ينفورماتسيا اشكەرەلەۋ: mzjubao@cnr.cn

ماڭىزدى حابارلار

«بۇرىلىس» اتتى ارناۋلى كولەمدى قۇجاتتى فيلىم تاراتىلادى

来源:جۇڭگو قازاق راديو تورابى     |责编:阿依娜古丽|     发布日期: 2021-06-18 10:21

 

ٴوز حابارىمىز. 24 سەريالى «بۇرىلىس» اتتى ارناۋلى كولەمدى قۇجاتتى فيلىمنىڭ تاراتىلۋ سالتى 6-ايدىڭ 17-كۇنى بەيجيڭدە وتكىزىلدى. بۇل فيلمدى ج ك پ ورتالىق كوميتەتىنىڭ ۇگىت ٴبولىمى، ورتالىق پارتيا تاريحىن جانە حۇجات زەرتتەۋ ورنى، مەملەكەتتىك دامۋ جانە رەفورما كوميتەتى، مەملەكەتتىك راديو ـ تەلەۆيزيا باس مەكەمەسى، جۇڭگو قوعامدىق عىلىمدار اكادەمياسى، ورتالىق راديو ـ تەلەۆيزيا باس ستانسياسى، ورتالىق ارحيۆحانا، ورتالىق اسكەري ىستەر كوميتەتىنىڭ ساياسي قىزمەت ٴبولىمى قاتارلى ورىندار بىرلەسىپ تۇسىرگەن.


    ارناۋلى فيلمدە 100 جىلدان بەرى جۇڭگو كوممۋنيستىك پارتياسىنىڭ ۇلتتىڭ تاۋەلسىزدىگىن، مەملەكەتتىڭ قۇدىرەتتەنۋىن، حالىقتىڭ باقىتىن جۇزەگە اسىرۋ جولىندا قاجىماي ـ تالماي كۇرەس جۇرگىزۋ تاريحى جانە ماركسيزمنىڭ جۇڭگوشالانۋىن، زامانالانۋىن، بۇقارالانۋىن ۇزدىكسىز ىلگەرىلەتۋ بارىسى نەگىزگى جەلى ەتىلىپ، جۇڭگو كوممۋنيستىك پارتياسىنىڭ باتىلدىقپەن وزگەرىس جاساۋ يراداسى، ىستەردى قاجىرلىلىقپەن تىڭعىلىقتى ىستەۋ رۋحى، باستان ـ اياق حالىقتىڭ باقىتىن كوزدەۋ اۋەلگى ماقساتتى ۇمىتپاۋى، جۇڭگو حالقىن ىنتىماقتاستىرىپ جانە باستاپ، ەڭسە كوتەرۋدەن بايۋعا، ونان قۇدىرەتتەنۋگە دەيىنگى تاريحي ۇلى ىستەردى جۇزەگە اسىرۋى ەگجەي تەگجەيلى بايان ەتىلگەن.


    ورتالىق ۇگىت ٴبولىمىنىڭ ورىنباسار باستىعى، ورتالىق راديو ـ تەلەۆيزيا باس ستانسياسىنىڭ باستىعى، باس رەداكتور شىن حايشيۇڭ ارناۋ سوزىندە بىلاي دەدى: داڭعىل جولدى ٴبىلۋ ٴۇشىن، ٴسوز جوق، الدىمەن تاريحتى ٴتۇسىنۋ كەرەك. «بۇرىلىس» اتتى ارناۋلى كولەمدى قۇجاتتى فيلىم پارتيامىزدىڭ 100 جىلدىق كۇرەس بارىسىن ارقاۋ ەتىپ عانا قالماستان، ۇلى تاريحي كوز ايا مەن جاندى دا اسەرلى تاريحي بارىستاردى تىلگە تىيەك ەتەدى، ول پارتيامىزدىڭ 100 جىلدىق شۇعىلالى بەينەسىنىڭ كولەمدىٴومىر بايانى.


    تانىستىرۋعا قاراعاندا، وسى كولەمدى ارناۋلى فيلىمدە 4 K اسقىن تۇنىق 3 ولشەمدى كارتون فيلم تەحنيكاسى مەن 8 K كەسكىنگە الۋ تاسىلدەرى قولدانىلعان، سونداي ـ اق جاساندى زەردە كەسكىن قالپىنا كەلتىرۋ تەحنيكاسى قولدانىلعان، بۇل باس ستانسيانىڭ 5G+4K/8K+AI تەحنولوگياسىن قالىپتاستىرۋىنىڭ تاعى ٴبىر رەتكى جاڭالىق اشۋ امالياتى بولىپ تابىلادى.


    ارناۋلى فيلىم 6-ايدىڭ 20-كۇنىنەن باستاپ، ورتالىق تەلەۆيزياسى امبەباپ ارناسىنىڭ التىن ۋاقىتىندا قويىلادى، ورتالىق تەلەۆيزياسىنىڭ قۇجاتتى فيلىم ارناسى، سونداي - اق ورتالىق تەلەۆيزياسىنىڭ احبارات تورابى، ياڭشىپيڭ قوسىمشاسى، ورتالىق تەلەۆيزيا تورابى، يۇنتيڭ ارناسى سياقتى جاڭا مەديا تەكشەلەرىندە تەڭ ۋاقىتتا تاراتىلادى. بۇكىل ەلدىڭ جەر - جەرىندە 8 K ۇلكەن ەكرانىندا قويىلادى. باس ستانسيانىڭ شەتەل تىلىندەگى كانالدارىندا قويىلادى.


اۋدارعان: شالقار قازەز ۇلى

中央广播电视总台 央广网 版权所有

«بۇرىلىس» اتتى ارناۋلى كولەمدى قۇجاتتى فيلىم تاراتىلادى

24 سەريالى «بۇرىلىس» اتتى ارناۋلى كولەمدى قۇجاتتى فيلىمنىڭ تاراتىلۋ سالتى 6-ايدىڭ 17-كۇنى بەيجيڭدە وتكىزىلدى.