ينفورماتسيا اشكەرەلەۋ: mzjubao@cnr.cn

ماڭىزدى حابارلار

لي كىچياڭ وزبەكستاننىڭ زۇڭليىمەن بەينە ەكران كەڭەس وتكىزدى

来源:جۇڭگو قازاق راديو تورابى     |责编:古丽美热|     发布日期: 2021-06-09 10:43

 

ٴوز حابارىمىز. مەملەكەتتىك كەڭەستىڭ زۇڭليى لي كىچياڭ 6-ايدىڭ 8 – كۇنى تۇستەن كەيىن جۇڭنانحايداعى زىگۋاڭگى سارايىندا ۋادە بويىنشا وزبەكستاننىڭ زۇڭليى اريپوۆپەن بەينە ەكران كەڭەس وتكىزدى. 

    لي كىچياڭ بىلاي دەدى: جۇڭگو مەن وزبەكستان دوس كورشىلەر جانە جالپى بەتتىك ستراتەگيالىق سەرىكتەر. تاياۋدا ٴتوراعا شي جينپيڭ ميرزيويەۆ پرەزيدەنتپەن سويلەسىپ، ەكى ەل قاتىناسىنىڭ دامۋىن جوسپارلادى. جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى تارالعاننان بەرى، جۇڭگو مەن وزبەكستان ٴبىرىن-ٴبىرى قولداپ، ٴوزارا كومەكتەسىپ، ناقتى سەلبەستىك ۇزدىكسىز العا باسىپ، ەكى ەل ەكونوميكاسىنىڭ قالپىنا كەلۋىن ىلگەرىلەتۋدە بەلسەندى رول اتقاردى. جۇڭگو وزبەكستانمەن جوعارى جىكتەگىلەردىڭ بارىس-كەلىسىن جيىلەتىپ، ساياسي سەنىمدىلىكتى كۇشەيتىپ، ٴار سالاداعى ناقتى سەلبەستىكتى تەرەڭدەتىپ، ەكى ەل قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. 

    لي كىچياڭ بىلاي دەپ انىق ايتتى: جۇڭگو وزبەكستانمەن ۇزدىكسىز قول ۇستاسا سەلبەسىپ، جۇقپالى اۋرۋعا توتەپ بەرۋدى قالايدى، وزبەكستانعا شاماسىنىڭ كەلىسىنشە كومەك كورسەتەدى، ەكى ەل كاسىپورىندارىنىڭ ٴوزارا تيىمدىلىك جەتكىزە ورتاق يگىلىكتەنۋ پرينسيبى بويىنشا ۆاكسينانى بىرلەسىپ ٴوندىرۋدى ورىستەتۋىن قولدايدى. ەكى جاقتىڭ بازار پرينسيپى مەن ساۋدا ەرەجەسى بويىنشا ٴار سالاداعى سەلبەستىكتى تەرەڭدەتىپ، ەكى ەل حالقىنا ٴتىپتى دە زور باقىت جاراتۋىن ٴۇمىت ەتەمىن. جۇڭگو وزبەكستاننىڭ ەرەكشە اۋىل شارۋاشىلىق ونىمدەرىنىڭ جۇڭگوعا جەتكىزىلۋدە كەدەننەن وتكىزۋگە قولايلىلىق جاراتۋدى قالايدى. كەلەر جىلى جۇڭگو مەن وزبەكستاننىڭ ديپلوماتيالىق قاتىناس ورناتقاندىعىنىڭ 30 جىلدىعى قارسى الىنادى، وسىنى وراي ەتە، الۋان ٴتۇرلى قۇتتىقتاۋ قيمىلدارىن وتكىزىپ، گۋمانيتارلىق اۋىس-كۇيىستى كۇشەيتىپ، ەكى ەل حالقىنىڭ ٴوزارا ٴتۇسىنىسۋى مەن ٴداستۇرلى دوستىعىن كۇشەيتۋدى ٴۇمىت ەتەمىن. جۇڭگو وزبەكستانمەن شاڭحاي سەلبەستىك ۇيىمى جۇلگەسىندەگى سايكەسۋدى، سەلبەسۋدى كۇشەيتىپ، وڭىردەگى ەلدەردىڭ جۇقپالى اۋرۋدان كەيىنگى قالپىنا كەلۋگە جانە حالىق تۇرمىسىن جاقسارتۋعا اناعۇرلىم ويداعىداي دەم بەرۋدى قالايدى. 

    اريپوۆ بىلاي دەدى: وزبەكستان مەن جۇڭگو جالپى بەتتىك ستراتەگيالىق سەرىكتەر، ەكى ەل قاتىناسىنىڭ دامۋ بەتالىسى جاقسى. جۇڭگونىڭ وزبەكستانعا جۇقپالى اۋرۋ ازابىنا ۇشىراپ قيىن كۇندەر تۋعاندا كومەك بەرگەندىگىنە العىس ايتادى، جۇڭگومەن جقپالى اۋرۋعا قارسى تۇرۋ سەلبەستىگىن كۇشەيتۋدى؛ ەكى ەل ۇكىمەتتەرى ارا سەلبەستىك كوميتەتى مەحانيزمىنىڭ رولىن تولىق ساۋلەلەندىرىپ، ساۋدا، قارجى قوسۋ، ەنەرگيا، جالپى جۇزدىك قارىم-قاتىناس سالالارىنداعى ٴوزارا ٴتيىمدى سەلبەستىكتى اناعۇرلىم كەڭەيتىپ جانە تەرەڭدەتىپ، وزبەكستان-جۇڭگو قاتىناسى مەن سەلبەستىگىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. وزبەكستان جۇڭگومەن شاڭحاي ىنتىماقتاستىق ۇيىمى جۇلگەسىندەگى سايكەسۋدى كۇشەيتۋدى قالايدى.


اۋدارعان: قاناتبەك جۇماباي ۇلى

中央广播电视总台 央广网 版权所有

لي كىچياڭ وزبەكستاننىڭ زۇڭليىمەن بەينە ەكران كەڭەس وتكىزدى

وزبەكستان جۇڭگومەن شاڭحاي ىنتىماقتاستىق ۇيىمى جۇلگەسىندەگى سايكەسۋدى كۇشەيتۋدى قالايدى