ينفورماتسيا اشكەرەلەۋ: mzjubao@cnr.cn

ماڭىزدى حابارلار

چيڭحاي تيبەت كىلەمنىڭ ەرەكشە كاسىبىن زور كۇشپەن دامىتىپ، اۋىل ـ قىستاقتى كوركەيتۋدىڭ جاڭا كارتيناسىن سالدى

来源:جۇڭگو قازاق راديو تورابى     |责编:古丽美热|     发布日期: 2021-06-08 10:39

 

ٴوز حابارىمىز. باس شۋجي شي جينپيڭ بىلاي دەپ اتاپ كورسەتتى : اۋىل ـ قىستاقتى گۇلدەندىرۋدە جەرگىلىكتى جاعدايعا قاراي حالىقتى اۋقاتتاندىرۋ كاسىبىن تاڭداۋ -شەشۋشى ٴتۇيىن. سوڭعى جىلداردان بەرى چيڭحاي ولكەسى تيبەت كىلەمنىڭ ەرەكشە كاسىبىن زور كۇشپەن دامىتتى، تيبەت كىلەمى جەرگىلىكتى بۇقارانىڭ جاقىن ماڭدا كاسىپتەنۋىن جۇزەگە اسىرۋداعى اۋقاتتانۋ جولىنا اينالدى. 

    6-ايدىڭ 6-كۇنى تۇستەن بۇرىن، جۇڭگو ( چيڭحاي ) تيبەت كىلەمى حالىقارالىق كورمە ورنىندا، چيڭحايدىڭ ولكە دارەجەلى بەيزاتتىق مادەني مۇرالارىن جالعاستىرۋشى ۋاڭ چياۋيىن كىلەمدى قولمەن توقۋ بارىسىن ناق مايداندا كورسەتىپ جاتتى. ول بىلاي دەدى : كىلەم چيڭحايدىڭ ٴبىر تانىسقىسى، سوندىقتان كىلەم توقىعان كەزدە چيڭحايدىڭ ٴۇش وزەن قاينارىن، كۇنلۇن تاۋىن،سيىر، قوي، مال شارۋاشىلىق رايوندارىن كىلەمدە ورنەكتەپ شىعامىز. چيڭحايدىڭ وسىنداي تاماشا جاراتىلىستىق بايلىعىن ارقاۋ ەتۋ ٴبىزدىڭ كىلەم توقۋىمىزدا وتە ماقتانىشتى ٴىس سانالادى. 

    چيڭحايدىڭ وزگەشە جاعراپيالىق ورتاسى مەن تاريحي تەگى تەرەڭ ۇلتتىق مادەنيەتتى جەتىلدىردى، وزىندىك ەرەكشەلىككە يە كىلەمدەر تەحنولوگياسى مەن ەرەكشە كاسىپتەردى جارىققا شىعاردى. 2007 ـ جىلى قۇرىلعان چيڭحاي شىڭيۋان كىلەم توبى شەكتى سەرىكتىگى چيڭحاي ـ شيزاڭ ٴۇستىرتىنىڭ جاسىل، لاستانباعان قوي ٴجۇنى شيكىزاتى بايلىعى باسىمدىعىنا سۇيەنىپ، وزىق جابدىقتاردى ەنگىزىپ، جىلىنا 3 ميلليون شارشى مەترگە جەتەتىن كولەمدە كىلەم توقىپ، 40 نەشە مەملەكەت پەن رايونعا ساتتى. سەرىكتىكتىڭ باس جوراسى شۋە تيڭ بىلاي دەدى : مەنىڭشە، جەرلىك بايلىق ابزالدىلىعىن، ٴسوز جوق، ساۋلەلەندىرىپ،ٴوز جەرىمىزگە سايكەسىپ، كەيبىر ەرەكشە كاسىپتەردى ىستەۋىمىز كەرەك. ٴداستۇرلى ونەردى جالعاستىرۋدا ٴداستۇرلى ونىمدەردى نەگىز ەتىپ قانا قالماستان،اسىرەسە جاڭالىق جاراتۋعا دا كۇش سالۋ قاجەت. ٴبىز دارالىق ٴتۇس العان ونىمدەر تاپسىرىسنا ەڭ ەرتە قادام تاستادىق، سونداي - اق ٴوز ەرەكشەلىگىمىزگە يە ونىمدەردى جاساي الدىق. 

    شىڭيۋان كىلەم جوبالاۋشىسى چى گولۇڭ بىلاي دەدى : بۇل سەرىكتىك جوبالاۋ تانىمىندا جاڭالىق اشۋ ارقىلى ٴتىپتى دە كوپ كىلەم توقۋ تاجىريبەسى جوق قىزمەتكەرلەردىڭ تەز ارادا ۇيرەنۋىنە مۇمكىندىك جاسادى، بۇرىنعى جوبالار تازا قولونەرمەن جاسالادى، جۇمىسشىلاردىڭ ۇزاق جىلعى تاجىريبەسىن نەگىز ەتەدى. قازىر ٴبىز كومپيۋتەر عىلىم - تەحنيكاسى ارقىلى ٴاربىر تۇيىندى دالمە ٴدال مەڭگەرىپ ٴوز ويىمىزداعىداي جوبالاي الامىز. 

    تيبەت كىلەم كاسىبىنىڭ دامۋى ەگىنشى ـ مالشىلاردىڭ جاقىن ماڭدا جۇمىسقا ورنالاسۋىنا، كىرىستى ورنىقتى ارتتىرۋىنا كومەكتەستى. 2020 ـ جىلى جۇڭگو تيبەت كىلەم قوعامى گولو وبىلىسىندا، حايبەي وڭىرىندە كىلەم توقۋدى كۋرىسپەن تاربيەلەۋ قىزمەتىن ىشكەرىلەي ورىستەتتى، تاربيەلەنگەن ەگىنشى ـ مالشىلار جۇرتتىڭ قارسى الۋىنا بولەنگەن،بازار مويىنداعان كىلەمدەر مەن توقىما بۇيىمدارىن دەربەس جاساي بەرەتىن بولدى. كۋرىسكە قاتىناسقان بەلگىلى كىلەم كاسىپورنىنىڭ جاۋاپتىسى ياڭ شاۋپىڭ بىلاي دەدى : بارلىق ٴوندىرىس تۇگەلدەي قولونەرمەن ىستەلىپ، جەرگىلىكتى ورىننىڭ وزىندە بار قوي ٴجۇنى پايدالانىلادى،مىنە بۇنىڭ ٴوزى جەرگىلىكتى ورىن جونىنەن العاندا، ٴىس جۇزىندە، اۋىل ـ قىستاقتى كوركەيتۋدىڭ ٴبىر ٴتۇرلى فورماسى ەسەپتەلەدى. وسىنداي تاربيەلەۋ ارقىلى مۇراگەرلىك ەتۋدى جالعاستىرىپ، وسى ونەردى ٴتىپتى دە كوپ ادامعا ۇزدىكسىز ۇيرەتۋگە بولادى. 

    قازىر چيڭحايدىڭ تيبەت كىلەمى ٴوندىرىستى كولەمدەندىرۋ، ارنايىلاندىرۋ جانە وسىزامانداندىرۋدى جۇزەگە اسىرىپ، زەرتتەپ اشۋ، جوبالاۋ، ٴوندىرۋ، كورمەگە قويۋ، ساتۋ ٴبىر تۇلعالانعان كاسىپ سالاسىن دامىتۋ شوعىرىن قالىپتاستىرىپ، چيڭحايدىڭ سىرتقا باعىتتالعان ەكونوميكاسىنىڭ ابزال كاسىبىنە اينالۋمەن بىرگە، چيڭحايدىڭ ەرەكشە كاسىبىنىڭ دۇنيە جۇزىنە بەت الۋىنداعى «التىن تانىسقىسىنا» اينالدى.


 اۋدارعان: كۇلان ىرىسباي قىزى

中央广播电视总台 央广网 版权所有

چيڭحاي تيبەت كىلەمنىڭ ەرەكشە كاسىبىن زور كۇشپەن دامىتىپ، اۋىل ـ قىستاقتى كوركەيتۋدىڭ جاڭا كارتيناسىن سالدى

چيڭحايدىڭ سىرتقا باعىتتالعان ەكونوميكاسىنىڭ ابزال كاسىبىنە اينالۋمەن بىرگە، چيڭحايدىڭ ەرەكشە كاسىبىنىڭ دۇنيە جۇزىنە بەت الۋىنداعى «التىن تانىسقىسىنا» اينالدى