ٴوز حابارىمىز. تاياۋدا «ج ك پ ورتالىق كوميتەتىنىڭ، مەملەكەتتىك كەڭەستىڭ جاڭا داۋىردە ورتا بولەك وڭىرلەردىڭ جوعارى ساپالى دامۋىن ىلگەرىلەتۋ جونىندەگى پىكىرى » رەسمي جاريالاندى.

    «پىكىردە» مىنالار انىق ايتىلدى: ورتا بولەك وڭىرلەردىڭ كوركەيۋىن جەبەۋ ستراتەگياسى اتقارىلعاننان بەرى، اسىرەسە، پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتا بولەك وڭىرلەردىڭ ەكونوميكالىق، قوعامدىق دامۋىندا كەلەلى جەتىستىكتەرگە قول جەتىپ، مەملەكەتتىڭ ەكونوميكالىق، قوعامدىق دامۋىندا ماڭىزدى تىرەكتىك رول اتقاردى. سونىمەن بىرگە، ورتا بولەك وڭىرلەردىڭ دامۋى بىركەلكى بولماۋ، تولىق بولماۋ ماسەلەسى ءالى دە كورنەكتى بولىپ وتىر، جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋى قاتارلىلاردىڭ ىقپالىنان، ورتا بولەك وڭىرلەردىڭ، اسىرەسە، حۋبي ولكەسىنىڭ ەكونوميكاسىنىڭ جوعارى ساپالى دامۋى مەن حالىق تۇرمىسىن جاقسارتۋ جاعىندا ءتىپتى دە زور قۇلشىنىس جاساۋعا تۋرا كەلەدى.

    «پىكىردە» مىنالار باسا دارىپتەلدى: شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى؛ جوعارى ساپالى دامۋدى ىلگەرىلەتۋدى نەگىزگى تاقىرىپ؛ قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى؛ رەفورما جاساۋدى، جاڭالىق جاراتۋدى ٴتۇبىرلى قوزعاۋشى كۇش؛ حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ٴتۇبىرلى ماقسات ەتۋ كەرەك.

    2025 – جىلعا بارعاندا ورتا بولەك رايوندارىنىڭ ساپا وزگەرىسىندە، ونىمدىلىك وزگەرىسىندە، قوزعاۋشى كۇش وزگەرىسىندە تىڭ ىلگەرىلەۋشىلىككە قول جەتكىزۋ؛ ۇسىنىلىم، ٴونىم ونىمدىلىگىن زور دارەجەدە جوعارىلاتۋ؛ جالپىلىق قۋاتىن، ىشكى قوزعاۋشى كۇشىن جانە باسەكەلىك قۋاتىن اناعۇرلىم كۇشەيتۋ كەرەك. جاڭالىق جاراتۋ قابىلەتى قۇرىلىسىندا كورنەكتى ونىمدىلىككە قول جەتكىزۋ؛ عىلىم ـ تەحنيكالىق جاڭالىق جاراتۋ، شارۋاشىلىق قۇرۋ كاسىبىنىڭ توعىسپالى دامۋ جۇيەسىن نەگىزىنەن ورناتۋ؛ تۇتاس قوعامنىڭ زەرتتەۋ ـ تاپقىرلاۋ قاراجاتى ۇسىنىلىمىنىڭ وڭىرلىك ٴوندىرىس جالپى ٴونىم قۇنىنىڭ سالىستىرماسىن بۇكىل ەلدىڭ ورتاشا دەڭگەيىنە جەتكىزۋ كەرەك. تۇراقتى نوپوستاعى جان سانىنىڭ قالا - قالاشىقتانۋ مولشەرىن جىلىنا ورتا ەسەپپەن ٴبىر پايىزدان استام جوعارىلاتۋ؛ جۇمىس ٴبولىسى ۇيلەسىمدى، ابزالدىلىقتارىمەن ٴبىرىن - ٴبىرى تولىقتايتىن، وزىندىك ەرەكشەلىككە يە سايكەستى دامۋ جاعدايىن نەگىزىنەن قالىپتاستىرۋ؛ قالا مەن اۋىلدىڭ وڭىرلىك دامۋىنىڭ سايكەسىمدىلىگىن ونان ارى كۇشەيتۋ كەرەك. جاسىل دامۋدى ىشكەرىلەتۋ؛ بىرلىك رايونداردىڭ ٴوندىرىس جالپى ٴونىم قۇنىنداعى ەنەرگيا جۇمسالىمىنىڭ تومەندەۋ مولشەرىن بۇكىل ەلدىڭ ورتاشا دەڭگەيىنە جەتكىزۋ؛ بىرلىك رايونداردىڭ ٴوندىرىس جالپى ٴونىم قۇنىن جاراتۋ بارىسىندا ٴبولىپ شىعارىلاتىن كومىرتەگى قوس توتىعى مولشەرىن ونان ارى تومەندەتۋ؛ بايلىق ۇنەمدەلەتىن، ورتاسى جاراسىمدى دامۋ ٴتاسىلىن تەگىس قالىپتاستىرۋ كەرەك. ەسىك اشۋ دەڭگەيىن تاعى دا تىڭ ساتىعا كوتەرۋ؛ ىشكى قۇرلىقتاعى اشىق ۇستالعان ەكونوميكا جاڭا ٴتۇزىلىسىن نەگىزىنەن قالىپتاستىرۋ كەرەك. ورتاق يگىلىكتەنەتىن دامۋدا جاڭا ورەگە جەتكىزۋ؛ تۇرعىنداردىڭ جان باسىندىق بولىسكە سالۋعا بولاىن ورتاشا كىرىسىنىڭ ارتۋىن ەكونوميكانىڭ ارتۋىمەن نەگىزىنەن تەڭ بولعىزۋ؛ الەۋمەتتىك دەنساۋلىق ساقتاۋ سياقتى سالالارداعى توسىن وقيعالارعا ٴبىر تۇتاس توتەپ بەرۋ قابىلەتىن كورنەكتى جوعارىلاتۋ؛ حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كورنەكتى ارتتىرۋ كەرەك.

    2035 - جىلعا بارعاندا، ورتا بولەكتەگى رايونداردىڭ وسىزاماندانعان ەكونوميكالىق جۇيەسىن نەگىزىنەن قۇرىپ شىعۋ؛ كاسىپ سالاسىن جالپى تۇلعالىق جاقتان ورتا، جوعارى دەڭگەيگە جەتكىزۋ؛ قالا مەن اۋىلدىڭ وڭىرلىك سايكەستى دامۋىن ٴبىرشاما جوعارى ورەگە كوتەرۋ؛ جاسىل، تومەن كومىرتەكتى ٴوندىرىس، تۇرمىس ٴتاسىلى نەگىزىنەن قالىپتاستىرۋ؛ اشىق ۇستالعان ەكونوميكالىق ٴتۇزىلىس مەحانيزمىن اناعۇرلىم كەمەلدەندىرۋ؛ حالىق تۇرمىسىن اناعۇرلىم باقىتتى، الاڭسىز ەتىپ، سوتسياليستىك وسىزامانداندىرۋدى نەگىزىنەن جۇزەگە اسىرىپ، ورتاق اۋقاتتانۋدا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ كەرەك.

    «پىكىردە» مىنالار ايقىن بەلگىلەندى: ٴبىرىنشى، جاڭالىق جاراتا دامۋدان كوزجازباي، وزىق جاساۋ كاسىبىن تىرەك ەتكەن وسى زامانعى كاسىپ جۇيەسىن ورناتۋ كەرەك. وزىق جاساۋ كاسىبىن زورايتۋ جانە كۇشەيتۋ؛ جاساۋ كاسىبىندەگى ورىن جوتكەۋدى بەلسەنە جالعاستىرۋ؛ شەشۋشى سالالارداعى دەربەس جاڭالىق جاراتۋ قابىلەتىن جوعارىلاتۋ؛ وزىق جاساۋ كاسىبى مەن وسى زامانعى قىزمەت وتەۋ كاسىبىنىڭ ىشكەرىلەي توعىسۋىن ىلگەرىلەتۋ كەرەك.

    ەكىنشى، سايكەستى دامۋعا تاباندى بولىپ، قالا مەن اۋىلدىڭ وڭىرلىك دامۋ سايكەسىمىن كۇشەيتۋ كەرەك. وڭىرلىك كەلەلى ستراتەگيالارعا ىرىقتىلىقپەن قاتىناسىپ، قالا مەن اۋىلدىڭ توعىسپالى دامۋىن جەبەۋ؛ قالا ساپاسىنىڭ جوعارىلاۋىن ىلگەرىلەتۋ؛ اۋىل شارۋاشىلىعىن، اۋىل ـ قىستاقتى وسىزامانداندىرۋدى جەدەلدەتۋ؛ ولكەلەر ارا سەلبەستىك پەن شەكارالاسقان وڭىرلەردىڭ سايكەستى دامۋىن ىلگەرىلەتۋ كەرەك.

    ٴۇشىنشى، جاسىل دامۋعا تاباندى بولىپ، ادام مەن تابيعات جاراسىمدى قاتار ٴومىر سۇرەتىن كوركەم ورتا قالىپتاستىرۋ كەرەك. ەكولوگيالىق حاۋىپسىزدىك قالتقىسىن ورتاق قۇرۋ؛ ەكولوگيالىق ورتانى ورتاق قورعاۋدى، بىرلەسىپ وڭاۋدى كۇشەيتۋ؛ جاسىل ٴوندىرىس، تۇرمىس ٴتاسىلىن جەدەل قالىپتاستىرۋ كەرەك.

    ٴتورتىنشى، اشىق ۇستالعان دامۋعا تاباندى بولىپ، ىشكى قۇرلىقتا جوعارى دەڭگەيدەگى ەسىك اشۋ جاڭا ٴتۇزىلىسىن قالىپتاستىرۋ كەرەك. ىشكى قۇرلىقتا ەسىك اشۋ ارناسى قۇرىلىسىن جەدەلدەتۋ؛ ىشكى قۇرلىقتا جوعارى دەڭگەيدەگى ەسىك اشۋ تەكشەسىن قۇرۋ؛ بازارلانعان، زاڭمەن باسقارىلاتىن، حالىقارالانعان تيجارات ـ ساۋدا ورتاسىن ۇزدىكسىز ساپالاندىرۋ كەرەك.

    بەسىنشى، ورتاق يگىلىكتەنەتىن دامۋعا تاباندى بولىپ، الەۋمەتتىك قىزمەت وتەۋدى قامتاماسىزداندىرۋ دەڭگەيىن جوعارىلاتۋ كەرەك. نەگىزگى الەۋمەتتىك قىزمەت وتەۋدى قامتاماسىزداندىرۋ قۋاتىن جوعارىلاتۋ؛ جوعارى ساپالى الەۋمەتتىك قىزمەت وتەۋمەن قامداۋدى ارتتىرۋ؛ قوعامدىق باسقارۋدى كۇشەيتۋ جانە جاڭالىق جاراتۋ؛ كەدەيلىكتەن قۇتىلدىرۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى كوركەيتۋمەن ٴونىمدى ۇشتاستىرۋدى جۇزەگە اسىرۋ كەرەك.

    «پىكىردە» مىنالار انىق ايتىلدى: ورتا بولەك وڭىرلەردىڭ جوعارى ساپالى دامۋىن جەبەيتىن ساياسات ـ شارالاردى كەمەلدەندىرۋ، ساياساتتىق قولداۋ جۇيەسىن ورناتۋ جانە كەمەلدەندىرۋ؛ قازىنا، باجى، فينانس جاعىنان قولداۋ تەبىنىن ارتتىرۋ كەرەك.

    «پىكىردە» مىنالار باسا دارىپتەلدى: پارتيانىڭ جالپى بەتتىك باسشىلىعىنا تاباندى بولۋ جانە كۇشەيتۋ؛ پارتيانىڭ باسشىلىعىن ورتا بولەك وڭىرلەردىڭ جەدەل دامۋىن ىلگەرىلەتۋدىڭ تۇتاس بارىسىنا ٴسىڭىرۋ كەرەك. شانشي، انحۇي، جياڭشي، حىنان، حۋبي، حۋنان سياقتى ورتا بولەكتەگى 6 ولكەدە پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىنىڭ تياناقتانىپ، ٴونىم بەرۋىنە كەپىلدىك ەتۋ كەرەك. ورتالىقتاعى قاتىستى تاراۋلار مىندەت ٴبولىسى بويىنشا ورتا بولەكتەگى 6 ولكەمەن بايلانىستى، ۇشتاسۋدى جيىلەتۋ؛ جوبا جاساۋ جانە كەلەلى ساياساتتاردى بەلگىلەۋ، نىسانداردى ورنالاستىرۋ، رەفورما جاساۋ، جاڭالىق اشۋ قاتارلى جاقتاردا بەلسەنە قولداۋ كورسەتۋ كەرەك. مەملەكەتتىڭ ورتا بولەك وڭىرلەردىڭ كوركەيۋىن جەبەۋ قىزمەت كەڭسەسى ٴبىر تۇتاس جەتەكشىلىك ەتۋدى كۇشەيتۋ؛ وسى پىكىردى اتقارۋ بارىسىندا ٴدوپ كەلگەن كورنەكتى ماسەلەلەردى سايكەستىرىپ شەشۋ؛ قۋزاۋ جانە اتقارۋ ونىمدىلىگىن باعالاۋدى كۇشەيتۋ كەرەك.

اۋدارعان: قاناتبەك جۇماباي ۇلى