ٴوز حابارىمىز. مەملەكەتتىك كەڭەستىڭ زۇڭليى لي كىچياڭ 6-ايدىڭ 18-كۇنى مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشتى. ماجىلىستە بيىل جىل باسىنان بەرگى اۋىل شارۋاشىلىق ٴوندىرىس قۇرال-جابدىقتارى باعاسىنىڭ ٴبىرشاما تەز جوعارىلاۋىنا باعىتتاي وتىرىپ، ناقتى استىق ەگەتىن ديقاندارعا ٴبىر جولدا تولىقتاما قاراجات بەرۋ؛ استىق داقىلدارىنىڭ وزىندىك قۇنىن تولىق قامسىزداندىرۋ جانە ەگىمشىلىك كىرىسىن قامسىزداندىرۋدى اتقارۋ كولەمىن كەڭەيتىپ، ديقانداردىڭ حاۋىپ–قاتەرگە توتەپ بەرۋ قۋاتىن ارتتىرۋ كەرەك دەپ بەلگىلەندى؛ فينانس قۇرىلىمدارىنىڭ اقىنى ازايتىپ، كاسىپورىندارعا تيىمدىلىك جاساپ، حالىققا پايدا جەتكىزۋىن اناعۇرلىم جەبەۋ جونىندە ورنالاستىرۋ جاسالدى؛ قامتاماسىزدىق سيپاتتى مايعا بەرىلەتىن تۇرعىن ٴۇي قۇرىلىسىن دامىتۋدى جەدەلدەتۋ ساياساتىن تۇراقتاندىرىپ، جاڭا قالا تۇرعىندارى، جاستار سياقتى قاۋىمنىڭ تۇرعىن ٴۇي قيىنشىلىعىن جەڭىلدەتۋ كەرەك دەپ بەلگىلەندى؛ «جۇڭحۋا حالىق رەسپۋبليكاسىنىڭ حالىق سانى جانە جوسپارلى تۋىت زاڭىنىڭ وزگەرىس ەنگىزىلگەن جوباسى» ماقۇلداندى. 

    ماجىلىستە مىنالار انىق ايتىلدى: اۋىل شارۋاشىلىعى-جۇرت كوڭىلىن ورنىقتىراتىن، الەمدى الاڭسىزداندىراتىن كاسىپ سالاسى. پارتيا ورتالىق كوميتەتى، مەملەكەتتىك كەڭەس استىق ءوندىرىسى مەن حاۋىپسىزدىگىنە ايرىقشا ءمان بەرىپ كەلەدى. جالپىلىق تاۋارلار باعاسىنىڭ ورلەۋىنىڭ ىقپالىنان حيميالىق تىڭايتقىش، سالەركا سياقتى اۋىل شارۋاشىلىق ٴوندىرىس ماتەريال-جابدىقتارىنىڭ باعاسى كورنەكتى جوعارىلادى، قازىر جازعى جيىن-تەرىن، جازعى ەگىستىڭ شەشۋشى كەزەڭى كەلدى، ديقانداردىڭ استىق ەگۋ بەلسەندىلىگىن قورعاۋ ٴۇشىن، ماجىلىستە اۋىل شارۋاشىلىق ٴوندىرىس ماتەريال-جابدىقتارى بازارىن رەتتەۋدى كۇشەيتۋ، كاسىپورىنداردى ەل ىشىندەگى قامداۋدى ارتتىرۋعا جەتەكتەۋمەن بىرگە، اۋىل شارۋاشىلىق ٴوندىرىس ماتەريال- جابدىقتارى باعاسىنىڭ قىمباتتاۋ جاعدايىنا ساي، ورتالىق قازىنادان 20 ميلليارد يۋان شاماسىندا قارجى ورنالاستىرىپ، ناقتى استىق ەگەتىن ديقاندارعا ٴبىر جولاتا تولىقتاما قاراجات تاراتىپ، ديقانداردىڭ كىرىسىن ورنىقتىرۋ؛ تولىقتاما قاراجاتتى جەدەل تاراتۋ، ەگىس ۋاقىتىن وتكىزىپ الماۋ كەرەك، دەپ بەلگىلەندى. 

    ديقانداردىڭ اپات سياقتى حاۋىپ-قاتەرلەرگە توتەپ بەرۋىنە كومەكتەسۋ ٴۇشىن، ماجىلىستە بيىل استىق وندىرەتىن 13 نەگىزگى ولكەدە استىق وندىرەتىن 500 ٴىرى اۋداندا كۇرىش، ٴبيداي ەگۋدىڭ وزىندىك قۇنىن تولىق قامسىزداندىرۋ جانە جۇگەرى ەگۋ كىرىسىن قامسىزداندىرۋ؛ كەلەر جىلى نەگىزگى ٴوندىرىس ولكەلەرىندەگى استىق وندىرەتىن ٴىرى اۋدانداردىڭ بارىنە جالپىلاستىرۋ؛ ورتالىق قازىنادان ورتا، باتىس بولەكتەرگە جانە شىعىس سولتۇستىك رايوندارعا %45 قامسىزداندىرۋ تولىقتاما قاراجاتىن بەرۋ ۇيعارىلدى. 

    ماجىلىستە مىنالار انىق ايتىلدى: بىلتىر فينانس قۇرىلىمدارىنىڭ اقىنى ازايتىپ، پايدا بەرۋ شاراسى ارقىلى بازار نەگىزگى تۇلعالاردىڭ قيىنشىلىق قىسپاعىنان قۇتىلۋىنا ٴونىمدى قولداۋ كورسەتىلدى. بيىل فينانس قۇرىلىمدارىن اقىنى ازايتۋعا ۇزدىكسىز جەتەكتەۋ ارقىلى شاعىن، ۇساق كاسىپورىنداردىڭ، جەكەشە ونەركاسىپشىلەر مەن ساۋداگەرلەردىڭ وزىندىك قۇندى تومەندەتۋىنە كومەكتەسۋ، جوعارى جەلىدەگى جالپىلىق تاۋارلاردىڭ باعاسىنىڭ قىمباتتاۋ قىسىمىن جەڭىلدەتۋ كەرەك. اقشا تولەپ ەسەپ جاساۋشىلاردىڭ رەسميەت اقىسىن كەشىرىم ەتۋگە شابىت بەرۋ ؛ ساۋداگەرلەردىڭ توراپتا تولەنەتىن رەسميەت اقىسىن %10 تومەندەتۋ؛ بانكە كارتوچكاسىمەن تولەنەتىن، اۆتوماتتى اقشا الۋ ساندىعىنان بانكە اتتاپ ناق اقشا الۋعا تولەنەتىن رەسميەت اقىسىن تومەندەتۋ سياقتى 6 جاقتاعى شارانى قامتىعان شارالار اتقارىلۋ ارقىلى مەجەمەن ٴار جىلى كاسىپورىندار مەن بۇقارانىڭ 24 ميلليارد يۋان اۋىرتپالىعى جەڭىلدەتىلەدى.

    قالا-قالاشىقتانۋ بارىسىنداعى جاڭا قالا تۇرعىندارىنىڭ، جاستاردىڭ نەگىزگى تۇرعىن ٴۇي قاجەتىن قامتاماسىزداندىرۋ ٴۇشىن، ماجىلىستە قالا ۇكىمەتىنىڭ نەگىزگى تۇلعالىق جاۋاپكەرشىلىگىن تياناقتاندىرۋ؛ بازار كۇشتەرىن ات سالىسۋعا شابىتتاندىرۋ؛ ماي اقىسى بازار باعا دەڭگەيىنەن تومەن شاعىن كولەمدى قامتاماسىزدىق سيپاتتى مايعا بەرىلەتىن تۇرعىن ۇيمەن قامداۋدى ارتتىرۋ ۇيعارىلدى. ماجىلىستە تاعى دا مىنالار بەلگىلەندى: جان سانى اعىلىپ كىرگەن ٴىرى قالا قاتارلىلاردا كوللەكتيۆ تيجارات سيپاتتى قۇرىلىسقا پايدالانىلاتىن جەر، كاسىپورىن، ٴىس ورىندارىنىڭ ٴوز جەرىن سالۋعا نەمەسە بوس تۇرعان ساۋدا كەڭسەلەرى سياقتىلاردان پايدالانىپ قامتاماسىزدىق سيپاتتى مايعا بەرىلەتىن تۇرعىن ٴۇيدى وزگەرتىپ سالۋعا بولادى. 10-ايدىڭ 1-كۇنىنەن باستاپ مايعا بەرۋشى كاسىپورىن جەكەلەرگە مايعا بەرەتىن تۇرعىن ۇيدەن الىناتىن ارتقان قۇن باجىسى باعاسى %1.5 ازايتىلادى، كاسىپورىن، ٴىس ورىندار قاتارلىلاردىڭ جەكەلەرگە، كولەمدەنگەن مايعا بەرۋشى كاسىپورىندارعا مايعا بەرەتىن تۇرعىن ءۇي باجىسى %4 ازايتىلادى. 

    ماجىلىستە «جۇڭحۋا حالىق رەسپۋبليكاسىنىڭ حالىق سانى جانە جوسپارلى تۋىت زاڭىنىڭ وزگەرىس ەنگىزىلگەن جوباسى ماقۇلدانىپ، مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنۋ ۇيعارىلدى.

اۋدارعان: قاناتبەك جۇماباي ۇلى