ينفورماتسيا اشكەرەلەۋ: mzjubao@cnr.cn

ماڭىزدى حابارلار

13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 29-ٴماجىلىسى گرۋپپالارعا ٴبولىنىپ تالقى وتكىزدى

来源:جۇڭگو قازاق راديو تورابى     |责编:古丽美热|     发布日期: 2021-06-09 10:32

 

ٴوز حابارىمىز. 13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 29-ٴماجىلىسى 6-ايدىڭ 8-كۇنى گرۋپپالارعا ٴبولىنىپ تالقى وتكىزىپ، حاينان ەركىن ساۋدا پورتى زاڭى جوباسى، ٴوندىرىس حاۋىپسىزدىگى زاڭىنا وزگەرىس ەنگىزۋ جوباسى، ماركا باجىسى زاڭى جوباسى، شەتەلدەردىڭ جازالاۋىنا قارسى تۇرۋ زاڭ جوباسى سياقتىلاردى قارادى. كوميتەت باستىعى لي جانشۋ ماجىلىسكە قاتىناستى. 

    ماجىلىسكە قاتىناسقاندار بىلاي دەپ قارادى: حاينان ەركىن ساۋدا پورتى زاڭى جوباسى پارتيا ورتالىق كوميتەتىنىڭ شەشىم- ورنالاستىرۋلارىن دايەكتى تياناقتاندىرىپ، حاينان ەركىن ساۋدا پورتى قۇرىلىسىنىڭ دامۋىن مەملەكەتتىڭ زاڭ شىعارۋ تۇرعىسىنان ماڭىزدى زاڭدىق كەپىلمەن قامدايدى، بۇل ٴىس جۇزىندىككە ۇيلەسەدى، حاينان ەركىن ساۋدا پورتى قۇرىلىسىنىڭ دامۋىندا ماڭىزدى جەبەۋ جانە قامتاماسىزداندىرۋ رولىن اتقارادى، وسى رەتكى تۇراقتى كوميتەت ماجىلىسىندە داۋىسقا سالىپ ماقۇلداۋدى ۇسىنىس ەتەمىز.


    ٴوندىرىس حاۋىپسىزدىگى زاڭىنا وزگەرىس ەنگىزۋ جوباسى جونىندە ماجىلىسكە قاتىناسقاندار جاپپاي بىلاي دەپ قارادى: ٴوندىرىس حاۋىپسىزدىگى جەتەكشى يدەياسى، ٴوندىرىس-تيجارات ورىندارىنىڭ نەگىزگى تۇلعالىق جاۋاپكەرشىلىگى، ۇكىمەت تاراۋلارىنىڭ باقىلاۋ-باسقارۋ مىندەتى، زاڭعا قايشى كەلگەندەردى جازالاۋداي جاقتاردا جوباعا جەلىلەس بەلگىلەمەلەر قوسىلدى، زاڭعا وزگەرىس ەنگىزۋ ٴدال ۋاعىندا بولدى. وسى رەتكى تۇراقتى كوميتەت ماجىلىسىندە داۋىسقا سالىپ ماقۇلداۋدى ۇسىنىس ەتەمىز. 

    ماركا باجىسى زاڭىنىڭ جوباسى جونىندە ماجىلىسكە قاتىناسۋشىلار جاپپاي بىلاي دەپ قارادى: جوبادا اتقارىلعان كوپ جىلدان بەرگى ماركا باجىسى جونىندەگى ۋاقىتتىق ەرەجە مەن قۇندى قاعاز ساۋداسىنىڭ ماركا باجىسى جونىندەگى قاتىستى بەلگىلەمەلەر زاڭ دەڭگەيىنە كوتەرىلەدى، قازىرگى باجى ٴتۇزىمى جۇلگەسى تۇلعالىق جاقتان وزگەرمەيدى، سونىمەن بىرگە ٴىس جۇزىندىك جاعدايعا قاراي ٴىشىنارا بەلگىلەمەلەرگە قاجەتتى رەتتەۋ جۇرگىزىلىپ، باجى تۇرلەرى لايىقتى ىقشامدالىپ، باجى مولشەرى تومەندەتىلەدى. وسى رەتكى تۇراقتى كوميتەت ماجىلىسىندە داۋىسقا سالىپ ماقۇلداۋدى ۇسىنىس ەتەمىز. 

    شەتەلدەردىڭ جازالاۋىنا قارسى تۇرۋ زاڭى جوباسى جونىندە ماجىلىسكە قاتىناسقاندار جاپپاي بىلاي دەپ قارادى: مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعاپ، زورەكەرلىك پەن وكتەمدىك ساياسيعا قارسى تۇرىپ، شەتەلدەردىڭ جازالاۋىنا قارسى ارناۋلى زاڭ جاساۋ توتەنشە قاجەتتى، جازالاۋعا-كيلىگۋگە قارسى تۇرۋ، جوقتان وزگەگە ارالاساتىندارعا تيداۋ سالۋ زاڭىن تولىقتاۋعا جانە بايىتۋعا ٴتيىمدى بولىپ، شەتەلدەردىڭ ەلىمىزدى كەمسىتەتىن شارالارىنا زاڭ بويىنشا تويتارىس بەرۋگە پارمەندى زاڭدىق كەپىلدىك ازىرلەۋ كەرەك. ماجىلىسكە قاتىناسقاندار وسى زاڭنىڭ جاسالۋىن جاپپاي قۇپتاپ، وسى رەتكى تۇراقتى كوميتەت ماجىلىسىندە داۋىسقا سالىپ ماقۇلداۋدى ۇسىنىس ەتتى. 

    ماجىلىسكە قاتىناسقاندار تاعى ساندى مالىمەت حاۋىپسىزدىگى زاڭى جوباسى، اسكەريلەردىڭ ورنى مەن ۇقىق-مۇددەسىن قامتاماسىزداندىرۋ زاڭى جوباسى، اسكەري قۇرىلعىلاردى قورعاۋ زاڭىنا وزگەرىس ەنگىزۋ جوباسى، شاڭحاي قالالىق حالىق قۇرىلتايى مەن ونىڭ تۇراقتى كوميتەتىنە پۋدۇڭ جاڭا رايونىنىڭ زاڭ-ەرەجەلەرىن جاساۋعا ۇقىق بەرۋ جونىندەگى قاۋلى جوباسى سياقتىلاردى قارادى.


   اۋدارعان: امانتاي مۇسايىپ ۇلى

中央广播电视总台 央广网 版权所有

13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 29-ٴماجىلىسى گرۋپپالارعا ٴبولىنىپ تالقى وتكىزدى

ماجىلىسكە قاتىناسقاندار وسى زاڭنىڭ جاسالۋىن جاپپاي قۇپتاپ، وسى رەتكى تۇراقتى كوميتەت ماجىلىسىندە داۋىسقا سالىپ ماقۇلداۋدى ۇسىنىس ەتتى