ينفورماتسيا اشكەرەلەۋ: mzjubao@cnr.cn

ماڭىزدى حابارلار

لي كىچياڭ مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشتى

来源:جۇڭگو قازاق راديو تورابى     |责编:古丽美热|     发布日期: 2021-06-10 10:08

 

ٴوز حابارىمىز. مەملەكەتتىك كەڭەستىڭ زۇڭليى لي كىچياڭ 6-ايدىڭ 9-كۇنى مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشىپ، «14-بەسجىلدىق» جوسپار «پروگرامماسىندا» بەلگىلەنگەن ٴتۇيىندى قۇرىلىس نىساندارىن جەدەل اتقارۋ جونىندە ورنالاستىرۋ جاسادى؛ ۇكىمەت باسقارۋىنداعى دوحتىرحانالاردىڭ ەڭبەكاقى ٴتۇزىمى رەفورماسىن تەرەڭدەتۋ شارالارىن بەلگىلەپ، ەمدەۋ قىزمەتكەرلەرىنىڭ بەلسەندىلىگىن اناعۇرلىم ويداعىداي جۇمىلدىرىپ، حالىق بۇقاراسىنا بارىنشا ساپالى قىزمەت وتەۋ كەرەكتىگىن تۇراقتاندىردى. 

    ماجىلىستە مىنالار اتاپ كورسەتىلدى: « 14-بەسجىلدىق » جوسپار «پروگرامماسىندا» ستراتەگيالىق، نەگىزدىك، جەتەكشىلىك سيپاتقا يە ٴبىر سىپىرا ٴتۇيىندى ينجەنەريا نىساندارى تۇراقتاندىرىلدى، عىلىم-تەحنيكادا قامال الۋ، نەگىزدىك قۇرىلعىلار، ەكولوگيالىق قۇرىلىس، حالىق تۇرمىسىنداعى ولقىلىقتاردى تولىقتاۋ، مادەنيەتكە مۇراگەرلىك ەتۋ، دامىتۋداي ٴتۇيىندى سالالارعا سايادى. جەر-جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، نىسانداردى اتقارۋ دايىندىعىن ويداعىداي ىستەپ، قولداۋ ساياساتتارىن اشالاپ، نىسانداردىڭ باسىم كوبى ىركەس-تىركەس باستالدى. قازىر ەل ٴىشى-سىرتى ورتاسىندا تۇراقسىز، ورنىقسىز فاكتورلار ءبىرشاما كوپ، اسىرا سىلتەۋدەن جالعاستى ساقتانىپ، ماكرولىق ساياساتتىڭ ۇلاسپالىلىعىن، ورنىقتىلىعىن ساقتاپ، باعىتتامالىلىعىن كۇشەيتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك. ماجىلىستە مىنالار تالاپ ەتىلدى: ەكونوميكالىق زاڭدىلىق پەن بازارلاندىرۋ پرينسيبىنە قۇرمەت ەتىپ، نەگىزدى كۇشەيتۋدى، فۋنكتسيانى ارتتىرۋدى، ۇزاق بولاشاققا تيىمدىلىك جاساۋدى، حالىقتى يگىلىككە كەنەلتۋدى، حاۋىپ-قاتەردەن ساقتانۋدى ٴبىر تۇتاس جوسپارلاپ، ٴتۇيىندى ينجەنەريا نىساندارى قۇرىلىسىن ىلگەرىلەتىپ، تۇتىنۋدىڭ نەگىزدىك رولىن ويداعىداي ساۋلەلەندىرۋمەن بىرگە، ۇتىمدى قارجى قوسۋدىڭ شەشۋشى رولىن اناعۇرلىم ويداعىداي ساۋلەلەندىرۋ كەرەك. 

    ماجىلىستە مىنالار اتاپ كورسەتىلدى: قالىڭ ەمدەۋ قىزمەتكەرلەرى حالىقتىڭ ٴومىرىن، دەنساۋلىعىن قورعاپ، ىندەتكە قارسى تۇرۋ بارىسىندا كورنەكتى ۇلەس قوستى. ۇكىمەت باسقارۋىنداعى دوحتىرحانالاردىڭ ەڭبەكاقى ٴتۇزىمى رەفورماسىن تەرەڭدەتىپ، ەمدەۋ قىزمەتكەرلەرىنىڭ ۇيلەسىمدى ەڭبەكاقى مامىلەسىن قامتاماسىزداندىرىپ، ولاردىڭ بۇقاراعا قىزمەت وتەۋ بەلسەندىلىگىن ونان ارى جۇمىلدىرۋ كەرەك.


اۋدارعان : امانتاي مۇسايىپ ۇلى

中央广播电视总台 央广网 版权所有

لي كىچياڭ مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشتى

ۇكىمەت باسقارۋىنداعى دوحتىرحانالاردىڭ ەڭبەكاقى ٴتۇزىمى رەفورماسىن تەرەڭدەتىپ، ەمدەۋ قىزمەتكەرلەرىنىڭ ۇيلەسىمدى ەڭبەكاقى مامىلەسىن قامتاماسىزداندىرىپ، ولاردىڭ بۇقاراعا قىزمەت وتەۋ بەلسەندىلىگىن ونان ارى جۇمىلدىرۋ كەرەك