندىرۋ مەن اۋىل ـ قىستاقتى وسىزامانداندىرۋدى ٴبىر تۇلعالاندىرىپ جوبالاۋعا، بىرگە ىلگەرىلەتۋگە، دامۋعا جاڭالىق اشۋ ارقىلى دەم بەرۋگە تاباندى بولىپ، جاپپاي سوتسياليستىك وسىزاماندانعان ەل قۇرۋعا جاقسى باستاما، جاقسى قادام تاستاۋعا پارمەندى تىرەك ازىرلەۋ كەرەك.

«پىكىردە» مىناداي نىسانا ـ مىندەتتەر بەلگىلەندى. 2021 ـ جىلى اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، استىق ەگىلەتىن جەر كولەمىن ورنىقتىرىپ، ٴونىم مولشەرىن ٴبىر تريلليون 300 ميلليارد جىڭنان اسىرىپ، شارۋالار كىرىسىنىڭ ارتۋىن قالا ـ قالاشىق تۇرعىندارىنان اسىرىپ، كەدەيلىكتەن قۇتىلدىرۋدان قامال الۋدىڭ جەتىستىكتەرىن ۇزدىكسىز بەكەمدەۋ كەرەك.

2025-جىلعا بارعاندا اۋىل شارۋاشىلىعىن، اۋىل – قىستاقتى وسىزامانداندىرۋدا ماڭىزدى ىلگەرىلەۋشىلىككە قول جەتكىزىلىپ، اۋىل شارۋاشىلىعى نەگىزدىك قۇرىلعىسىنىڭ وسىزاماندانۋى تىڭ ساتىعا كوتەرىلەدى، اۋىل – قىستاقتىڭ تۇرمىستىق قۇرىلعىلارىنىڭ قولايلىلانۋى العاشقى قادامدا جۇزەگە اسىرىلىپ، قالا مەن اۋىلدىڭ نەگىزدىك الەۋمەتتىك قىزمەت وتەۋىنىڭ بىركەلكىلەنۋ دەڭگەيى كورنەكتى جوعارىلاتىلادى. اۋىل-قىستاق قۇرىلىسى كورنەكتى ونىمدىلىككە قول جەتكىزدى.

 «پىكىردە» مىنالار اتاپ كورسەتىلدى: كەدەيلىكتەن قۇتىلدىرۋدان قامال الۋدىڭ جەتىستىكتەرىن بەكەمدەۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋ كەرەك. كەدەيلىكتەن قۇتىلعان اۋداندارعا قاراتا كەدەيلىكتەن قۇتىلعان كۇننەن باستاپ 5 جىل وتپەلى مەزگىل بەلگىلەنىپ، ٴبىر جولدا سۇيەمەلدەۋ جۇزەگە اسىرىلادى. كەدەيلىكتەن قۇتىلدىرۋدان قامال الۋدىڭ جەتىستىكتەرىن ۇزدىكسىز بەكەمدەۋ، كەڭەيتۋ ٴتيىس. قايتا كەدەيلەسۋدى اۋقىمدىق باقىلاۋ ـ ولشەۋ جانە سۇيەمەلدەۋ مەحانيزمىن اقاۋسىزداندىرىپ، قايتا كەدەيلەسۋ جاعدايىن دەر كەزىندە بايقاپ، دەر كەزىندە سۇيەمەلدەپ، قايتا كەدەيلەسۋدەن ساقتانۋدىڭ تومەنگى شەگىن ورناتۋ كەرەك. كەدەيلىكتەن قۇتىلعان وڭىرلەردىڭ اۋىل ـ قىستاقتارىن گۇلدەندىرۋ ۇزدىكسىز ىلگەرىلەتىلەدى. كەدەيلىكتەن قۇتىلعان وڭىرلەردىڭ ەرەكشە ەگىمشىلىك، باعىمشىلىق كاسىبىنىڭ ورەسىن جوعارىلاتۋ ارەكەتىن اتقارىپ، اۋىل شارۋاشىلىق ونىمدەرىن ٴوندىرۋ مەن ساتۋدى ۇشتاستىرۋ قيمىلىن كەڭ كولەمدە ورىستەتىپ، تۇتىنۋعا كومەكتەسۋ مەن سۇيەمەلدەۋدى ىشكەرىلەي كەڭەيتۋ قاجەت. ۇيىمدى تۇردە سىرتقا ەڭبەككۇش شىعارۋ قىزمەتىن ۇزدىكسىز ويداعىداي ىستەۋ كەرەك. الەۋمەتتىك يگىلىك ورىندارىنان ٴبىر تۇتاس ويداعىداي پايدالانىپ، شارتقا ۇيلەسەتىن جۇمىستانۋى قيىن ادامداردىڭ جۇمىستانۋىنا كومەكتەسۋ قاجەت. شىعىس، باتىس بولىكتەردىڭ سەلبەسۋى مەن باعىتتامالى كومەكتەسۋى، قوعامدىق كۇشتەردىڭ كەدەيلەردى سۇيەمەلدەۋگە قاتىناسۋى سياقتى مەحانيزمدەرگە تاباندى بولۋ جانە ونى كەمەلدەندىرۋ كەرەك. اۋىل-قىستاقتارداعى تومەن كىرىستەگىلەردى سۇيەمەلدەۋدى ۇدايىلاندىرۋ كۇشەيتىلەدى. اۋىل ـ قىستاقتارداعى تومەن كىرىستەگىلەردى اۋقىمدىق باقىلاۋ ـ تەكسەرۋ قىزمەتىن قانات جايدىرىپ، ساتىلار بويىنشا، تۇرلەر بويىنشا سۇيەمەلدەۋ كەرەك.


اۋدارعان: سەرىك راقىم ۇلى

中央广播电视总台 央广网 版权所有

« ج ك پ ورتالىق كوميتەتىنىڭ، مەملەكەتتىك كەڭەستىڭ اۋىل – قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل-قىستاقتى وسىزامانداندىرۋدى جەدەلدەتۋ جونىندەگى پىكىرى» جاريالاندى

«پىكىردە» مىناداي نىسانا ـ مىندەتتەر بەلگىلەندى