ينفورماتسيا اشكەرەلەۋ: mzjubao@cnr.cn

ماڭىزدى حابارلار

مەملەكەتتىك ەكى ٴماجىلىستىڭ ساياسي كەڭەس مۇشەلەرىنە ارنالعان تۇڭعىش «مۇشەلەر ٴدالىزى» اشىلدى

来源:جۇڭگو قازاق راديو تورابى     |责编:阿依娜古丽|     发布日期: 2021-03-05 10:46


    ٴوز حابارىمىز: ساياسي كەڭەس 13-كەزەكتى مەملەكەتتىك كوميتەتىنىڭ 4 - ءماجىلىسى 3-ايدىڭ 4-كۇنى تۇستەن كەيىن بەيجيڭدەگى حالىق سارايىندا اشىلدى. اشىلۋ سالتىنىڭ الدىندا بيىلعى مەملەكەتتىك ەكى ٴماجىلىستىڭ ساياسي كەڭەس مۇشەلەرىنە ارنالعان تۇڭعىش «مۇشەلەر ٴدالىزى » اشىلدى، مەملەكەتتىك ساياسي كەڭەستىڭ ءار سالادان كەلگەن 7 مۇشەسى مەديالاردىڭ سۇحباتىن قابىلدادى.


    مەملەكەتتىك ساياسي كەڭەستىڭ تۇراقتى مۇشەسى، جۇڭگو ينجەنەريا اكادەمياسىنىڭ اكادەميگى، جۇڭگو اۋىل شارۋاشىلىق عىلىم اكادەمياسىنىڭ ورىنباسار باستىعى ۋان جيانمين استىق حاۋىپسىزدىگى جونىندەگى سۇراۋعا جاۋاپ بەرگەندە: استىق حاۋىپسىزدىگىن قامتاماسىز ەتۋدە تۇقىم شەشۋشى ٴتۇيىن. –دەپ اتاپ كورسەتتى.


    مەملەكەتتىك ساياسي كەڭەستىڭ مۇشەسى، جۇڭگو عىلىم اكادەمياسىنىڭ اكادەميگى، عارىش عىلىم ـ تەحنيكا توبى عىلىم ـ تەحنيكا كوميتەتىنىڭ مەڭگەرۋشىسى باۋ ۋيمين تىلشىگە بىلاي دەدى: تيانۋىن 1 ـ ٴنومىرلى عارىش كەمەسى مارىسقا ٴساتتى جەتكەننەن كەيىن، سەكۋندىنا 4.8 كيلومەترلىك جىلدامدىقپەن مارىس وربيتاسىندا اينالىپ بارلاۋ جۇرگىزۋدە، تاياۋدا عانا مارىستىڭ ەڭ جاڭا فوتو سۋرەتتەرىن جەتكىزدى، بۇل جۇڭگونىڭ تۇڭعىش رەت تۇسىرگەن تاياۋ كورىنىستىك كەسپە كەسكىنى.


    مەملەكەتتىك ساياسي كەڭەستىڭ مۇشەسى، جۇڭگو مەديتسينا عىلىم اكادەمياسى فۋۋاي شيپاحاناسىنىڭ اعا شيپاگەرى اۋ حۋشان جالپى حالىقتى جۇرەك پەن وكپەنى قالپىنا كەلتىرۋ ارەكەتتەرىن ۇيرەنۋگە ٴمان بەرۋگە ناسيحاتتادى ٴارى ٴار جىلى 1-ايدىڭ 20-كۇنىن مەملەكەتتىك شۇعىل قۇتقارۋ كۇنى ەتىپ بەلگىلەۋدى ۇسىنىس ەتتى.


    بەيجيڭ قىسقى مۇگەدەكتەر وليمپياداسىنىڭ دايىندىق جۇمىستارى ۋاقىتتى كەرى ەسەپتەۋ ساتىسىنا قادام تاستادى. اقپارات قۇرالدارى مەملەكەتتىك ساياسي كەڭەستىڭ تۇراقتى مۇشەسى، جۇڭگو مۇگەدەكتەر بىرلەستىگىنىڭ ٴتوراعاسى جاڭ حايديعا: كوزدى اشىپ ـ جۇمعانشا 5 جىل وتە شىقتى، جۇڭگو 38 التىن مەدال الدى. جۇڭگو مۇگەدەكتەر سپورتشىلارى نە ٴۇشىن وسىنشاما كوپ مەدالعا يە بولادى؟ دەپ سۇراۋ تاستادى، ول بىلاي دەپ جاۋاپ بەردى: ەڭ اۋەلى، سپورتشىلاردىڭ ەرلىكپەن العا ۇمتىلۋ رۋحى اسقاق، ەڭ ماڭىزدىسى، 30 جىلدان بەرى جۇڭگونىڭ مۇگەدەكتەر ىستەرى ۇزدىكسىز دامىپ، ساۋىقتىرۋ، وقۋ - اعارتۋ، مادەنيەت، دەنە تاربيە جاقتارىندا اسا زور ىلگەرىلەۋشىلىككە قول جەتكىزدى.

 

اۋدارعان: شالقار قازەز ۇلى

中央广播电视总台 央广网 版权所有

مەملەكەتتىك ەكى ٴماجىلىستىڭ ساياسي كەڭەس مۇشەلەرىنە ارنالعان تۇڭعىش «مۇشەلەر ٴدالىزى» اشىلدى

اشىلۋ سالتىنىڭ الدىندا بيىلعى مەملەكەتتىك ەكى ٴماجىلىستىڭ ساياسي كەڭەس مۇشەلەرىنە ارنالعان تۇڭعىش «مۇشەلەر ٴدالىزى » اشىلدى، مەملەكەتتىك ساياسي كەڭەستىڭ ءار سالادان كەلگەن 7 مۇشەسى مەديالاردىڭ سۇحباتىن قابىلدادى.