جۇڭگونىڭ AS700 تۇرپاتتى حالىقتىق ۇشپا كەمەسى مەجەمەن بيىل سوڭعى جارىم جىلدا تۇڭعىش رەت ۇشىرىلادى
ٴوز حابارىمىز. ٴتىلشىنىڭ 3-ايدىڭ 4-كۇنى جۇڭگو اۆياتسيا ونەركاسىپ توبى شەكتى سەرىكتىگىنەن ۇعىسۋىنشا، اۆياتسيا ونەركاسىبىنىڭ ەرەكشە ۇشىرۋ ورنى دەربەس زەرتتەپ جاساعان AS700 تۇرپاتتى حالىقتىق ۇشپا كەمەسى مەجەمەن بيىل سوڭعى جارىم جىلدا تۇڭعىش رەت ۇشىرىلىپ، كەلەر جىلى حالىقتىق اۆياتسيانىڭ ۇشۋ كۋالىگىن الۋىنان ٴۇمىت بار ەكەن.
مەملەكەتتىك حالىق قۇرىلتايىنىڭ ۋاكىلى، اۆياتسيا ونەركاسىبى ەرەكشە ۇشىرۋ ورنىنىڭ جوعارى دارەجەلى مەڭگەرۋشىسى جاڭ جينحۋا تانىستىرىپ بىلاي دەدى: AS700 تۇرپاتتى حالىقتىق ۇشپا كەمەنىڭ ايداۋ جۇيەسى جالاڭ بولىپ، ەڭ كوپ بولعاندا 9 جولاۋشى وتىرا الادى، ۇشۋ بيىكتىگى 3000 مەتر اينالاسىندا، ەڭ ۇزىن ۇشۋ ارالىعى 700 كيلومەتر، ەڭ كوپ بولعاندا 10 ساعات ۇشا الادى. تىك ٴارى قىسقا ارالىقتان ۇشىپ-قونۋ يقۋاتىنا يە بولىپ، سىرعىما قۇرىلىسىنىڭ قاجەتىن تومەندەتتى.
AS700 تۇرپاتتى ۇشپا كەمەنىڭ ٴساتتى زەرتتەلىپ جاسالۋى مەن ىسكە قوسىلۋى ەلىمىزدىڭ شەتەلدەرمەن وزىق ۇشپا كەمە جوبالاۋ جانە جاساۋ تەحنيكاسى جاعىنداعى پارقىن ٴونىمدى ازايتىپ، ەلىمىزدىڭ حالىقارالىق قالقىپ ۇشۋ جابدىعى سالاسىنداعى وزەكتى باسەكەلىك قۋاتىن ارتتىرادى؛ سونىمەن بىرگە، قاتىستى كاسىپتەردىڭ دامۋى مەن قاتىستى عىلىم-تەحنيكانىڭ العا باسۋىن ٴونىمدى تۇردە جەبەپ، ەلىمىزدىڭ ۇشپا كەمەلەردى جوبالاۋ، جاساۋ، اينالىمعا سالۋ جانە ۇشىرۋ تەحنيكا جۇيەسى بىرتىندەپ ورناتىلاتىن بولادى.
اۋدارعان: امانتاي مۇسايىپ ۇلى