ينفورماتسيا اشكەرەلەۋ: mzjubao@cnr.cn

ماڭىزدى حابارلار

عاسىرلىق كۇرەس،جاڭا جورىق،زامانا ارداگەرلەرى−كۇڭ فانسىن، جيەساڭ سونانداجيە

来源:جۇڭگو قازاق راديو تورابى     |责编:古丽美热|     发布日期: 2021-06-09 10:40

 

ٴوز حابارىمىز. عاسىرلىق كۇرەس، جاڭا جورىق، زامانا ارداگەرلەرى اتتى ارناۋلى باعدارلامامىزدىڭ بۇگىنگى كەزەگىندە ۇستىرتتەگى پارتيالى كادر كۇڭ فانسىن، تيبەت بوكەنىنىڭ مەكەنىن قورعاۋشى جيەساڭ سونانداجيەنىڭ ىزگى ىستەرى تانىستىرىلادى. 

    كۇڭ فانسىن 1944-جىلى تۋىلعان، شاندۇڭ ولكەسى لياۋچىڭ اۋدانىنىڭ ادامى، كوزى تىرىسىندە شيزاڭعا 2 رەت بارعان. 1992-جىلدىڭ سوڭىندا الي ايماقتىق پارتكومنىڭ شۋجيى بولىپ تاعايىندالعان، قىزمەت كەزىندە تۇتاس ايماقتاعى 106 اۋىلدىڭ 98 اۋىلىن ارالاپ شىعىپ، 80 مىڭ كيلومەتردەن استام جول باستى، ونىڭ ەڭبەكاقىسىنىڭ باسىم كوپ بولەگى قيىنشىلىعى بار بۇقاراعا قوسىمشا قاراجات بەرۋگە جۇمسالىپ، زاڭزۋ بۇقاراسىمەن قويۋ دوستىق ورناتتى. 

    1994-جىلى 11-ايدىڭ 29-كۇنى كۇڭ فانسىن شينجياڭنىڭ تارباعاتاي ايماعىنا شەكارا ساۋداسى ىستەرىن تەكسەرۋگە بارا جاتقان جولىندا قاتىناس شىرعالاڭى تۋىلىپ ۇكىمەت قىزمەتى جولىندا 50 جاسىندا قايتىس بولدى. سول كەزدە ونىڭ بويىنان ەكى اق نارسە تابىلدى، مۇنىڭ ٴبىرى ول قايتىس بولاردان 4 كۇن بۇرىن جازعان الي ەكونوميكاسىن دامىتۋ جونىندەگى 12 ۇسىنىس ەدى. 

    كۇڭ فانسىننىڭ ارامىزدان اتتانعانىنا 20 نەشە جىل ٴوتتى، جەرگىلىكتى ورىنداعى كادرلار مەن بۇقارا ونى جادىنان شىعارمايدى، «سۋىق جەرگە ىستىق مەيىر توگەمىن،اپپاق قارداي ادال بولىپ وتەمىن»،بۇل كۇڭ فانسىننىڭ كوزى تىرىسىندە قالدىرعان ولەڭى، سونداي-اق ۇستىرتتە ۇزاق ۋاقىتتان بەرى شوگەلدىكپەن بوداۋ بەرىپ كەلە جاتقان پارتيالى كادرلاردىڭ ناقتى بەينەسى. 

    جيەساڭ سونانداجيە چيڭحاي ولكەسى يۇيشۋ وبلىسى جىدو اۋدانى موچۇي قىستاعىندا دۇنيەگە كەلگەن. 1974-جىلى ول داشۋەنى بىتىرگەننەن كەيىن، ٴوزىٴوسىپ ەرجەتكەن جىدۋ ساحاراسىنا قايتىپ كەلەدى. 20-عاسىردىڭ 80-جىلدارىندا كوكشىل تيبەت بوكەنىن ۇرلاپ اۋلاۋ ٴجايىتى اۋىر بولدى. قاتىستى تاراۋلاردىڭ بەكىتۋىمەن سونانداجيە ورتانى قورعاۋ قارۋلى ۇيىمىن قۇرىپ، اترەت مۇشەلەرىن باستاپ ىلگەرىندى-كەيىندى كوكشىلگە ىشكەرلەي كىرىپ،12 تۇيىندى جەرىنە بارىپ،جاسىرىن اڭ اۋلاۋشىلارعا سىلەيتە سوققى بەردى. 

    1994-جىلى 1-ايدىڭ 18-كۇنى كەشتە، سول كەزدە جىدۋ اۋداندىق پارتكومنىڭ ورىنباسار شۋجيى، جىدو اۋداندىق باتىس بولەك قىزمەت كوميتەتىنىڭ شۋجيى بولىپ مىندەت اتقاراتىن سونانداجيە ەلسىز دالادا مىلتىق ۇستاپ اڭ اۋلاۋشىلارمەن اتىسىپ،اقتىق دەمىنە دەيىن شايقاسىپ،40 جاسىندا قايتىس بولدى. 

    سونانداجيە قۇربان بولعاننان كەيىن، ونىڭ سۇيەك كۇلى كوكشىل تاياڭحۋ كولى مەن كۇنلۇن تاۋ ساعاسىنا توگىلدى. 


        اۋدارعان: كۇلان ىرىسباي قىزى 


中央广播电视总台 央广网 版权所有

عاسىرلىق كۇرەس،جاڭا جورىق،زامانا ارداگەرلەرى−كۇڭ فانسىن، جيەساڭ سونانداجيە

سونانداجيە قۇربان بولعاننان كەيىن، ونىڭ سۇيەك كۇلى كوكشىل تاياڭحۋ كولى مەن كۇنلۇن تاۋ ساعاسىنا توگىلدى