ورتالىق تەلەۆيزياسىنىڭ جەدەل شولۋى-الەمنىڭ سىرىن اشىپ، ادامزاتتىڭ بەيبىتشىلىگى مەن دامۋىن جەبەۋگە تىڭ دا اناعۇرلىم زور ۇلەس قوسايىق
ستانسيامىز ورتالىق تەلەۆيزياسىنىڭ «الەمنىڭ سىرىن اشىپ، ادامزاتتىڭ بەيبىتشىلىگى مەن دامۋىن جەبەۋگە تىڭ دا اناعۇرلىم زور ۇلەس قوسايىق» دەگەن تاقىرىپتاعى جەدەل شولۋىن جاريالادى.
شولۋدا بىلاي دەلىندى: تيان-ۋىن 1-ٴنومىرلى بارلاۋ اسپابى الىپ جۇرگەن جۋ رۇڭ اتتى مارىس ماشيناسى جانە قۇراما تۇلعاسى مارسقا ٴساتتى قوندى. بۇل جۇڭگولىقتاردىڭ مارستا تۇڭعىش رەت ٴىز قالدىرۋى ٴارى ەلىمىزدىڭ جۇلدىز ارالىق بارلاۋىنىڭ جەر شارى مەن اي شارىنان قۇرالعان اسپان دەنەلەرى جۇيەسىنەن قىدىرما جۇلدىزدار ارا كەڭىستىككە دەيىنگى ەرەكشە سەكىرىسى، جۇڭگونىڭ عارىش ىستەرىنىڭ دامۋ تاريحىنداعى ماڭىزدى بەلەسى سانالادى. پارتيا قۇرىلعاندىعىنىڭ 100 جىلدىعى قارساڭىندا، جۇڭگو عارىشكەرلەرىنىڭ 200 ميلليون كيلومەترگە جۋىق الىستىقتاعى مارسقا بارلاۋ اسپابىن شىعارۋى، ۇلتىمىزدىڭ سەنىمىن نىعايتىپ، ماقتانىش سەزىمىن ەسەلەپ ارتتىردى. سونداي ـ اق بۇل تۇتاس قوعامنىڭ دەربەس جاڭالىق اشۋ، عىلىم ـ تەحنيكادا قۇدىرەتتى ەل بولۋداي اسقاق جىگەرىن جالىنداتتى.
اۋدارعان: كۇلان ىرىسباي قىزى