ٴوز حابارىمىز. «اۋەلگى ماقساتتى ۇمىتپاي، بورىشتى ەستە بەرىك ساقتاۋ جۇڭگو كوممۋنيستىك پارتياسى تاريحى كورمەسىنىڭ» اشىلۋ سالتى 6-ايدىڭ 18-كۇنى تۇستەن بۇرىن جۇڭگو كوممۋنيستىك پارتياسىنىڭ تاريحى كورمە سارايىندا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ءسوز سويلەدى ءارى كورمەنىڭ اشىلعانىن جاريالادى.

 ۋاڭ حۋنيڭ سوزىندە بىلاي دەدى: پارتيا تاريحى كورمە سارايىن سالىپ، پارتيا تاريحى تاقىرىپتىق كورمەسىن اشۋدىڭ ٴوزى پارتيامىزدىڭ حالىقتى ىنتىماقتاستىرىپ جانە باستاپ، 100 جىلدىق كۇرەس بارىسىندا اشقان ۇلى جولىن، سىڭىرگەن ۇلى ەڭبەگىن، سومداعان ۇلى رۋحىن، توپتاعان قۇندى تاجىريبەلەرىن ايگىلەپ، قالىڭ پارتيا مۇشەلەرىن، كادرلاردى جانە بۇقارانى پارتيانىڭ قاجىماي-تالماي كۇرەس جۇرگىزۋ تاريحىن، قۇربان بەرۋدەن قورىقپاۋ تاريحىن، نازاريالىق ىزدەنىس تاريحىن، حالىققا باقىت جاراتۋ تاريحىن، وزىندىك قۇرىلىس تاريحىن ىشكەرىلەي ۇيرەنۋگە جەتەكتەۋٴۇشىن؛ جۇڭگو كوممۋنيستىك پارتياسىنىڭ نە ٴۇشىن كەلەلى ىستەردى ىستەي الاتىندىعىن، ماركسيزمنىڭ نە ٴۇشىن جالپىلاسا الاتىندىعىن، جۇڭگوشا سوتسياليزمنىڭ نە ٴۇشىن ابزال ەكەندىگىن جەتكىلىكتى ٴتۇسىندىرۋ ٴۇشىن؛ توڭكەرىستىك گەندى جالعاستىرىپ، توڭكەرىسىتك رۋحتى ۇلاستىرىپ، قاجىماي-تالماي كۇرەس جۇرگىزەتىن قۇدىرەتتى رۋحاني كۇش قابىلداۋ ٴۇشىن بولىپ تابىلادى. ەكىنشى 100 جىلدىق كۇرەس نىساناسىن جۇزەگە اسىرۋدىڭ تاريحي جاڭا باستاماسىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولۋ؛ «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداۋ؛ جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋ جولىندا ۇزدىكسىز كۇرەس جۇرگىزۋ كەرەك.

قاتىستى جاقتارداعى جاۋاپتى جولداستار، ساقا پارتيا مۇشەلەرىنىڭ، ساقا كادرلاردىڭ ۋاكىلدەرى، نەگىزگى ساتىداعى پارتيا مۇشەلەرى مەن استاناداعى ٴار سالا بۇقاراسىنىڭ ۋاكىلدەرى، بەيجيڭدە تۇراتىن اسكەري بولىمدەردەگى كوماندير-جاۋىنگەرلەردىڭ ۋاكىلدەرى قاتارلىلاردان 1000 داي ادام كورمەنىڭ اشىلۋ سالتىنا قاتىناستى.


اۋدارعان: قاناتبەك جۇماباي ۇلى