ٴوز حابارىمىز. باس شۋجي شي جينپيڭ تاياۋدا تاسقىننان ساقتانۋ، اپاتتان قۇتقارۋ قىزمەتىنە ماڭىزدى نۇسقاۋ بەردى. ول مىنالاردى باسا دارىپتەدى: «ٴار دارەجەلى باسشى كادرلار حالىق بۇقاراسىنىڭ ٴومىرى مەن مال-مۇلكىنىڭ حاۋىپسىزدىگىن كەپىلدەندىرۋدى باستان-اياق ماڭداي الدى ورىنعا قويۋ؛ جەر ـ جەرلەر، قاتىستى تاراۋلار تاسقىننان ساقتانۋ، اپاتتان قۇتقارۋ قىزمەتىن ويداعىداي ىستەۋمەن بىرگە، ٴوندىرىس، تۇرمىس ٴتارتىبىن تەز ارادا قالپىنا كەلتىرۋ؛ اپاتقا ۇشىراعان بۇقارانى سۇيەمەلدەۋ، قۇتقارۋ جانە دەنساۋلىق ساقتاۋ، اۋرۋدىڭ الدىن الۋ قىزمەتتەرىن تىڭعىلىقتى ىستەۋ كەرەك». جەر-جەرلەر، تاراۋلار باس شۋجيدىڭ تالابى بويىنشا، حالىقتى بارىنەن جوعارى قويۋ، ٴومىردى بارىنەن جوعارى قويۋ تانىمىن بەرىك ورناتىپ، قاتەردەن اراشالاۋ، قۇتقارۋ-كومەكتەسۋ، اپاتتان كەيىنگى ٴبىر جاقتى ەتۋ قاتارلى قىزمەتتەردى كورنەكتى تۇردە ويداعىداي ىستەپ، ٴوندىرىس، تۇرمىس ٴتارتىبىن قالپىنا كەلتىرۋگە ايانباي كىرىستى.

    تاياۋدا حىناندا قالىڭ جاڭبىر جاۋدى، جىڭجوۋدىڭ ەلەكتر قۇرىلعىلارى اۋىر زيانعا ۇشىراپ، بۇكىل قالاداعى 473 شاعىن رايونعا ىقپال جاسادى. مەملەكەتتىك ەلەكتر تورابى جىڭجوۋ ەلەكترمەن قامداۋ سەرىكتىگى اپات تۋىلعاننان كەيىن، ٴبىرىنشى دارەجەلى شۇعىل جاعدايعا توتەپ بەرۋ ۇندەۋىن دەرەۋ ىسكە قوستى، 3643 شۇعىل جوندەۋ اترەت مۇشەسى كۇندىز-ٴتۇنى بۇلىنگەن ەلەكترمەن قامداۋ جابدىقتارىن شۇعىل جوندەپ، 7-ايدىڭ 23-كۇنى قالا رايونىنىڭ توكپەن قامداۋدى قالپىنا كەلتىرۋىنە كۇش سالدى.

    باتىس حىنان تاۋلى رايونىنداعى گۇڭ-يي قالاسى ميحى قالاشىعىندا مەجەمەن 7-ايدىڭ 23-كۇنى اۋدان بويىنشا %50 ەلەكتر قۋاتى، 3 كۇن اينالاسىندا ٴبىر ٴبولىم تۇرعىندار رايونىندا اۋىز سۋ ىستەتۋ قالپىنا كەلىپ بولادى.

    قالا قاتىناسى دا بىرتىندەپ قالپىنا كەلۋدە. 7-ايدىڭ 22-كۇنىنەن باستاپ جىڭجوۋدىڭ ٴارقايسى اۆتوموبيل بەكەتتەرى سولتۇستىك حىنان رايونىنداعى كەزەكشى لەنياعا تاسىمالداۋدى جالعاستى توقتاتۋدان سىرت، قالعان كەزەكشى لەنيالاردا تاسىمال بىرتىندەپ قالپىنا كەلدى. جىڭجوۋ مەتروسى دا حاۋىپسىزدىككە كەپىلدىك ەتۋ العى شارتىندا تەز ارادا قالپىنا كەلەدى.

    تەمىر جول تاراۋلارى ٴتۇرلى شارالار قولدانىپ، تاسىمال ٴتارتىبىن بار كۇشپەن قالپىنا كەلتىردى. قازىر وڭتۇستىك-سولتۇستىك باعىتتاعى بەيجيڭ-گۋاڭجوۋ جوعارى قارقىندى تەمىر جولى، جىڭجوۋدان شىعىسقا بەتتەگەن جىڭجوۋ-شۇيجوۋ جوعارى قارقىندى تەمىر جولى حاۋىپسىز، بوگەتسىز بولىپ، پويەز قاتىناۋى بىرتىندەپ قالپىنا كەلدى.

    اپات تۋىلعاننان كەيىن، حىبي، انحۇي، جياڭسۋ، جياڭشي قاتارلى ولكەلەردەن كەلگەن ٴورت ٴسوندىرۋ، ورتتەن ساقتانۋ قۇتقارۋ ـ كومەكتەسۋ قوسىنى حىنانعا شۇعىل كومەك بەردى. مەملەكەتتىك ەلەكتر تورابى شانشي ولكەلىك ەلەكتر سەرىكتىگى تاسقىنعا قارسى تۇرىپ، حىنان ەكپىندىلەر اترەتىن قۇرىپ، ەلەكتر جابدىقتارىن الىپ ٴۇش توپقا ٴبولىنىپ جىڭجوۋعا باردى. سىچۋان ولكەلىك قىزىل كرەست قور قوعامى جيناعان تۇڭعىش توپتاعى شۇعىل جاعدايعا توتەپ بەرۋ، قۇتقارۋ بۇيىمدارى، شۇعىل جاعدايعا توتەپ بەرۋگە قاجەتتى بۇيىمدار دورباسى جانە اپاتقا ۇشىراعان بۇقارانىڭ وتباسىن قامتاماسىزداندىرۋ دورباسى قاتارلى زاتتار حىناننىڭ لوياڭ قالاسىنا جەتكىزىلدى ٴارى اپاتقا ۇشىراعان بۇقاراعا تاراتىپ بەرىلدى.

    7-ايدىڭ 22-كۇنى حىبيدا تۇتقيىل قالىڭ جاڭبىر جاۋدى، وسى كۇنى تاڭ سارىدە جەرلىك ورىن بۇقارانى شۇعىل جوتكەدى.

اۋدارعان: قاناتبەك جۇماباي ۇلى