ماجىلىستە الدىمەن 13-كەزەكتى مەملەكەتتىك حالىق قۇرىلتايى 4-ءماجىلىسى ءتوراعالار القاسىنىڭ ۇنەمىلىك ىستەرگە جاۋاپتى ءتوراعالارى سايلاندى. ءتوراعالار القاسىنىڭ ۇنەمىلىك ىستەرگە جاۋاپتى ٴتوراعالارىن 13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىعى، ورىنباسارلارى، باس حاتشىسى ۇستىنە الادى. ءتوراعالار القاسىنىڭ ۇنەمىلىك ىستەرگە جاۋاپتى ءتوراعالارى ءتوراعالار القاسىنىڭ ءماجىلىسىن اشۋعا ۇيىمداستىرادى ءارى باسقارادى.

    ماجىلىستە 13-كەزەكتى مەملەكەتتىك حالىق قۇرىلتايى 4-ءماجىلىسىنىڭ كۇن ءتارتىبى داۋىسقا سالىپ ماقۇلدادى. ٴماجىلىستىڭ كۇن تارتىبىنە ساي، بۇل رەتكى ٴماجىلىس 3 - ايدىڭ 5 - كۇنى تۇستەن بۇرىن اشىلادى، 3-ايدىڭ 11- كۇنى تۇستەن كەيىن جابىلادى، جالپى 7 كۇن.

    مەملەكەتتىك حالىق قۇرىلتايىنىڭ ٴىس قاراۋ ەرەجەسىندەگى بەلگىلەمەگە ساي، ٴتوراعالار القاسىنىڭ 1-ماجىلىسىندە كورسەتىلگەن ٴتوراعالار القاسىنىڭ قۇرامىنداعىلاردان ٴبىرقانشا ادام ٴار جولعى قۇرىلتاي جالپى ٴماجىلىسىنىڭ اتقارۋشى ٴتوراعاسى مىندەتىن ۇستىنە الادى. داۋىسقا سالۋ ارقىلى ماجىلىستە جالپى ٴماجىلىستىڭ اتقارۋشى ٴتوراعالارى سايلاندى.

    ماجىلىستە داۋىسقا سالۋ ارقىلى ياڭ جىن-ۋ، شين چۇنيىڭ، لي في، شۇي شاۋشى، جاڭ يەسۇي، كۇڭ شاۋسۇن، لي باۋرۇڭ قاتارلىلار ءماجىلىستىڭ ورىنباسار باس حاتشىلىعىنا تاعايىنداۋ ۇيعارىلدى. ٴماجىلىستىڭ كورسەتىلۋىمەن جاڭ يەسۇي ٴماجىلىستىڭ مالىمدەمەشىسى مىندەتىن قوسىمشا وتەيتىن بولدى.

    ماجىلىستە داۋىسقا سالۋ ارقىلى 13-كەزەكتى مەملەكەتتىك حالىق قۇرىلتايى 4-ءماجىلىسىنىڭ كەڭەس جوبالارىن داۋىسقا سالۋ ٴادىسى بەلگىلەندى. ماجىلىستە ۋاكىلدەر 3 -ايدىڭ 8- كۇنى ساعات 12 گە دەيىن ۇسىنىس جوبالارىن تاپسىرىپ بولۋ كەرەكتىگى بەلگىلەندى. ٴماجىلىس كەزىندە ٴماجىلىستىڭ حاتشىلار باسقارماسى ۋاكىلدەر ۇيىرمەسى مەن ۋاكىلدەر العا قويعان ۇسىنىس جوبالارعا زەرتتەۋ جۇرگىزىپ، ٴبىر جاقتى ەتۋ پىكىرىن العا قويىپ، ٴتوراعالار القاسىنىڭ شەشىم جاساۋىنا مالىمدەيدى.

اۋدارعان: نازار ٴارىپ ۇلى